بنت عمى 2
كده هنا وتقعدي باحترامك والا والله العظيم هربيكي بطريقتي..
اتعصبت كامليا وزعقت فيه حووش حووش سكتناله دخل بحماره تطلع مين انت ي عسل عشان تكلمني كده..
ادهم پحده وطي صوتك وشغل الرقصات ده تبطليه وفوقي انتي دلوقتي بنت كمال السيوفي ارتقي شويه..
زقته فكتفه اووي وقالتله بغيظ خليك فحالك ي عسل وانا اقعد هنا براحتي بيتي زي مهو بيتك وطريها شويه عشان تسلك معايا بدل م..
كامليا بغيظ بتستقوي عليا طيب بس يجي ابوك وانا هشوفلي حل معاك وهخليه ينفخك مره وحده مش وحده وحده..
دخل الاوضه وزعق فيها البيت ده محترم ولو محدش هيعرف يلمك قبل متخربيهم ويبقو زيك انا هربيكي وهخليكي محترمه ڠصب عنك..
كان كلامها مليان حزن فمقدرش يرد عليها وبعدين وقفت هي عند. الباب وقالتله بعصبيه سكتك خضرا يلا..
كامليا بعصبيه اطلع بره ي عسل..
اتعصب منها وقال بطلي تقوليلي عسل دي ي قليلة الذوق انتي..
كامليا بضيق اللهم اغزيك ي شيطان اطلع بره وخلصني..
ادهم وهو بيطلع بره هطلع عشان اروح اربي الجزم التانين بس كلامنا مخلصش وبلاش تغلطي تاني ومتنفذيش كلامي و..
قبل ميكمل كلامه قفلت الباب فوشه وهي بتقول بعصبيه يخي يخربيت ام درس العربي بتاعك اللي مش بيخلص ده..
_راح لاوضة مامته واول مدخل استخبي مازن وحلا ورا سعاد اللي كانت بتبص لادهم بخو ف..
ادهم بزعيق انتي ي ماما طيب هما وتافهين وعيال وحضرتك بتسقفيلهم..
حلا بخو ف ايوه ي ادهم ماما السبب هي اللي سقفت..
مازن بقلق ايوه هي السبب ع رأي المثل طول ما القرد لاقي حد بسقفله يبقي يتنطط براحته..
ادهم پحده وهو بيبص لمازن وللطرحه اللي ع وسطه افرحي ي ماما بقي عندك بنتين حلا وزي زي..
اتغاظ مازن وقاله اي زي زي دي هي الدقن دي مش ماليه عينك..
اتصډم مازن وقال يالهوي هو انا لسه مفكتهاش ي فضحتك ي زي زي..
زعق ادهم فيه وفحلا تعالي هنا قدامي انت وهي..
مازن بقلق وانا اللي عايزني يجيني..
اتعصب وقال مش هقول تاني تعالي قدامي منك ليها..
وقفو الاتنين قدامه وهما خايفين فسألهم بهدوء من غير هزار وضحك انتو فرحانين ان بنت عمكم رقاصه..
بص مازن وحلا لبعض باحراج وردت. حلا عليه لا طلعا مش مبسوطين..
مازن بهدوء بس احنا قولنا نفرفش شويه عشان تاخد علينا بسرعه ومتستغربناش..
سعاد اخوكم معاه حق ي ولاد..
مازن بسخريه لا مع نفسكم. بقي انا عايز اللي يغيرني ويلمني..
حلا عيب ي مازن خلاص ي ادهم انا هعمل زي مقولتلي بس هخليها تعلمني الرقص..
سعاد بحماس وانا كمان دي عليها هزت وسط ولا صفيناز..
زعق ادهم فيهم بصوت عالي برضو عايزين تعملو زي اللي جوه دي...
زعقت كامليا من اوضتها وهي بتقوله اكتم ي عسل بدل ما دي متطلع ترنك علقھ تجيب اجلك..
ضحكو كلهم وقال ادهم بغيظ مفيش فايده انتو عيله من كبيرها لصغيرها مكانها الوحيد مستشفي المجانين..
تاني يوم فشركة السيوفي كان ادهم مشغول فاعماله هو وباباه وكانو بيحضرو اجتماع مهم ..
عزت بصوت واطي مش المفروض كانت كامليا تيجي تحضرالاجتماع ده
