قصة سيدنا ابراهيم ابو الانبياء كامله

[١٦/‏٨ ٩:١١ م] Alaa Hosny: 1️⃣1️⃣
#قصص_الأنبياء💖
#سيدنا_إبراهيم 
هو مين اللي أبو الأنبياء ؟ وليه سموه كدة !؟
دة سيدنا إبراهيم ❤

ولية اسمه أبو الأنبياء ؟؟
من أول ما كان ولد صغير.. وكان عايش في بلد اسمها بابل.. بابل دي في العراق..

الناس في مدينة بابل ساعتها كانوا مش بيعبدوا ربنا..
وكانوا بيعبدوا الاصنام... وبيعبدوا الشمس... وبيعبدوا القمر. وبيعبدوا الملك كمان...!😱

سيدنا إبراهيم رغم انه كان صغير بس كان عارف ان اللي بيعملوه ده أكيد مش صح.
بس كل الناس كانوا بيعملوا كدة حتي أبو سيدنا إبراهيم .. كان بيعمل كدة!

واسمه إيه أبو سيدنا إبراهيم؟🤔
كان اسمه آزر...  !

آزر أبو سيدنا إبراهيم كان بيعبد الأصنام ..!!

ومش بس بيعبد الأصنام ده كان بيصنعها كمان ويبيعها للناس عشان يعبدوها..

سيدنا ابراهيم رغم انه كان صغير لكن كان ذكي وربنا علمه... وخلاه يعرف الصح من الغلط..😍

ربنا عطاله الحكمة والعقل والهداية عشان يعرف الصح والحق  من أول ما كان صغير..😍

سيدنا إبراهيم كان مستغرب ايه اللي الناس بتعمله ده..ازاي بيعبدوا حاجة تانية غير ربنا..🤔
ربنا اللي خلقهم وصنعهم..
وازاي يصنعوا حاجات بإيدهم ويعبدوها!

سيدنا إبراهيم كان بيفكر في خلق  السموات والارض..
وعرف ان اكيد فيه خالق عظيم هو اللي خلقهم.. وهو اللي خلقنا.😍
وإن أكيد النظام الرائع اللي في الكون له صانع وخالق 😍
وأكيد المخلوقات دي كلها .. لها صانع .. خلقها وعلمها 😍