قصة سيدنا اسحاق كامله باللغه العاميه بقلم هبه الله
انت في الصفحة 3 من 3 صفحات
إنه ساعتها كان اقرب على 100 سنة أو تجاوزها ..
الإندهاش ماكنش من سيدنا إبراهيم لوحده زوجته سارة كمان كانت سامعة الحوار ده كله فإستغربت وضړبت خدها أو بالأصح لطمت لا إراديا من الصدمة صكت وجهها
تحمل في طفل إزاي وهي كانت في عز شبابها عقيمة مابتخلفش دلوقتي زاد على العقم إنها أصبحت عجوزة ما تستحملش آلام الحمل والولادة ..
قالت يا ويلتى أألد وأنا عجوز وهذا بعلي شيخا ۖ إن هذا لشيء عجيب 72 قالوا أتعجبين من أمر الله رحمت الله وبركاته عليكم أهل البيت إنه حميد مجيد .. سورة هود
وقد كان .. مافاتش وقت كبير كانت البشرى إتحققت وسيدنا إسحاق إتولد.
في القرآن ربنا ما ذكرش أي تفاصيل عن سيدنا إسحاق غير موقف ولادته و أغلبهم بيأكدوا على فضله ومكانته وبيوصفوه بالصلاح وبينسبوا ليه البركة وبيعرفونا إنه كان نبي وأنزل عليه الوحي زي باقي الأنبياء
الأربعة دول هم 4 أنبياء ورا بعض على طول كل واحد فيهم أب للتاني فهي سلسلة متتالية بتبدأ من سيدنا إبراهيم الي أنجب ابنه إسحاق الي خلف سيدنا يعقوب الي هو أبو سيدنا يوسف ..عليهم السلام جميعا ..
التكريم في الحديث ماكانش بس لسيدنا إسحاق إنما كان بيشاركه في المديح ابنه يعقوب
سيدنا إسحاق رزق بطفلين توأم سمى الأول عيص أو العيص أو يقال عيصو والتاني سماه يعقوب يقال لإنه جاء في عقب أخيه .. سيدنا يعقوب هو إللي الملائكة لما بشرت بيه جده إبراهيم
وفي الأول و في الاخر دي كلها اجتهادات العلماء في محاولة تفسير كتاب الله وربنا وحده الأعلى والأعلم بما يصيب ويخطئ منها .. قال تعالى وما يعلم تأويله إلا الله والراسخون في العلم يقولون امنا به كل من عند ربنا
