تكملة رواية نير.ان ظلمه الجزء الثاني

اجابته حياء بهدوء محاولة اخفاء خيبة امالها=الحمدلله يا ياسين ..انت عامل ايه ؟! اجابها ياسين بهدوء=الحمد لله........ليكمل بتردد بعد ان تنحنح قائلاً=بصى يا حياء انا كنت عايز ابلغك رسالة من عز هو اضطر يسافر النهاردة الصبح و مش عارف هيرجع امتى شعرت حياء بالدماء تنسحب من جسدها فور سماعها كلماته تلك تمتمت بصوت ضعيف مرتجف=سافر فين يا ياسين ....؟! ظل ياسين صامتاً عدة لحظات قبل ان يجيبها=المانيا ...راح يخلص صفقة ال.... قاطعته حياء بصوت منكسر ضعيف=و هو مبلغنيش ليه ده بنفسه ..؟! اجابها ياسين بارتباك=لانه ...لانه كان ...مستعجل بس.. بس هو اكيد لما يوصل هيكلمك و....قاطعته حياء مرة اخرى قائله بصوت مختنق و قد فهمت ما يحدث=تمام ...يا ياسين معلش انا هضطر اقفل دلوقتى ..سلام اجابها ياسين بهدوء=تمام يا حياء...سلام ارتمت فور اغلاقها الهاتف فوق الفراش دافنه وجهها به منفجرة فى بكاء مرير و و قد ادركت بانه يحاول الهرب منها بعد ما حدث بينهم و قد ارسل ياسين يبلغها بذلك حتى يخلصه منها .....ِِِ !!!!***!!!!***!!!***!!!!***!!!! كان ثروت جالساً بوجه شاحب كشحوب الاموات يفرك يده بعصبيه مراقباً ناريمان التى كانت تجلس بجانبه بذات معالم الوجه قائلاً بصوت اجش=والعمل يا ناريمان انا بعت كل حاجة كانت لنا هنا فى استراليا و مجمعناش حتى ربع المبلغ... وضعت ناريمان يدها فوق رأسها تدلكها ببطئ قائلة بارتباك=مفيش قدامنا غير الحل اللى مكناش عايزين نلجأله يا ثروتلتكمل وهى تضع يدها فوق ذراعه تضغط عليها مؤازره اياه=لازم نطلب من عز الدين يساعدك

انتفض ثروت واقفاً يهتف بارتباك وقد شحب وجهه اكثر من قبل=كله الا عز يا ناريمان....كله الا عز انتى فاهمه...... وقفت ناريمان هى الاخرى تضطلع الى مظهره هذا المرتبك و المذعور بارتياب همست بشك وهى تتفحصه من شق عينيها=ايه الحكاية يا ثروت ...وشك قلب كده ليه لما جبت سيرة عز الدين ارتمى ثروت مرة اخرى بتثاقل فوق مقعده قائلاً بارتباك=ابداً مم..مفيش حاجة..... قاطعته ناريمان صائحه بحده=لا فيه و فيه مصيبه كمان عرفنى لو فى حاجه هتخبى ليه ما الدنيا كلها خربانه فوق دماغنا ...فهمنى فى ايه بالظبط اجابها ثروت بصوت مهتز و قد اخذ جبينه يتصبب بالعرق=اصل...اصل ..انا..كنت زورت امضت عز الدين كضامن على الشيكات اللى مضتها لداوود... اهتز جسد ناريمان بعنف كمن ضربته الصاعقه فور سماعها كلماته تلك همست بصوت مرتجف=عملت ايه ....؟!هتفت هذه المره بصوت اعلى حاد عندما ظل ناكساً رأسه=عملت ايييه...؟! انت فكرك ان داوود مش عارف من الاول انك زورت امضت عز الدين ....لتكمل وهى تنتحب بشده=يعنى فوق انك هتتسجن علشان مديون لا كمان هتتسجن كمان بالتزوير ليه كدهةد حرام عليك.....لكنها قاطعت جملتها متجمده بمكانها فور ان خطرت فكره بعقلها جعلتها تشهق فازعه بقوه اقتربت منه ببطئ حتى اصبحت بجانبه انحنت نحوه مسلطه نظراتها المشتعله فوقه متمتمه بصوت حاد كنصل السكين=معنى كلامك ده... ان انت مطلبتش من عز الدين انه يساعدك فى الاول اصلاً و انه مرفضش زى ما فاهمتنى مش كده ؟! اخفى ثروت وجهه بين يديه المرتجفه بشده لكن ازاحت ناريمان يده دافعه اياها بعيداً عن وجهه صائحه بغضب=بصلى هنا بكلمك....انت مطلبتش من عز الدين اصلاً انه يساعدك وفهمتنى انه رفض وفضلت تخوفنى على حياء علشان انفذ خطة درية كل ده علشان تضمن ان.....