رغما عني

الفصل الاول
وانا بطريقي للشغل كالعادة كل يوم مشكلة بسبب المعاكسات المرادي الراكب مد ايده بالفلوس ولمس كتفي قاصد
ماحستش غير وانا باضربه ووقفت السواق وصممت انه ينزل والركاب ساعدوني
لقيت مديري بيتصل بيا
يافتاح ياعليم رديت انتي فين يازينة
في الطريق يابشمهندس عبد الله
انجزي المهندس طارق صاحب الشركة جاي النهاردة من المانيا ولازم نكون جاهزين
تمام ربع ساعة واوصل باذن الله
بسررررعة سلام
سلام
ربع ساعة ووصلت
دخلت وانا شايلة الاوراق بتاع. المشاريع الي سهرت عليها
ولحقت الاسانسير على اخر ثانية قبل مايتحرك بالراكب الوحيد الي جواه
وفجأة حسيت بدوخة لاني مافطرتش وقعت وماحستش بنفسي
فوقت لقيت نفسي بمكتب كبير نايمة على كنبة وجنبي دكتور صلاح ابن عم صاحب الشركة وعيادته بالدور اسفل الشركة وهو صديقي الوحيد وسبب اني اشتغل هنا
ابتسم وقالي حمد الله على سلامتك يازينة
ايه الي حصل ياصلاح
فقدتي الوعي ضغطك واطي عدي عليا بعد الشغل اكشف عليكي انا اديتلك ابرة حاسة بأيه دلوقتي
الحمد لله احسن
لقيت شخص غريب بيقول لو تعبانة تقدري تروحي
بصيت لقيته نفس الشخص الي كان معايا بالاسانسير
رد صلاح وهو بيقيس النبض لا هي بقت كويسة
همست و قلتله هو مين دة ياصلاح 
دة طارق ابن عمي صاحب الشركة
يلهووي
قومت بسرعة لقيته جه قرب مني وقالي بابتسامة تقدري تكملي شغل ولا ايه 
اه انا بقيت احسن
تمام اوراقك وشنطتك في مكتبك
شكرا واسفة عالي حصل
رد بابتسامة رزينة ولايهمك المهم سلامتك
جيت اقوم صلاح سندني وقالي انا هاوصلك للمكتب
اتوترت من ملامسته بس ماحبتش احرجه
اول ماوصلني زقيت ايديه
قولتله اوعى إيدك ياصلاح مبحبش حد يلمسني تحت اي ظرف وانت عارف 
ضحك وقالي كدة انتي فوقتي خلاص 
عامة انتي عارفة اني مقصدش اضايقك بس مينفعش تتعبي واسيبك عن اءنك
وهو ماشي وقفته صلاح متزعلش انا مقصدش انن عارفني مدب 
انتي اخر واحدة ازعل منها
قعدت على المكتب بسرعة ارتب اوراقي
لقيت الساعي داخل بالفطار
ايه دة ياعم محمد 
طارق بيه بيقولك افطري الأول
فعلا كنت جعانة ولما اتعصبت وجاية جري مجهود لازم أفطر
لقيت مديري داخل متعصب وبيقولي افطري وحصليني على مكتبي
اتفضل معايا
رد عليا اكنه مش سامعني دة لسة جاي وزرز الشركة كلها
هو مين يابشمهندس
مهندس طارق دة طايح وهايعمل ميتينج كمان ساعة للكل الله يرحم المهندس ابو الدهب كان ٱية انما دة لسة جاي من السفر يستلم الشركة بعد ۏفاة ابوه وبيزعق وشديد كدة
قلت لنفسي هو بيتكلم عن حد تاني ولا إيه قولتله دة انا شفته دقيقة وراجل چنتل
هو عشان دخل شايلك وجايلك دكتور صلاح يبقى اية دة اعوذ بالله
خلصي بسرعة وحصليني
قلت لنفسي يمكن انا صعبت عليه 
خلصت واخدت الاوراق وروحت لمديري وبعدها عالميتينج
كل مدير مع سكرتيرته
الكل قاعد بالروم ميتينج متوترين وبانتظار وصوله
وصل الكل وقف شاورلهم يقعدوا
وقال بصوت عالي اولا المشروعات المهندس عبد الله فين تقاريرك
بعد ٥ دقايق من قرائتها
اخدها وقال انتي الي عاملة الشغل دة
الكل بصلي قولتله ايوة
قالي هايل
انتي من بكرة .
