قصة سيدنا ابراهيم عليه السلام كامله باللغه العاميه بقلم هبه الله
به عليكم سلطانا ۚ فأي الفريقين أحق بالأمن ۖ إن كنتم تعلمون
وفي يوم من الأيام...
سيدنا إبراهيم لقي الناس قاعدين طول النهار قدام التماثيل بيعبدوها ومش بيتحركوا من قدامها..
ولقي أبوه قاعد معاهم..
سيدنا إبراهيم سألهم
إيه التماثيل إللي انتوا قاعدين قدامها طول النهار دي
قالوا إحنا لقينا اباءنا وأجدادنا بيعبدوها.. فعبدناهم!
قالوا وجدنا آباءنا لها عابدين
فسيدنا إبراهيم رد عليهم..
هما كانوا غلط وانتم كمان بتعملوا غلط زيهم..
قال لقد كنتم أنتم وآباؤكم في ضلال مبين
فردوا عليه انت فعلا عارف الحق والصح ولا بتلعب بينا
فقال لهم
ربكم اللي مفروض تعبدوه هو رب السموات والأرض وهو اللي خلقهم وخلقنا وانا متأكد ان ده الحق والصح..
أقسم بالله هتشوفوا هعمل ايه في أصنامكم دي بعد لما تمشوا وتسيبوها..
وتالله لأكيدن أصنامكم بعد أن تولوا مدبرين
وفعلا في يوم من الأيام كان عندهم زي عيد بيخرجوا فيه بره مدينتهم
وقالوا لسيدنا إبراهيم تعالي يلا معانا ..
سيدنا إبراهيم كان تعب من قومه اللي رافضين كلامه ومصممين انهم يعبدوا شوية حجارة ..
أنا حاسس اني تعبان ومش هخرج معاكم من المدينة.. فبعدوا عنه وخرجوا من المدينة وسابوه.
سيدنا إبراهيم راح المعبد اللي مليان أصنام..
لقي الناس حاطين كل أنواع الأكل الجميل قدام الأصنام! فاكرين ان كدة الصنم ربنا بتاعهم هيحبهم ويعملهم اللي هما عاوزينه!
إنتم مش هتاكلوا !!.... أيه مالكم مش بتنطقوا !!!
سيدنا إبراهيم مسك فأس ونزل تكسير في كل الأصنام.. خلاهم فتافيت ماعدا واحد..!!
أكبر واحد فيهم سابه سليم وعلق الفأس علي رقبته
وسابه ومشي.!!
رجع الناس لمدينتهم ودخلوا عند اصنامهم لقوها متكسرة فتافيت...!!
فضلوا يزعقوا مين اللي عمل كدة! ده حد ظالم!
احنا سمعنا ولد بېهدد أصنامنا اسمه إبراهيم!
فقالوا هاتوا إبراهيم ده قصاد الناس كلهم عشان نشوف حكايته إيه ونسمع عمل كدة ليه!
وهو ده بالضبط إللي كان عايزه سيدنا إبراهيم عليه السلام. إن الناس تعرف هو عمل كدة ليه ..
جابوا سيدنا إبراهيم قصاد كل الناس فعلا وسألوه
إنت اللي عملت كده في الآلهة بتاعتنا
لا ده الصنم الكبير اللي عمل كدة ! هو اللي كسر باقي الأصنام ! حتى أسألوهم كده !
الناس بصوا لبعض وفكروا لثواني وحسوا انهم أكيد غلط .
ده مفيش صنم يقدر يحمي حتي نفسه ولا صنم يقدر يضر غيره!
بس برضو رجعوا لعنادهم وقالوا
إنت عارف إن دول ما بيعرفوش ينطقوا !
سيدنا إبراهيم قالهم
يعني انتم بدل ما تعبدوا ربنا بتعبدوا أصنام لا تقدر تضر ولا تقدر تنفع
أنا متضايق منكم ومن آلهتكم اللي خلتكم من غير عقل .
ردوا بعصبية
يلا نحرقه پالنار .. نحرق إبراهيم وننصر الآلهة بتاعتنا اللي حطمها ..لازم يتعاقب عشان نخلي الآلهة بتاعتنا هي اللي كسبانة
ومسكوا سيدنا إبراهيم وعملوا ڼار عظيمة وجمعوا الناس عشان يشوفوا العڈاب اللي هيتعذبه ورموا سيدنا إبراهيم عليه السلام فيها
قالوا فأتوا به على أعين الناس لعلهم يشهدون . قالوا أأنت فعلت هذا بآلهتنا يا إبراهيم ..
قال بل فعله كبيرهم هذا فاسألوهم إن كانوا ينطقون . فرجعوا إلى أنفسهم فقالوا إنكم أنتم الظالمون . ثم نكسوا على رءوسهم لقد علمت ما هؤلاء ينطقون . قال أفتعبدون من دون الله ما لا ينفعكم شيئا ولا يضركم . أف لكم ولما تعبدون من دون الله أفلا تعقلون .
