كوميدي
حاجبه بسخريه
شرط
رديت ببرود
اه
ايه هو
ملكش دعوه بحياتي الشخصيه
بمعني
يعني طول ما حنا متجوزين محدش فينا يسال التاني هو بيعمل ايه
ومتسألنيش عن أي حاجه تخصني وانا كذلك
ضحك بسخريه
والله ليه شيفاني واقف مركب اريل فوق دماغي ولا شيفاني كيس جوافه قدامك !
ربعت ايدي ببرود
والله هي دي شروطي
جز علي أسنانه بضيق
اوك يبقي اتفقنا
رد بغموض
اتفقنا
يتبع
الجزء الثالث
بارك الله لكما وبارك عليكما وجمع بينكما في خير
ومع الجمله اللي قالها المأذون واللي بتعلن عن جوازنا رسمي اللي بتعلن أن انا بقيت ملك شخص معرفهوش!
قلبي اتنفض
حتي لو كان الوضع مؤقت لكن في النهايه انا قدام الناس بقيت مراته
العيله كلها قربت مني تبارك وتهني ماعدا دارين طبعا اللي كانت واقفه عايزه ټموتني
كنت بقابل الكل بابتسامه مزيفه بالرغم من الخۏف اللي دب في قلبي اول ما أعلن المأذون الجواز رسمي وقدام الكل
مكنتش قادره احدد احساسي وقتها
هو انا فعلا خاېفه ولا متوتره انا مبسوطه ولا زعلانه شعوري كان متناقض تماما كان عباره عن خوف وتوتر وفرحه وحزن مع دقه قلب غريبه لاول مره !!!
مبروك
قلبي دق للمره اللي مش عارفه عددها وفركت ايدي بتوتر وانا برد بنفس الهمس
الله يبارك فيك
سحب ايدي بين ايديه وشبك صوابعه في صوابعي وانا ببصله باستغراب
انت بتعمل ايه !
ضحك ضحكه مزيفه وهو بيبص قدامه
بعمل عريس
رفعت حاجبي باستغراب
افندم!
لف برأسه وهو بيبص في عيوني وبيقولي بغموض
رديت بتلقائية
بس انا مش بحبك
ضحك وهو بيرد بسخريه
قال يعني انا اللي بحبك !
كلها مجرد تمثليه عملناها عشان جدي يكتبلنا الفلوس وكل واحد يروح لحاله
وبصلي من فوق لتحت بسخريه اكبر
متحلميش باكتر من كده ياميان
جملته غاظتني فبصلته بقرف وانا بسحب ايدي من أيده بغيظ
انت اللي متحلمش باكتر من كده ولو حتي عقلك وزك وحبيتني ف استحاله انا احبك يا شاطر
يبقي خالصين بس اوعي تحبيني اصل انا عارف تأثيري قوي علي اي بنت
بصيتله بتحدي
اي بنت إلا انا
رد بغموض
اوك
بصيت قدامي وانا بحاول ارسم ضحكه مزيفه علي وشي وخاصه لما شوفت جدي بيقرب مننا وهو باين علي وشه الفرحه
الف مبروك ياولاد
ردينا في نفس واحد
الله يبارك في حضرتك ياجدو
انتوا مش متخيلين فرحتي بيكم قد اي ربنا يسعدكم يارب ويرزقكم بالذريه
الصالحه
ياسين
يااااارب اللهم امين ياجدي
اما عني اكتفيت بابتسامه وانا ببوس أيده بأحترام
وبعد شويه خلص الفرح ومشيت الناس ومتبقاش غير العيله بتاعتنا
مالك ابن عمي بفرحه
الف الف مبروك ياحبيبتي ربنا يسعدك يارب
ابتسمت بحب لاني بعتبره زي محمود اخويا بالظبط بالرغم أنه اخو دارين بس حقيقي مش شبهها خالص !
الله يبارك فيك ياقلبي وعقبالك يباشا لما نفرح بيك كده
ياسين برفعه حاجب
قلبك!!
مالك باحراج
انا بعتبر ميان اختي الصغيره و عموما الف مبروك يا ياسين
ياسين وهو بيرد عليه بجمود
الله يبارك فيك عقبالك
جدي
يالا بقي ياعريس خد عروستك واطلع علي شقتك
دارين بلهفه
لا ثواني ياجدو حضرتك قولت ا احم ي يعني قولت ا انه
جدو وهو بيقاطعها
عارف يادارين علي الميراث
وبصلنا بغموض وهو بيقول
انا فعلا قولت اني هكتب الميراث لو ياسين اتجوز حد منكم بس مقولتش علي الشرط التاني
ردينا كلنا في نفس واحد باستغراب
الشرط التاني !!!
جدو وهو بيحط أيده علي كتفي بابتسامه
لما افرح باول حفيد ليا أن شاء الله هكتبلكم الميراث
برقت عيني وانا برد بتلقائية
مستحييييل !!!!
جدو باستغراب
هو ايه اللي مستحيل يابنتي
ياسين بتوتر وهو بيبتسم ابتسامه مهزوزه
هههه ههه متاخدش علي كلامها ياجدو ميان بتحب تهزر صح ياحبيبتي
قال جملته وهو بيسحبني وانا مش فاهمه اي حاجه
همس في ودني بغيظ
اقفلي بوقك متفضحناش
كنت لسه هرد بس هو قاطعني
يالا بقي ياحبيبتي نطلع عشان انا تعبان جدا
يالا ياجماعه تصبحوا علي خير
قال جملته وسحبني وخرجنا من البيت وانا بحاول أفلت منه بس كان اقوي مني
وفجأه بصلي بصه رعبتني وهو بيقول بهدوء مريب
وقدام نبرته اللي رعبتني هزيت راسي من غير ما انطق حرف زياده
وصلنا قدام باب البيت وهو ساب ايدي وفتح الباب وسحبني مره تانيه لجوا
سحبت ايدي منه اول ما دخلنا وانا بقول بعصبيه
ايه انت بتسحب بهيمه