ايه
يتبع.
الفصل الثاني
انتي مش هاتشتغلي هنا تاني
ايه 
رد مهندس عبد الله يابشمهندس زينة مجتهدة وشاطرة و
قولتله وانا بستجمع قوتي وباقوم من مكاني وبابتسم عادي يابشمهندس عبد الله انا عارفة قدراتي وعارفة اني ماقصرتش شكرا ليك يابشمهندس طارق
ولسة هامشي راح مزعق استني هنا في إيه انا ماكملتش الجملة لسة 
قولتله بصوت واطي طب ماتزعقش طاه
كان بيغالب ابتسامته لانه تقريبا سمعني وقالي مين قال انك هاتمشي هاتشتغلي معايا انا سكرتيرتي
قعدت وانا محرجة للمرة التانية لا تمام يابشر في مؤامرة كونية لاحراجي النهاردة
وفضل يقرا تقارير باقي الاقسام هو ونائبه ويقول بملاحظات واحنا السكرتارية بنكتبها لحد ماخلص الميتنج
وكل واحد راح على مكتبه
وانا ماصدقت اخرج عاوزة ارتاح من كسفتي
خلص اليوم الممل دة وروحنا حتى ماروحتش لصلاح العيادة
وصلت البيت وانا مرهقة قومت حضرت الغدا قبل مابابا يرجع
انا عايشة انا وهو لوحدنا بعد ۏفاة والدتي رباني لوحده ورفض الجواز حبيب قلبي ربنا يحفظهولي عنده سوبر ماركت كبير بشارعنا
شوية ووصل طلعت حضنته وقبلت ايده وحضرت الاكل
قالي كالعادةاخبار يومك ايه 
حكيتله كل الي حصل قالي وطبعا لاكشفتي ولا غيره
قومي معايا نروح للدكتور لو مش عاوزة صلاح في غيره
لا يابابا انا تمام الحمد لله صدقني اوعدك لو تعبت تاني هاكشف 
وعد يازينة 
وعد يت زيزو 
يابت قولي بابا ياحاج عبد العزيز ياعم الحاج اي حاجة 
طب ولما العروسة تيجي وتحب تدلعك هاتقولك ايه 
عروسة مين يابنت اتلمي انا قربت اتخرج خالص
بلاش الكلام دة ربنا يطول بعمرك 
قالي نفسي قبل مااموت بس اشوفك عروسة
ايوة اغزي العين وهاتها فيا ياحاج دة الولية ام حودة اللاسعة دي هاتموت عليك وكل يوم تنط للمحل بأي حجة عشان تشوفك ياحاج ياموز 
ضحك من قلبه وقالي حرام عليكي تبقى دي أخرة صبري 
ربنا يخليكي ليا يازينة حياتي 
وليا يازيزو يارب
طب خدي بقى التعيين اهو 
الشيكولاتة الي باحبها 
ربنا مايحرمني منك 
انا هانام بقى عشان اصحى اصلي الفجر وافتح المحل تصبحي على على خير
وانت من اهله
صحيت تاني يوم كالعادة مش شايفة قدامي نفسي انام واصحى ارتاح من النوم وارجع انام اجازة للنوم ياسلااااام 
بس النهاردة يوم مميز لازم اكون مميزة فتحت دولابي وطلعت طقم فورمال كان تحفة عليا
بابا جاب الفطار ونده عليا جهزت وطلعت فضل يمدح بجمالي قلبته بخمسين جنيه وفطرنا سوا ونزلت
وصلت الشركة كل ماحد يشوفني يتنح 
متعودين عليا كاچوال
دخلت مكتبي لقيت بنت تانية لسة هسألها لقيت عبد الله مديري بيقول هاتوحشيني والله يازينة يابنتي
ليه يعني ومين الأخت دي 
انا راجل كبير وبسببك هاموت نفسي انتي نسيتي انك بقيتي سكرتيرة طارق بيه
احيه
تصدق نسيت 
