قصة سيدنا موسي عليه السلام كامله باللغه العاميه بقلم هبه الله
انت في الصفحة 1 من 40 صفحات
26
الحكايه المره دي بدأت بحلم مرعب
فرعون حلم بحلم مرعب جداااا بالنسباله
ياترى حلم بأية
حلم إن في ڼار بتخرج من بيت المقدس وبتنتشر في مصر وهتولع كل بيوت أهل مصر ماعدا بيوت بني إسرائيل مش بتيجي ناحيتهم
فقام من النوم خاېف ومړعوپ !!
يقال أن حد من شيوخ بني إسرائيل هو اللي حلم الحلم دة لكن أقرب التفاسير أنه حلم فرعون قام فرعون مخضوض أوي !!
فقالوا له ده معناه إن في طفل هيتولد من بني إسرائيل وهيكون زوال ملكك على إيده.!!
فطبعا خاف أوي ومن غير ما يفكر أمر إن أي طفل يتولد لبني إسرائيل ېتقتل على طول
لكن المستشارين اللي حواليه قالوله إن القرار ده هيكون سبب في فناء بني إسرائيل كلهم !!
فكدة إحنا هنتضرر من قلة الناس اللي بيتشغلوا وده هيأثر على إقتصاد البلد كله..
فالأفضل إن العملية تتنظم ..
إزاي
بإنهم يذبحوا الاطفال الذكور من بني إسرائيل في سنة والسنة اللي بعدها يسيبوا أي طفل ذكر يتولد فيهم عشان يضمنوا الحفاظ على النسل وبكدة ميتأثروش بقلة العمال ..
فأصدر القرار وإبتدا تطبيقه..
ومن هنا زاد العڈاب بقي على بني إسرائيل بدل مايخف ..!
اصل فرعون ده كان أشد الفراعنة قوة وظلم ...كان مفتري يعني ..
إن فرعون علا في الأرض وجعل أهلها شيعا
والفراعنة بصفة عامة كانوا بيقولوا إن دمهم فيه ډم إلهي يعني نسبهم متصل بالإله..
وبدأ جنود فرعون ياخدوا الطفل الرضيع إللي لسه مولود ويذبحوه قدام أمه وأبوه وأهله ويسيبوه ويمشوا وأهله مش قادرين يعملوا لهم حاجة.
كانت في واحدة من بني إسرائيل حامل في السنة اللي كان مسموح فيها يسيبوا الأطفال وميتقتلوش
والطفل دة كان اسمه اية
هارون ..
بعدها حملت تاني لكن حملها المرة دى في السنة اللي مفروض ېتقتل فيها أي طفل ذكر ..
فكان الحمل ده كله خوف وقلق على المولود
تعمل إيه طيب
أخفت الحمل دة وبقت تلف بطنها بقماش عشان ميبانش عليها حمللحد ما جت لحظة الولادة ولقت المولود ذكر.
موسي سيدنا موسي
جنود فرعون ممكن ييجوا في أي لحظة يفتشوا ولو شافوه أو سمعوا صوته وعرفوا إنه ولد هيدبحوه.
في اللحظة دي ربنا أوحى للمرأة دي بحاجة ..إنها تحط ابنها في صندوق وترميه في النيل..
وأوحينا إلى أم موسى أن أرضعيه فإذا خفت عليه فألقيه في اليم
طيب هي أصلا خاېفة عليه من القټل إزاي
