ذئب تخصص أرامل كامله
اميرة.. بس انا عايزة اعرف كل حاجة عنك صغيرة وكبيره.. دا حقي يا عبدو
عبد الباسط.. اميرة بلاش تتوغلي بالطريقة دي في خصوصياتي.. ارجوكي ثم يمسك كلتا يديها ويقبلهم.. اتفقنا ؟؟
وتعود اميرة في اليوم التالي الي المستشفي لتباشر عملها فتجد الجميع يظهر لها الاحترام وتدخل مني السكرتيرة لتبارك لها
مني.. الف مبروك يا دكتورة وحمد الله علي السلامة
مني.. تحت امرك
اميرة.. انتي قلتيلي قبل كدا ان عبد الباسط مخاوي جن
مني.. انا آسفة.. ذلة لسان مني وحضرتك ادتيني الامان ولولا كدا انا مكنتش اتكلمت معاكي
اميرة.. انا مش بقلك كدا عشان تعتذري.. لا يا مني انا عايزة اعرف انتي عرفتي منين المعلومة دي ؟!!
مني.. ما تنسي حضرتك الموضوع ده وكأني مقلتلكيش حاجة.. هو حضرتك مش سعيدة في حياتك مع الدكتور؟
مني.. في الفيلا صح ؟!!
اميرة.. انتي عرفتي منين انها بتحصل في الفيلا ؟!!
مني مرتبكه.. اه.. اااا.. اكيد هتحصل في الفيلا.. امال هتحصل فين يعني ؟!!
اميرة.. اها.. مني لو في حاجة مخبياها عني قليهالي ارجوكي
مني.. وانا هخبي عن حضرتك ايه بس يا فندم ؟!!
مني.. حاضر.. بس ارجوكي نتكلم في اي مكان بعيد عن هنا وتوعديني انك مش هتقولي لحد
اميره.. اكيد
مني.. اوك طب حضرتك طلبيات الادوية دي هتستني لبكرة عشان محتاجة توقيع الدكتور عبد الباسط
اميرة.. ليه هو الدكتور مش في مكتبه ؟!!
مني.. لا يا فندم انهارد يوم الاتنين وهو متعود ميجيش
مني ترتبك.. معرفش حضرتك هو دايما كدا بعد ازنك يا فندم
مني تنصرف واميرة تتذكر ما قرآته في مذكرات شريفة حيث ذكرت كلمة يوم الاثنين..
امير متعجبه.. هي ايه الحكاية بالظبط ؟!!
وتعود اميرة الي المنزل وطوال اليوم تحاول الاتصال ب عبد الباسط ولكن تليفونه مغلق حتي عاد الي منزله بعد منتصف الليل ليجد اميرة في انتظارة ويبدوا انها في حالة من القلق والغضب الشديد
عبد الباسط.. طب قولي حمد الله علي السلامة الاول !!
اميرة.. الف حمد الله علي السلامة كمان.. قلي بقي كنت فين طول اليوم ؟!!
عبد الباسط.. كنت في اسكندرية
