حب خارج اردتي الجزء الثاني
وقعدت علي السرير وبقت تقول في نفسها
غرام : ياتري انقذني ليه ده واحد قلبه مايعرفش غير الغـ،ـل والكره ده بيكرهني وبيكره اي حاجه متعلقه بيا اي اللي خلاه يمقذني المره دي
عز : وهو بره الباب بقي يقول في نفسه
عز : هما الستات كده صنف نمرود كل ما تهتم بي يتنمرد عليك
مراد وشريف في المستشفي بعم حسين
الدكتور : ماتقلقوش عليه هو بقي كويس جدا دلوقتي هو كمان ممكن يروح معاكم لو حابين
شريف: الحمدلله يارب الحمدلله
شريف : احنا عايزين ناخده معانا
الدكتور : اه طبعا اكيد انا هكتبله علي خروج حمدالله علي سلامته
شريف ومراد اخدوا عم حسين وروحوا
مراد : قلقان علي مين ياشريف
شريف : اي .. في .. اي .. انا قولت حاجه غلط ولا ايه
مراد : لا انت ماقولتش حاجه غلط بس الغلط انك اول مره تقول اسم غرام قصادي انت دايما تشتمها ومش بتناديها بأسمها
شريف: يوووووه هو وقتك ده يامراد احنا لازم نطمن عليهم
مراد : انا عن نفسي مطمن ماتخافش علي عز .. عز يتخاف منه وبس
عز : يعني احنا نستني لحد ما عز يتصل بينا واللي انا متاكد منه انه هيتصل بينا
شريف : ماشي انا هستني لحد نص الليل لو مجاش هتصرف
مراد : ماشي وانا هبقي معاك
شريف: انت ازاي تسمحله يطلع من المستشفي وهو في الحاله دي
مراد : انت عارف اخوك بعد ما انت مشيت من المستشفي عز فاق حاولوا يتصلوا بيك مكنتش بترد علي تليفونك طبعا انت مكنتش فاضي راحوا اتصلوا بيا انا جيت علي طول وبقيت معاه وكان بيسأل عليك لاقيتك اتصلت بيا وبتديني مكان ال location بتاعك طبعا شال الابر من ايده والمحلول ولبس الجاكيت بتاعه وصمم الا بالله يطلع
شريف : عارف .. عارف
عز : مش كفايه ياغرام كل ده عز لسه هيكمل كلامه راح الجرح شد عليه وقال
عز : ااااااه
غرام طلعت بسرعه من الاوضه اول ما سمعت كلمه ااااه منه
غرام : عز فيك اي
عز : انتي لسه مالبستيش
غرام : اي اللي بيوجعك ياعز فيك اي
غرام بتبص لاقيت التي شيرت بتاع عز كله د,م
غرام : يانهار اسود الجرح الخياطه اتفكت
عز : غرام ابعدي دي حاجه بسيطه
غرام : اقلع ياعز .. اقلع
غرام رفعت التي شيرت لعز وقربت منه اوي وهي بتقلعه التي شيرت بتاعه واول ما قلـ،ـع التي شيرت شافته لابس سلسله سودا وعلي صدره وشم صغير غرام فضلت بصه لعز وهي قريبه منه اوي وبعدها غمضت عنيها وشمت ريحته وبعد كده عز قلـ،ـع التي شيرت من دراعه ورماه
وجابت ابره وخيط وبعتت الصياد يجيب الحاجه اللي هي عايزاها عشان تقدر تخيطله الجرح مره تانيه
عز : مش لازم تتعبي نفسك عشاني علي فكره
غرام : مافيش تعب ولا حاجه
الصياد جاب كل حاجه غرام قالتله عليها
غرام : هتقدر تتحمل خياطه من غير بنج
عز : انا اتحملت حاجات كتير اصعب من كده ماتقلقيش هتحمل
غرام بقت تخيط الجرح مره تانيه لعز وعز بقي يبص لغرام وهي بتعالجعه واخيرا خلصت خياطه وحطيتله الشاش والقطن وقفلت الجرح كويس
عز : كان المفروض تطلعي دكتوره مش ممرضه
غرام : المفروض كان يحصل حاجات كتير بس النصيب
عز : طيب يلا
غرام : انت لازم تستريح
عز : مابرتحش غير في بيتي
غرام سندت عز وعز قام معاها
وجابوا تاكسي ورجعوا البيت
واول ما روحوا شريف شاف عز ولقي غرام مسنداه شريف جري علي عز وحضنه
عز : ااااااه
شريف : ( بخضه ) مالك ياعز
عز : الجرح يابن الكلب مش قادر
شريف بعد عن عز وقاله
شريف : الف سلامه عليك ياعز
عز : اي اللي خلاك تحط غرام وعمك حسين في الموقف ده ياشريف
شريف: انا مقولتش لحد يجيلي هما اللي جم
عز : من امتي انت بتروح الاماكن دي
شريف: ما انت بتروحها
عز : مش لازم كل حاجه بعملها انت كمان تعملها
شريف : انا كبرت ومابقيتش صغير
عز : مهما كبرت هتفضل صغير في نظرى ياشريف
ولو عرفت انك روحت الاماكن دي تاني هتزعب مني بجد
مراد : اي ياعم عز ما خلاص كفايه كده علي الواد ده الواد كان هيموت عليك بالراحه عليه
عز : عارف
عم حسين: ولما انت عارف ليه يابني بتقسي علي اخوك كده
مراد : ونبي انت اللي محلي قعدتنا دي ياعم حسين بس قولي اي اللي موديك انت الاماكن دي ياراجل ياشقي لااااا احنا بعد كده نمسكك سـ،ـلاح
عم حسين: بس يامراد بلاش هزار
