رواية لمة عيله كامله

ماما: كمان ي ستي إبن عمى
فرح: بده@شة هااا بجد؟!!! ( مكنتش إعرف إنه إبن عم ماما لانه مش من بلدنا هو عايش فى القاهرة لكن نزل علشان قضية ماما)
إسراء: بابا هيرجع صح؟؟
فرح: أكيد اه هو جاي علشان كده وإحنا مش عايزين بابا..
( كلنا اتصدمنا لما عمو عمر جه إللى هو الخ@وف اتزرع فينا كلنا ما إحنا مش عايزين نرجع عند بابا، ما هو هنرجع إزاى وفيه مرات اب كمان ولو رجعنا بابا جاب الولد من مراته التانية…….

تيتة هتعمل أيه فينا فضلنا ساكتين شويه محدش بيتكلم لحد ما عمو عمر قطع الصمت وقال)
المحامي: لا ي بنات، دا أنا جاي عايز ماما فى حاجه ممكن تدخلوا جوه
ماما: مش هيمشوا ي عمر قول فيه آيه ؟! او عايز أيه دول عيالي
( كلنا استغرابنا آيه ممكن عمو عمر يكون عايز يتجوز ماما هااا ولكن عمو قال)
المحامي: والله العظيم مش هاخد الفلوس دي غير بعد سنة مش أنا أخوكي الكبير
ماما: مستوره الحمد لله وأنا لو كنت عايزهم كنت خدتهم ي عمر
المحامي: يلا سلام عليكم الفلوس أهى
ماما: طب استني
المحامي: أيه؟
ماما: فين ورقة الطلاق
المحامي: هتوصلك فى أقرب وقت
( وبعد مده فعلًا كانت ماما اطلقت وكنا عند خالى الكبير فى بيت العيلة مع تيتة ام ماما)
^^ بعد سنه ^^
ماما: ي بنات
كلنا: أيه ي ماما
ماما: هنسافر النهاردة
يمني: بجدددددد أخيرا هنتفسح ي ولاد
فرح: لولووووي
ماما: اعملوا حسابكم مش هنرجع تانى
(كلنا فضلنا نفكر ماما تقصد أيه ب كلامها ده طب ليه كلامها مش واضح لحد ما أتوقعت حاجه وقولت..)
فرح: يعنى أيه؟! هنموت هناك!؛
إسراء: تقصدي أيه ي حجه ؟!
ماما: هنمشي من البلد
اسراء: اااااية؟؟؟!!! قصدي ليه
تسنيم: بجد فرحت اووي ي ماما 

اسراء: خبطتني ب المخدة، اسكتي خالص ي تسنيم، بس ليه ي ماما؟؟
فرح: هييااااا مش هنقعد فى البلد دي تاني وهنبعد عن مرات خالى الح@رباية دى
يمني: بحزن تسنيم شدي أنتِ وفرح على جوه
فرح: ب استغراب إحنا مش صغيرين وهنقعد ونسمع بتقولوا أيه
يمني: أيه إللى حصل بينك وبين خالي ي ماما.

ماما: بعصب@ية مفيش ومش عايزة حد يكلمني فى حاجه، زي ما قولت جهزوا شنطكم هنمشي بعد يومين

يمني: ب استفهام كده بدون أسباب هنسافر؟
ماما: فضلت ساكته وهي مش عارفه تقول أيه لكن قالت بحزن ودموع جيت أسند نفسي عليك لاقيتك زى إللي قبلك حيطة مايله
إسراء: ماما أيه إللى حصل؟!
ماما: انها@رت عياط
( كلنا حضنها وكلنا بدأنا نفهم أننا هنمشي لان فيه مشاكل بين ماما وخالى لكن محدش قدر يتكلم وماما قالت)
ماما: ادخلوا جوه ي بنات، محتاجه أقعد لوحدي
يمني: أنا هقعد معاكِ بقا هنا فى الصاله
ماما: أنا نازلة اقعدوا أنتوا بقا
اسراء: رايحة فين؟!!
ماما: مشت
يمني: ي ولاد تفتكروا ماما مالها
فرح: ماما زهقت من هنا زينا وحابة تغير جو
تسنيم: تعرفي تسكتي خالص ي فرح
فرح: بعصب@ية أنا مش صغيرة على فكرة
إسراء: مش عارفة ليه حاسة ان ماما مش كويسة، خالى قالها أااا
تسنيم: قالها أيه؟؟؟
إسراء: بصراحة خالكم عايز..
يمني: عايز أيه
إسراء: يطلعنا من التعليم
يمني: دا إللى هو إزاى
اسراء: أمك قالتلي كده من يومين و..
يمني: بس ليه !!؟ وهو حتى مش بيصرف علينا
تسنيم: اسراء ما تردي
اسراء: علشان ….
يتبع..