تكملة رواية نير.ان ظلمه الجزء الثاني

انتفضت نهى واقفه فور رؤيتها حياء تخرج من غرفة الحمام تحمل الاختبار بيدها و على وجهها ترتسم ابتسامه مشرقة واضعه يدها فوق بطنها هاتفة بسعادة و هى ترفع عصا الاختبار امام عينين نهى =انا حااامل يا نهى...حامل هرولت نهى نحوها تحتضنها بقوة وهى تبكى بسعادة هاتفه بفرحة عارمه =مبرووووك...مبروووك يا حبيبتى الف مبروووك لتكمل وهى تبتعد عنها =عز هيطير من الفرحه لما هيعرف..... شعرت حياء بالبرودة تتسلل بجسدها فور تذكرها عز الدين الذى بالتأكيد لن يعجبه الامر.. ابتعدت عن نهى جالسة فوق الفراش بضعف وقد شحب وجهها حتى اصبح كشحوب الاموات جلست نهى بجوارها تتمتم بقلق وقد لاحظت التغيير الذى حدث لها =فى ايه يا حياء...؟! اجابتها حياء بصوت مرتجف ضعيف = عز اكيد مش هيبقى عايز اولاد منى..... هتفت نهى مقاطعة اياها بغضب =حياء بطلى هبل.... لتكمل وهى تتناول يد حياء تضغط عليها مؤزاره اياها محاولة اطمئنانها =لو مكنش عايز يجيب اولاد منك زى ما بتقولى....كان سابك ليه من غير وسيلة من اول ما تمم جوازكوا ..

بدأت شفتى حياء بالارتجاف وهى تغمغم بصوت ضعيف =يمكن مفكرش...مركزش.. قاطعتها نهى قائلة بحزم =مركزش ..و مفكرش ايه يا حياء عز مش صغير و فاهم كويس هو بيعمل ايه.. همست حياء بصوت منتحب ضاغطة بيدها فوق قلبها للتخفيف من الالم الذي لا يطاق به =بس هو مبقاش عايزنى يا نهى...بقى مش متحمل وجودى فى حياته.... احضنتها نهى بين ذراعيه تمرر يدها بحنان فوق ظهرها و هى تتمتم محاولة تطمئنتها =بتهيألك و الله ممكن يكون عنده مشاكل فى الشغل مش اكتر و ده اللى مخليه عصبى معاكى ... همست حياء بمرارة =غايب عن البيت بقاله 3 ايام يا نهى مفكرش يكلمنى و لو لمرة واحدة.... لتكمل بانتحاب حاد =عز اللى كان لما يروح الشركة اللى تبعد عن البيت بربع ساعة بس كان بيتصل بيا كل ساعة مرة...... زفرت نهى قائلة وهى تبتعد عنها =والله اللى فى بالك ده كله اوهام يا حياء عز لو مش طيقك زى ما بتقولى ولا متفرقيش معاه مكنش ضرب سالم وبهدله علشانك ...و لا كان طرد العقربة تالا لما عرف اللى عملته فيكى