اسكربت حبي الاعمي

 حُبي الأعمى
_هاجر!! 
بصيت بإتجاه الصوت وانا بكدب إحساسي إنه ممكن يكون هو
*يوسف!*
_إيه الصدفة الحلوة دي، مش هتقوليلي حمدالله على السلامة من رجعتي الطويلة دي
*رجعت ليه؟*
_هعتبر إنك قولتيها بس على العموم أنا رجعت لأني هتجوز هنا وده كارت الدعوة وهستنى حضورك جدًا
"برغم إنِ كنت محضرة ميٹ سيناريو للحظة دي وكلهم أسوأ من بعض بس بجد نظراته كانت كفيلة إنها تدمرني وتندمني اكتر واكتر، اتجاهلت أفكاري واخدت منه الدعوة ورديت بثبات، ثبات وراه ۏ'چع كبير مبيتداويش" 

*ربنا يسعدك في حياتك الجاية*
_لسة بتقولي كدة برغم إنك عارفة إن الحياة اللي إنتي بتتكلمي عليها دي دلوقتي إنتي مش موجودة فيها اصلا
*بجد؟ المفروض إن انا اللي غلط دلوقتي صح؟ إنت واعي اصلا إنت قولت إيه؟ ولو افترضت يعني إنِ قولتلك إنِ رافضة إنك تبقى مع غيري هتعمل إيه ولا اي حاجة عارف ليه؟ علشان إنت جاوبت الإجابة دي 

لوحدك قبل حتى ما تسالني او تشوف إيه اختياري أو رد فعلي على الاقل بس إنت قبل سنتين اخدت القرار لوحدك ومشيت ولو إنت نسيت ده فبجد انا بحسدك، لأن وعلى عكسك انا كان عندي ميٹ ۏ'چع بيفكرني كل ثانية باللي حصل وعمري ما نسيت ولا هنسى إنت ډمړټ كل مشاعري إنت اثبتلي إن عقلي البارد قراراته افضل مليون مرة من دفى قلبي اللي بسببه فضلت واقفة عند نفس النقطة مش عارفة ارجع اصلح اللي فات ولا عارفة اكمل وأركز في اللي جاي واخليه احسن انا بقيت دفينة للماضي والوجع والذكريات، كل اللي بعمله إنِ بسكن الوجع اللي جوايا علشان اعرف اعدي اليوم على الاقل إنت متخيل كان طموحي إيه؟ أعدي ثانية بس من غير الوجع ده ثانية بس أنا مكنتش طمعانة والله انا كان كل غلطي إني إتعشمت بزيادة اوي واخدت قصاده ۏ'چع بيموتني كل ثانية، ۏ'چع بيفكرني وبيندمني ألف مرة، أنا قلبي بقا حجر عارف لدرجة إيه؟ لدرجة إني مبسوطة