المحاضره الجايه
- رأيك لو نتجوز وبدل ما يكون رسام واحد يبقوا اتنين !
بمشاعري اللي مصدقها
وبعيني وصوتي وخطّي
واطلب ايدك تبقيلي
عُكّازي ونور قنديلي
وشريك بالنُص ف وقتي🖤
عيوني بتخرج قلوب
وشي كله احمر من كتر التوتر
وقف قدامي ومسك ايدي بين ايديه وقال بحب:
- موافقه ؟!
- ازاي ؟
- ازاي ايه ؟
بلعت ريقي بتوتر وانا عايزه الأرض تنشق وتبلعني:
- طب تعالي معايا وانا هفهمك
اخدني من ايدي ووصلنا لعربيته وركبني جنبه قدام وركب وساق وانا مش فاهمه اي حاجه
كان جوايا مشاعر كتير متلغبطه
شويه ووصلنا قدام فيله روعه بمعني الكلمه،كان تصميمها ي*ج*نن وخاصه الزرع اللي كان علي الجانبين
والورد الاحمر اللي كان في كل مكان كان شكله حلو اوي !
ركن العربيه ونزل منها ولف فتحلي الباب ومدلي أيده
رفعت راسي باستغراب:
- احنا فين ؟!
رد بهدوء:
- بيتي
رفعت حاجبي:
- وانت جايبني بيتك ليه ؟
ضحك بهدوء:
- خا*طف*ك
بلعت ريقي بتوتر:
- ب بس
- العيله كلها جوا ولو مش مصدقه مستعد اجبهملك واحد واحد يسلم عليكي هنا
اتحرجت ونزلت من العربيه وانا بقول بهدوء:
- انت مش مجرم عشان اخاف منك الحكايه كلها أنه ميصحش وجودي معاك في مكان واحد لوحدنا حتي ايدك مينفعش تلمس ايدي مره تانيه غير لو اتجوزنا !
