اسكربت جبروت اسمه اختي كامل

متفرقة بالجسد وايضا مقتل الدادا حسنية والتي ترقد بالعناية المركزة بين الحياه والمoت بعد اصابتها بطعنه نافذة بالبطن وان الصحفية المشهورة افادت في محضر رسمي ان المحرض لذلك هي اختها سيدة الاعمال وعضو مجلس الشعب آمال ابو المواهب بسبب خلافات شخصية .
آمال تغضب .. يا بنت الكلب .. عملتيها يا فريال .. طب وديني لأمسحك من علي وش الارض

ثم تتصل بأحد الرجال المهمين
فريال .. معالي الباشا  .. صباح الفل .. 
قريت جورنال انهاردة ؟! .. تمام..  
انا كمان اضايقت قوي .. ومينفعش كلام زي دا ينتشر علي الملأ ويقراه الناس وبدون اثبات او دليل ..دا تشهير علني يا معالي الباشا .. فريال !! انا مفيش اي خلافات شخصية بيني وبينها .. دي انسانه غيرانه مني ومن نجاحي وبتشتغل في جورنال اشرف الطوخي وسيادتك عارف مين اشرف الطوخي كويس ومين بيموله .. تمام .. انا مش هكلم حد تاني لأني عرفة ومتأكدة كويس انك هتجيبلي حقي .. مع السلامة يا معالي الباشا .. ماشي يا فريال اعلنتي الحرب بدري بدري .. هنشوف مين فينا اللي هيدمر التاني وكمال مش هسيبهولك ولا هخليكي تتنهي بيه ثانية واحدة .. 
كمال دا بتاعي انا وملكي انا يا فريال وهتشوفي ..
اللي فات هزار واللي جاي ض@رب نا@ر 🔥
 #جبروت_اسمة_اختي

                    قبـل الاخيـــــرة

وفي اليوم التالي تذهب فريال الي عملها بالجريدة فتفاجأ بصحفيه تدعي ريم تجلس مكانها بقسم التحقيقات ..

فريال .. ايه ده ؟!! 
انتي ايه اللي جابك مكتبي هنا وازاي تدخلي مكتبي وانا مش موجودة ؟!!
ريم .. طب قولي صباح الخير الاول !! 
وبعدين اهدي شوية من فضلك .. دي تعليمات سميح بي رئيس التحرير اني امسك قسم التحقيقات بدالك
فريال .. تمسكي قسم التحقيقات بدالي !! 
ليه بقي ان شاء الله ؟!! 
امال انا بقي همسك ايه ؟!!.
ريم .. معرفش !! هو ع العموم منتظرك في مكتبه
وتذهب فريال غاضبة الي مكتب سميح رئيس التحرير
فريال .. مظبوط الكلام ده يا سميح بي .. 
ريم مسكت مكاني قسم التحقيقات ؟!!
سميح .. ايوه انا اصدرت قرار بده
فريال .. ليه بقي ؟!! 
هو انا قصرت في شغلي ولا حاجة؟!!
سميح .. مقصرتيش .. لكن خلافاتك الشخصية مع اختك هتفتح علي الجريدة ابواب جهنم واحنا في غني عن دا كله
فريال .. اها .. قول كدا بقي اكيد بسبب التحقيق اللي نزل وقلت فيه ان امال اختي هي المسئوله عن كل اللي حصل لاولادي وللدادا
سميح .. بصراحة اه التحقيق بتاعك ده زعل مسئولين كبار وانا قلتلك مالوش لزوم تنشري التحقيق ده يا فريال لأن مش معاكي دليل ادانه واحد علي اختك وادي النتيجة
فريال .. هو مين كلمك وطلب منك تنقلني من قسم التحقيقات؟!!
سميح .. صدقيني انا انطلب مني امشيكي من الجريدة خالص .. لكن نشاطك واجتهادك وخبرتك الكبيرة شفعولك واكتفيت بنقلك من قسم التحقيقات
فريال .. ومسكت ايه بقي ؟!!
سميح .. اخبار النجوم .. قسم حلو ولطيف وبعيد عن المشاكل والصراع مع الكبار
فريال .. يعني رجعت تاني لنقطة الصفر وكأني صحفيه صغيرة ولسة بتعلم الف به صحافه !! واجري ورا الفنانين في المناسبات واعياد الميلاد عشان اجمع صور وكلمتين هايفين.. اسفة .. يا اما ارجع القسم بتاعي .. يا اما انا مستقيلة من الجورنال