قصة سيدنا عيسي عليه السلام كامله باللغه العاميه بقلم هبه الله
مين ينصرني ويؤمن بيا وبرسالة رب العالمين ويبقى معايا على الحق
فلما أحس عيسى منهم الكفر قال من أنصاري إلى الله
بعد كلللللل المعجزات دي بقي
تفتكروا في حد من بني إسرائيل هيؤمن بربنا وبسيدنا عيسي !!
.......... يتبع إن شاء الله
سيدنا_عيسى ٤
٢٩٣ ٦٣٧ م Alaa Hosny 62
يعني هي الناس دي كلللللها غلط !
عادي اة فين المشكلة !!!
المشكلة إن لو كان كلامك دة صح فعلا كان ناس كتير عملوه ومشوا وراه
لأ مش شرط علي فكرة
يعني معلش بقي في أنبياء مأمنش معاهم أصلا غير راجل واحد أو رجلين بس
وفي محدش آمن بيهم خالص!!!
يبقى علي كدة بقي النبي هو إللي كان غلط!!! عشان محدش اتبع كلامه !!
أكيد لأ طبعا..
لأن الحق عمره ما بيتقاس بالكثرة..
ولو ركزت شوية هتلاقي دايما أتباع الحق ناس قليلة
وهتلاقي أتباع الرسل برضو ناس قليلة
و ابن القيم رحمه الله قال
عليك بطريق الحق ولا تستوحش لقلة السالكين وإياك وطريق الباطل ولا تغتر بكثرة الهالكين
وربنا عز وجل قالنا
كم من فئة قليلة غلبت فئة كثيرة بإذن الله ۗ والله مع الصابرين
اثبت أثبت ومتتهزش بكلام الناس ولا تتهز بقلة العدد
وبعدين دة حتي سيدنا عيسي بعد كل المعجزات اللي ربنا وهبهاله عشان بني إسرائيل يأمنوا بيه تخيل كدة كام واحد آمن بيه !
كام !
12 راجل بس ..!!
نعم !!!!!!!!!
أيوة هما ال راجل بس إللي قالوا لسيدنا عيسي احنا هننصرك ونؤيدك ونؤمن بك..
الحواريين
أيوة الكلمة دى انا قريتها كتير يعني أية بقي حواريين !
يعني الناصرين لسيدنا عيسى ..
الحواري دة اللي هو آمن بالله و قلبه مخلص ونقي وصافي ..
قال الحواريون نحن أنصار الله آمنا بالله واشهد بأنا مسلمون
وفي يوم من الأيام الحواريين كانوا قاعدين مع سيدنا عيسي وسألوه سؤال غريب جداااااا !!!
ياعيسى هو ربك يقدر إنه ينزل علينا ترابيزة عليها أكل من السماء
إذ قال الحواريون يا عيسى ابن مريم هل يستطيع ربك أن ينزل علينا مائدة من السماء
فسيدنا عيسي اندهش جداااااا و قالهم
اتقوا الله
انتوا ازاي تطلبوا حاجة زي كده والمفروض إنكم مؤمنين..!!!
قال اتقوا الله إن كنتم مؤمنين
قالوله
وكمان بالمرة نطمن بآية جديدة تخص استجابة ربنا لدعائك وإنك فعلا رسول من عنده ومش بتكذب علينا
وهنكون مطمنيين أكتر إنك صادق بإنك نبي مقرب منه عز وجل!!
كمان الناس بتكذبك ياعيسى فاحنا هنشهد عندهم ونقولهم إنك حققت لنا معجزة جديدة زي ما طلبنا بالضبط
قالوا نريد أن نأكل منها وتطمئن قلوبنا ونعلم أن قد صدقتنا ونكون عليها من الشاهدين
لا ثواني معلش عشان دماغي لفت !!
هما مش دول آمنوا بيه وهما أصلا مؤمنين إزاي يعني يقولوا كدة ! ويشكوا في قدرة ربنا !
ماهو كدة بقي معناها إنهم مش مؤمنين ولا حاجة ولا آمنوا بسيدنا عيسي ولا بربنا
صح ولا اية ..!
لأ هي ولا أية
لأن كان الغرض من كلامهم إنهم يزدادوا إيمانا
و سؤالهم بالطريقة دي كان من باب التأدب مع الله مش الشك في قدرته خالص ..
إزاي معلش يعني !!!
هما قالوا هل ربك يستطيع يبقي فين كدة التأدب .. ماهو طبعا ربنا يقدر !!!
المقصود من هل ربك يستطيع ان دة كان اسلوب عرض
