قصة سيدنا شعيب عليه السلام كامله باللغه العاميه بقلم هبه الله
من كده .!!
قالوا ياشعيب أصلاتك تأمرك أن نترك ما يعبد آباؤنا أو أن نفعل في أموالنا ما نشاء إنك لأنت الحليم الرشيد
فقال لهم
افتكروا نعمة ربنا عليكم وإزاي كنتم مجموعة صغيرة وربنا زود في عددكم
اتقوا ربنا إللي خلقكم أنتم وآباؤكم
واستغفروا ربنا وتوبوا ده ربنا رحيم وودود وبيقبل التوبة..
واذكروا إذ كنتم قليلا فكثركم
فقالوا له
إنت شكلك اتسحرت وحد عملك سحر!!
قالوا إنما أنت من المسحرين
وعلي فكرة بقي إحنا مش حابين كلامك ده ولا عايزين نسمعه ومش فاهمين إنت بتقول إيه أساسا .!!
وإنت ضعيف أصلا!!
ولولا عيلتك كنا حدفناك بالطوب لحد ما نقتلك لإن انت شخصيا مش عزيز علينا في شيء ولا غالي علينا يعني.
سيدنا شعيب كان مستغرب أوي كلامهم !!
فرد عليهم شعيب وقال
بقى معقولة عيلتي أعز عندكم من ربنا!
بقى بتراعوني عشان خايفين من عيلتي ومش خايفين من ربنا!
إنكم بتؤذوا رسوله إللي جايلكم من عند ربنا !
قال ياقوم أرهطي أعز عليكم من الله واتخذتموه وراءكم ظهريا إن ربي بما تعملون محيط
اصبروا بقى لحد ما ربنا هو إللي يحكم بيني أنا وإللي آمنوا معايا وبينكم..
وإن كان طائفة منكم آمنوا بالذي أرسلت به وطائفة لم يؤمنوا فاصبروا حتى يحكم الله بيننا وهو خير الحاكمين
فقالوا له بكل تكبر وغرور
يا إما نطردك برة البلد إنت وإللي اتبعوك دول أو ترجعوا عن إللي في دماغكم ده وتكونوا على دينا إحنا!
قال الملأ الذين استكبروا من قومه لنخرجنك ياشعيب والذين آمنوا معك من قريتنا أو لتعودن في ملتنا
حتى لو إحنا مش عايزين.
محدش أبدا هيرجع للكفر بعد ما داق حلاوة الإيمان بالله إلا وهو مكره
ده احنا لو رجعنا عن الحق إللي ربنا هدانا ليه يبقى بننكر إنه حق وبنفتري على ربنا الكذب .
عايزنا نرجع بعد ما ربنا نجانا من الضلال ده!
قال أولو كنا كارهين قد افترينا على الله كڈبا إن عدنا في ملتكم بعد إذ نجانا الله منها
وهو إللي هينصرنا
وما يكون لنا أن نعود فيها إلا أن يشاء الله ربنا وسع ربنا كل شيء علما على الله توكلنا
ده إيه التسلط بتاع قوم شعيب ده
هما كدة يا تبقى معايا وعلى مزاجي يا إما هطردك وهأذيك وهعذبك مفيش حرية اختيار خالص!
لكن لما ملاقوش فايدة في شعيب قالوا نروح لقومه نسيطر عليهم !!
وقال الملأ الذين كفروا من قومه لئن اتبعتم شعيبا إنكم إذا لخاسرون
فشعيب عليه السلام بدأ يخوفهم ويقولهم متخلوش كرهكم ليا أو
