ذئب تخصص أرامل كامله
اميرة لا تصدق ويتملكها الخوف ثم تخرج مسرعة الي غرفتها وتغلق عليها الباب بالمفتاح من الداخل وبداخلها سؤال ملح لا تعلم اجابته.. ما الذي يحدث بالضبط في هذه الفيلا ؟!! هل ما رأت عينيها حقيقة ام مجرد كابوس مزعج ؟!! ثم تمسك بالمحمول بيدها المرتعشة الباردة وتتصل بأمها
اميرة.. الو.. اه يا ماما.. انتي فين ؟!!
اميرة..لا مش تعبانه يا ماما.. بس انا خلاص مبقتش طايقة الفيلا دي
الام.. ليه يا حبيبتي ؟! هو الدكتور مزعلك في حاجة ؟!!
اميرة.. بالعكس يا ماما عبد الباسط كويس جدا معايا وبيتمنالي الرضا ارضي.. اينعم دماغة ناشفة حبيتين بس دا طبع غالب في كل الرجالة
اميرة.. في حاجات غريبة شفتها هنا ومش لاقيالها تفسير !! تصدقي يا ماما عم محمد اللي شغال عندنا في الفيلا طلع بيتكلم!!
الام.. ازاي ! انتي مش بتقولي ان اللي شغالين في الفيلا دول كلهم خرص ؟!!
اميرة.. ايوا.. بس صدقيني كلمني من شوية وسمعته بوداني دول !!
اميرة.. بقلك كلمني وسمعته بوداني ولما سألته ازاي بتكلم وانت اخرص ؟!! قالي انا بتكلم لما اكون زعلان ومتنرفز
الام.. ايه الكلام الغريب اللي انا بسمعه ده ؟!! في اخرص بيتكلم بس لما يكون زعلان ؟!! وبعدين ايه زعله اصلا ؟!!
اميرة.. اصله شافني دخلت اوضة من اوض مرتات عبد الباسط
اميرة.. ايوا قالي.. بس انا اخدني الفضول هو ليه مش عايزني ادخل الاوض دي بالذات ؟!!
الام.. جايز يكون فيها ذكريات خاصة بيه وبزوجاته السابقين ومش عايزك تتطلعي عليها.. دا حقه يا اميرة يا بنتي
اميرة.. بس انا لما دخلت الاوضة دي اترعبت جدا ولقيت مفكرة مكتوب فيها كلام غريب زي ما يكون الغاز.. قليلي يا ماما.. هي شريفة دي مش مهندسة ديكور؟
اميرة.. ما هي دي اللي انا دخلت اوضتها.. تصدقي يا ماما الاوضة كلها اسود في اسود ؟!! مع انها مهندسة ديكور !! ماما انا حاسة اني قاعدة هنا في بيت الرعب.. في حاجات انا مش فاهماها بجد وحاسة ان عبد الباسط مخبي عليا سر كبير وبصراحة ان بديت اقلق
اميرة.. قليلي.. تقي عاملة ايه ؟!!
الام.. اهوه زي القردة مش مبطلة شقاوة.. علي فكرة باباها جاي بكرة عشان يفسحها
اميرة.. والله انا بقلق لما بتخرج معاه
الام.. معلش يا بنتي ابوها برضوا ومن حقة يشوف بنته ويقعد معاها
اميرة.. مفيش مشكلة.. بس ميتأخرش بيها برة هما ساعتين تلاته مش اكتر
