ذئب تخصص أرامل كامله
وتنتظر اميرة تليفون رامي علي احر من الجمر فأخيرا ساق اليها القدر من سيخبرها بحقيقة ما يدور حولها من احداث لا تجد لها تفسيرا وباتت تدفعها الي الجنون وفجأة يتصل بها رامي من القاهرة
رامي.. ايوة يا دكتورة انا وصلت بالسلامة
اميرة.. حمد الله علي السلامة
رامي.. لو وقتك يسامح نتقابل بعد ساعتين في كازينو الامل
وتذهب اميرة مسرعة الي الكازينو ويأتي رامي بعدها بدقيقتين
رامي.. اتأخرت عليكي ؟
اميرة.. بالعكس في ميعادك مظبوط.. اتفضل
رامي.. اولا انا اسمي الدكتور رامي عبد السلام دكتور جراحة عامة كنت شغال في الجروب بتاع الدكتور عبد الباسط وبالتحديد في فرع القاهرة والكلام دا من خمس سنين وكانت قبلها بسنتين بتشتغل في نفس المستشفي الدكتورة تهاني عبد السلام اختي الكبيرة كانت ارمله واعجب بيها الدكتور عبد الباسط واتجوزها كانت تقريبا الزوجه الرابعة ليه.. المهم معداش ٣ شهور من الجواز ولقيت اختي في حالة فظيعة لون عنيها تقريبا اتحول للأبيض وانهيار عصبي شديد ومش قادرة تنطق كلمتين وايه السبب معرفش دخلناها المستشفي عندنا قسم العصبية والنفسية ومفيش اسبوع واتوفت
رامي.. صد@مة عصبية شديدة وهبوط حاد في الدورة الدموية
اميرة.. ومعرفتش ايه سبب الصد@مة العصبية دي ؟!!
رامي.. هقلك.. في مرة بالليل كان الوقت متأخر جدا وانا كنت نوبتجي واشتقت اني اشوف اختي واقعد معاها.. كان نفسي اعرف ايه اللي وصلها للحالة دي !! فلما رحت للاوضة اللي قاعدة فيها.. لقيت عندها عبد الباسط وكان بيتكلم معاها بصوت عالي وعصبية شديدة وسمعته بيقلها.. انا حذرتك وانتي صممتي تدوري ورايا.. يا تري بعد اللي حصلك ده لسة بتحبي يوم الاتنين ؟؟!
رامي.. انا شكيت وحسيت ان عبد الباسط ليه يد في اللي حصل لأختي ولما دورت اكتشفت مصيبة
اميرة.. ايه هي ؟!!
رامي.. عبد الباسط جوزك للأسف طلع....
ولم ينتهي من كلمته حتي يصاب بطلق ناري في رأسه من الخلف فيتناثر الدم علي وجه اميرة وملابسها ثم تري في الخلف رجل يرتدي نظارة سوداء ويبدوا انه القاتل ينهض من علي الطربيزة ويبتسم في وجهها بكل سخرية
بعدها يتم نقلها الي المستشفي وقد اصيبت بانهيار عصبي شديد...
اميرة تفيق فتجد نفسها في غرفة مظلمة لا يضاء منها الا علي وجه سيدة عجوز وجهها بشوش يبعث بالطمأنينة انها الدكتورة صفاء استشاري الطب النفسي تجلس امامها وفي يدها حقنه مهدئة
اميرة.. انا فين ؟!!
صفاء.. متخافيش انتي هنا في المستشفي.. افردي دراعك
اميرة تنظر لها في خوف وتتردد في فرد ذراعها
اميرة.. انتي مين ؟!!
صفاء.. افردي دراعك متخافيش
اميرة تنصاع لكلامها وتفرد ذراعها وبعد ان تعطيها الحقنه
صفاء.. انا الدكتورة صفاء المشرفة علي علاجك هنا
صفاء.. ومين قال انك مجنونة..انتي اعصابك تعبانه مش اكتر
اميرة.. دول ضربوة بالنار في دماغة قدامي..انا شفت اللي قت،ـله.. الدم !! الدم بتاعة غرق هدومي !!
