عشق ولااد العم كامله

هدى:مكنتش عايزه اوجعك معايا انت عارف انا بحبك اد ايه 

______

.....:جدو انا قررت اتجوز

فيروز بصدم#مه:ايييه؟!!!

ساجد ببرود: زى ما سمعتى كده 

الجد: ومين دى بقى 

ساجد بابتسامه:هدى 

وهنا دخلت بنت جميله اوى وجسمها متناسق 

فيروز بصدم#مه:هى تانى ؟؟!!انت نسيت هى سببت ليك ايه ؟!!!

ساجد ببرود:والله انا حر

فيروز:معاك حق اسفه ليك استاذن انا جه معاد نومى 

الجد بغموض: ياريت تكون عارف انت هتعمل ايه يلا تصبحوا على خير

___________

.....:كنتى ناويه تفضلى مخبيه عنى لامتى؟!!

ندى:دى حاجه تخصنى انا وانا مش محتاجه مساعده حد

فهد:لا محتاجه مساعدتى انا اللى ماسك اداره الفروع كلها يعنى انا الوحيد اللي ممكن اساعدك

ندى باستغراب:وانت هتستفيد ايه وبعدين انا مفروض اثق فيك ازاى بعد كده وانت في أول الطريق استغنيت عنى وسيبتنى فى بلد انا معرفش فيها حاجه 

فهد بندم:انا مكنش قصدى أن دا كله يحصل بس انا مش بحب العند مش بحب حد يعند معايا 

ندى بتحدى:وانا مش بحب حد يؤمرنى 

فهد: خلاص بقى انا هساعدك وكده نكون متعادلين ايه رايك 

ندى:مش هتسيبنى فى نص الطريق ولا تخلينى اندم انى عرفتك الحقيقه 

فهد بنظره هى ما قدرتش تحددها:لا مش هسيبك فى نص الطريق ولو وقعتى هقع معاكى 

كلماته مع انها كانت صغيره بس دخلت قلب ندى وحست احساس غريب نحيته 

فهد:يلا نبتدى باول خطوه وهى مراقبت كل الصفقات اللى عمى بيعملها ونراقب عمى ومراته 

ندى بابتسامه خبيثه:وتانى خطوه اننا نلعب معاهم شويه

فهد بضحك: انا كده اتاكدت انك من عيلتنا واخده نفس الجينات بتاعتنا 

ندى بضحك:عيلة واطيه بعيد عنك 

فهد:يلا ننزل الجنينه تحت ونقرا الملفات دى كويس اكيد فيها حاجه هتوصلنا للحل 

ندى بابتسامه: طب اسبقنى انت وانا هجيب حاجه نشربها واجى