ياللا على مكتبك ولو احتجتي حاجة انا هنا خدي مفتاح المكتب سايبهولك معايا
انت راجل أمير 
روحت مكتبي الجديد لقيت فون عالمكتب في علبه وجنبه ورقة مكتوب عليها فونك الجديد الخاص بالشغل بالخط اقري مهامك من المذكرةونفذي
فتحت الفون بسرعة دخلت عالمذكرة وبدأت انفذ بسرعة قربت اخلص كل شيء
اخر مهمة ترتيب مكتبه
دخلت وبدأت ارتب واقرا الاوراق وانظم هرجلة التنين من مكتبه 
لفتت نظري لعبة شبه الصندوق كدة وملهاش مكان للفتح 
كان وصل دخل لقاني بالعب بيها زضهري للباب ماحستش بيه وهو داخل
ابتسم وقالي اهلا ياهانم بتعملي ايه
اټخضيت واللعبة وقعت
قالي بقى بتقولي امبارح طب ماتزعقش طاه دة انتي حسابك معايا عسير
لفيت وانا هايغمن عليا من الإحراج اول ماشافني باللبس وشعري الطويل كنت عملاه بوني تيل وميكب خفيف الي هو نو م يكب
لقيته انبهر قولتله انا كنت بارتب المكتب وامبارح بالميتنج كنت بكلم نفسي 
قالي وهو متوتر تمام روحي هاتي الايميلات والمواعيد
بسرعة خرجت اخدت الإيميلات ورجعت كان ماسك اللعبة
قالي دي لعبة صيني صندوق الالغاز الذكي يقدر يلاقي مفتاحها ولما يلاقيه هايلاقي رسالة والدتي الله يرحمها اشترتهالي وسايبة جواها رسالة لياوبقالي سنة من وقت ۏفاتها مش عارف افتحها
الله يرحمها يابشمهندس ويرحم ابو الدهب بيه
يارب يازينة
ياللا قولي مواعيد النهاردة
وبدأنا نشتغل وبعد ماخلصنا
قلتله اي اوامر تانية
قالي زينة مكتبي اختصاصك مفيش مخلوق يدخله لما يتنضف يكون بوجودك دة غير اني لو لقيتك قد الشغل معايا هاتبقي مديرة مكتبي
المهم فيها كام يورو الماني الحكاية دي 
ابتسم وقالي برة قبل مااتعصب
طلعت وبدأت اشتغل وانظمله المواعيد وابعت واستقبل ايميلات وتليفونات وفاكسات الراجل دة ماكينة شغل
اه امه ألمانية وهو اتعلم هناك ودي ناس مش بتهزر
خلص اليوم المرهق وعدا شهر بنفس المنوال وفي يوم القبض وقبل ماامشي نده عليا وقالي في حفلة بكرة في قاعة مؤتمرات الشركة هنا بخصوص التوقيع على صفقة مدينة سكنية جديدة
اعملي حسابك هاتكوني معايا بكل خطوة بتسجلي كل حاجة لأن دي حفلة اه بس اغلب كلامي مع الضيوف شغل وانتي الكمبيوتر بتاعي
حاضر
وخدي دة مد ايده بظرف مقفول
ايه دة يابشمهندس
مكافئة 
هو انا لحقت
تستاهلي بعد تعبك دة غير زيادة مرتبك انا باقدر الانسان الي يشتغل بضمير واجتهاد ياللا روحي
والله يافندم مالوش لزوم بس كام دول طيب 
روحي قبل ما..
تتعصب عارفة 
روحت اخدت قبضي من الحسابات مشيت واتصلت بوالدي واستأذنته
لقيت اتصال من صلاح بيعاتبني عالانشغال وعاوز يقابلني
قولتله ماشي تعالى معايا اخدته وروحت عملت شوبينج وشعري وظبطت نفسي وانا اصلا باخد رأيه وذوقه بيعجبني 
اتغديت انا وصلاح لقيت فوني بيرن دة رقم غريب
الو مين
.. ايه
يتبع.
