ذئب تخصص أرامل كامله
الام.. مالك يا بنتي هو انتي اتحسدتي ولا ايه ؟!!
اميرة.. بقلك يا ماما في واحدة ست محبوسة جوة.. انا شفتها بتبكي بدال الدموع دم ورجليها الاتنين مقطوعين
الاب.. ودي شفتيها فين بقي ؟!!
اميرة.. في الاوضة اللي جمبي
الاب.. ازاي والاوضة اللي جمبك مقفولة وعليها قفل اد كدا !!
اميرة.. الباب اتكسر لما زقني الزفت اللي اسمه محمد عليه.. يا بابا دا طلع بيتكلم وعامل نفسه اخرص !!
اميرة تنهض من علي فراشها وتذهب مسرعة لتعاين الباب
الام.. رايحه فين يا اميرة ؟!!
اميرة تقف امام الباب وتدقق اليه النظر فتتعجب لقد حدث كسر بالباب مكان القفل نتيجة الدفع الشديد.. اين ذهب ؟! الباب سليم تماما والقفل كما هو مغلق
الاب يخرج خلفها.. صدقيني دماغك اللي عاوزة الكسر لو معقلتيش وبصيتي لجوزك وبيتك.. انتي دلوقتي حامل فكري في ابنك اللي جاي ولا عايزاه يتولد يلاقي ابوه وامه منفصلين زي بنتك !! اسمعي كلام جوزك يا اميرة ومتحاوليش تشغلي بالك بأمور تخصه هو. انتي مش من حقك تحاسبيه علي الماضي.. حسابك معاه من ساعة ما اتجوزك.. فاهمه ؟!! انتي حرة
فايزة تدخل الغرفة فتري اميرة ترتدي ملابس الخروج.
فايزة.. انتي خارجة يا ست هانم ؟!!
اميرة.. ايوا مشوار ساعتين وراجعة.. البنت نايمه دلوقتي لما تصحي حميها واكليها واياك عينك تغيب عنها لحظة واحدة.. فاهمة؟!!
اميرة.. الا قليلي.. عم محمد دت يبقالك ايه ؟!!
فايزة.. خالي يا ست هانم
اميرة.. انتي متأكدة ان خالك ده اخرص مبيتكلمش ؟!!
فايزة.. لا بيتكلم ولا بيسمع يا ست هانم.. مولود كدت بعيد عنك
اميرة.. اها.. ماشي
فايزة.. هو انتي رايحة فين يا ست هانم؟!!
اميرة.. قلتلك ورايا مشوار.. وبعدين انا بس اللي اسأل هنا وانتي اللي تجاوبي.. سامعة ؟!!
اميرة.. مش مرتحالك بس ما علينا.. سلام
وتنصرف اميرة وفايزو تنظر اليها بكل مكر وخبث شديدين
اميره الان في الكوفي شوب في انتظار مني لقد تأخرت عن موعدها كثيرا ثم تحضر اخيرا
اميرة.. اتأخرتي اوي ؟!!
مني.. معلش في حادثة ع الدائري موقفة الطريق خالص
اميرة تلاحظ انا مني تنظر يمينا ويسارا
اميرة.. مالك في ايه ؟!!
اميرة.. اوعي بكون بيتهيألك انتي كمان ؟!!
تشربي ايه ؟
مني.. لا انا مش عاوزة اشرب حاجة
اميرة.. مالك يا بنتي مش علي بعضك ليه ؟!! روشتيني معاكي !!
مني.. بصي يا دكتورة من الاخر كدا ابعدي عن الدكتور عبد الباسط .. انا بحذرك
اميرة.. انا عاوزة افهم بقي ليه بتقولي كدا فهميني واحدة واحدة
مني.. هفهمك..
