قصة سيدنا شعيب عليه السلام كامله باللغه العاميه بقلم هبه الله

لكلامي يخليكم ماتمشوش ورا الحق 
لو أسلوبي مش عاجبكم وشايفين إني ضعيف وإن فيه احسن مني في لساني وكلامي
واني لا أستحق النبوة والرسالة إللي ربنا نزلها عليا اتبعوا الحق وملكوش دعوة بمين هو اللي بينقل الحق..
ربنا هيسألكم عن الحق إللي جالكم..
مش هتقدروا تقولوا ساعتها أصل أسلوبه كان وحش.
أو تقولوا إشمعنى هو إللي يقولنا كده وهو ضعيف.
يا جماعة اتعظوا باللي حصل قبل كده !
قوم نوح وقوم هود وقوم صالح قالوا نفس كلامكم وكانت نهايتهم إيه.
.نهاية قوم لوط بالذات مش بعيدة عنكم دى كانت لسه حاصله من قريب !!
ويا قوم لا يجرمنكم شقاقي أن يصيبكم مثل ما أصاب قوم نوح أو قوم هود أو قوم صالح وما قوم لوط منكم ببعيد 
فقالوا له 
بص إنت بشړ زينا وإحنا شايفينك كذاب !!
وما أنت إلا بشړ مثلنا وإن نظنك لمن الكاذبين 
لو إنت فعلا صادق هات العڈاب إللي إنت بتقول عليه ده!!
فأسقط علينا كسفا من السماء إن كنت من الصادقين
فقال لهم شعيب عليه السلام 
خلااااص خلصت. لحد كدة !
كل واحد هيخليه زي ماهو بدماغه براحته خالص
وربنا عالم بأفعالكم .!!
إنتم كملوا إللي بتعملوه وإحنا هنكمل في إللي بنعمله وبكرة تشوفوا مين إللي هيجيله العڈاب ومين هو الكذاب استنوا وأنا مستني معاكم.!!
ويا قوم اعملوا على مكانتكم إني عامل سوف تعلمون من يأتيه عڈاب يخزيه ومن هو كاذب وارتقبوا إني معكم إني معكم رقيب
سيدنا شعيب فضل يدعي وقال
ربنا افتح بيننا وبين قومنا بالحق وأنت خير الفاتحين 
وبعد فترة من الوقت 
حصل موجة حر جامدة جدا ومكنش فيه أي نسمة هوا لمدة سبعة أيام !!
ومكنش بينفعهم ظل ولا مياة فخرجوا من البيوت للصحراء قال يعني يلاقوا طريقة تنجيهم من الحر ده.!
فربنا بعت لهم سحابة فاتجمعوا كلهم تحتها عشان تظللهم من حر الشمس.
وأتاريها الظلة إللي فيها عذابهم النهائي !!
فكذبوه فأخذهم عڈاب يوم الظلة إنه كان عڈاب يوم عظيم
فربنا هز الأرض بقوة من تحتهم كان زلزال جامد اوي وأصوات مرعبة 
وأخذت الذين ظلموا الصيحة فأصبحوا في ديارهم جاثمين كأن لم يغنوا فيها ألا بعدا لمدين كما بعدت ثمود
ربنا خلي السحابة دي تمطر الشرر والشهب
وماتوا كلهم مۏتة بشعة ووشوشهم مدفوسة في التراب في مشهد كله ذل وصغار وإهانة وتعذيب لهم.
وقوم شعيب إيه اللي حصلهم !
ربنا نجي سيدنا شعيب والمؤمنين اللي كانوا معاه .
ولما جاء أمرنا نجينا شعيبا والذين آمنوا معه برحمة منا 
ورجع شعيب عشان يشوف إللي حصل لقومه فقالهم وهو بيعاتبهم
أنا بلغتكم رسالة ربنا ونصحتكم بس إنتم إللي مسمعتوش الكلام فإزاي أزعل على إللي حصل لناس كافرين زيكم جحدوا نعمة ورحمة ربهم ورفضوها !!
فتولى عنهم وقال ياقوم لقد أبلغتكم رسالات ربي ونصحت لكم فكيف آسى على قوم كافرين
وهم سمعوه وهما ميتين !
وهم
كانوا سامعينه اه على فكرة ربنا بيخليهم يسمعوا زيادة في الألم والحسړة والعڈاب!!
سيدنا شعيب قالهم 
عرفتم مين الكذاب عرفتم مين الخسران.
عرفتم مين إللي كان على حق ومين إللي كان على باطل
بس خلاص ندمتم في وقت مينفعش فيه الندم.
الذين كذبوا شعيبا كأن لم يغنوا فيها الذين كذبوا شعيبا كانوا هم الخاسرين.
ربنا بيعلمنا من قصص الأنبياء عشان منقعش في أخطاء أقوامهم..
فلما حد ينصحك خد نصيحته إنها إشارة ربنا باعتهالك 
وفكر فيها كويس جدا شوف هل النصيحة دي حق ولا باطل 
هل هتنفعني في صحيفتي لو نفذتها ولا بالعكس ولا مالهاش لازمة أصلا 
وفي الآخر
النصيحة دي هترضي ربنا فعلا ولا هتزعله مني ..
ملحوظة 
أهل مدين دول غير أهل مدين إللي موسى عليه السلام هيروح لهم بعد كدة !!