الفصل الثالث
سيبت الفون وانا مصډومة وقع مني
صلاح اخد الفون وقالي في ايه
ورد عالفون الو مين معايا
انا حسين جارهم عم عبد العزيز وقع ونقلناه المستشفى حضرتك مين
مستشفي ايه انا زميلها بالشغل
تمام احنا بالطريق
صلاح شد زينة وقومها وركبها العربية وهي مصډومة وقالها زينة مفيش حاجة خير ان شاء الله مټخافيش
زينة كانت في وادي تاني 
وصلوا المستشفى وصلاح طلع صديق لصاحب المستشفى واتصل بيه وقاله ان الحالة دي تخصه وطلع مع زينة لحد الغرفة الي باباها فيها
كان معاه جيرانه اول ماشافوا زينة طمنوها
زينة قالت للجيران ايه الي حصل حد يحكيلي
عم حسين هو فجأة حس بدوخة وضيق تنفس وكان هايقع جبناه هنا وعملوا له اللازم
دخلت لقيته متعلقله نفس ومحاليل جريت بوست ايديه وانا باعيط
بابا حبيبي سلامتك
حرك ايده على شعري وطبطب عليا كان بيطمنني
جه الدكتور سلم على صلاح وطلب مني اخرج عشان يكشف عليه
طلبت من الجيران يروحوا كلهم رفضوا
قالو دة خيره علينا كلنا احنا اهلك ومش هنسيبك لوحدك دة عمره ماسابنا في شدة ولافرح وانتي بنتنا وكلنا جنبك
شوية والدكتور وصلاح خرجوا جرينا عليهم
الدكتور قال اتطمنوا ياجماعة هو بس محتاج يتحجز يومين للفحص الطبي
قولتله طب عنده ايه دة كان زي الفل
صلاح قالي مفيش شيء خطېر ضغط عالي وشاكين بمشاكل بالقلب بس الحمد لله انه اتلحق بالاول وهايتعمله تحاليل وأشعة وان شاء الله نتطمن
بكيت وقلت انا مش هاروح انا هابات معاه
صلاح بص للدكتور وقالهلو سمحت اعملها غرفة مرافق
الدكتور مع انه صعب بس عشان خاطرك ياصلاح
الجيران روحوا بعد معاناة واتفقوا يتناوبوا علينا بالزيارة
عم حسين قالي دة مفتاح المحل يابنتي
خليه معاك ياعمي المحل مش هايتقفل اشرف انت عليه وقول للعمال يشتغلوا عادي
حاضر ياحبيبتي من عنيا متحمليش هم
صلاح يصمم يفضل معايا وبات في مكتب الدكتور امير صاحب المستشفى وكل شوية ييجي يتطمن علينا ويجيبلي اكل وشرب مش قادرة اكل بقى يغصب علياويتطمن على ضغط بابا
وانا صاحية ادعي واصلي وابصله مش قادرة اتخيل انه ممكن يسيبني ويمشي
صلاح دخل وانا باعيط سحبني لحضنه وهمس مټخافيش انا جنبك هايبقى كويس باذن الله
فضل يهديني وانا باصړخ صړاخ مكتوم وباضربه بايديا وباعيط باڼهيار وهو بيضمني ومستحمل وبيهديني لحد مانمت. في حضنه من الارهاق
صحيت على صوت عم حسين بيقولي حبيبتي يابنتي روحي ارتاحي وانا جنبه
فوقت وقولتله مش هامشي من هنا غير وبابا معايا
قومت اتطمن علي بابا لقيته فتح عنيه وفايق بوست راسه حمد الله على سلامتك يا حبيبي
دخل صلاح ومعاه امير كشف على بابا وقال لا دة احنا بقينا عال اهو الحمد لله الحج زي الفل بس محتاج راحة ونظام في الاكل وتحاليله سليمة
بجد يادكتور يعني هايخرج
لا
يوم