قصة سيدنا موسي عليه السلام كامله باللغه العاميه بقلم هبه الله
قبل وإياي أتهلكنا بما فعل السفهاء منا إن هي إلا فتنتك تضل بها من تشاء وتهدي من تشاء أنت ولينا فاغفر لنا وارحمنا وأنت خير الغافرين
فربنا استجاب لموسى وأحياهم مرة تانية واحد ورا التاني
وبقوا شايفين بعض إزاي ربنا بيحيي المۏتى..
يمكن يكونوا فهموا وإتعظوا فيؤمنوا ويشكروا ربنا !!
ثم بعثناكم من بعد موتكم لعلكم تشكرون
فلما وصلوا قريب من القدس
سيدنا موسي بعت 12راجل من بني إسرائيل عشان يدخلوا القدس ويشوفوا الأحوال هناك إيه زي فرقة استطلاع كده ..
ولقد أخذ الله ميثاق بني إسرائيل وبعثنا منهم اثنتي عشر نقيا
سيدنا موسى وصاهم إنهم مايقولوش أي حاجة من الي هيشوفوها هناك غير ليه هو شخصيا بس ..
الأرض إللي احنا روحناها بتطلع لبن وعسل..
يعني مليانة خير كتير لكن المدينة متحصنة جدا والناس إللي ساكنين هناك أجسامهم ضخمة وعندهم قوة عظيمة.
فبدأ كل واحد من ال راجل ينهى قومه عن القتال مع سيدنا موسى ويخوفهم.
ماعدا رجلين بس
هو لية سيدنا موسى أمرهم بدخول القدس وقتل اللي فيها
عشان يقدروا يحكموا بيت المقدس ويحموا بيت ربنا ..
واشمعني القټل
عشان دة كان إمتحانهم الأخير من ربنا بعد كل المعجزات اللي شافوها ..
وكانوا المفروض إن جه دورهم عشان يثبتوا إيمانهم ويحاربوا الناس اللي بتعبد الأصنام ويجاهدوا في سبيل الله ..
لأ بني إسرائيل رفضوا كلام الرجلين وعصوا كلام سيدنا موسي!!
سيدنا موسى كان متوقع طبعا إنهم يرفضوا لإنه جربهم في مواقف كتير وكانوا في كل موقف يواجهوه بالعناد والعصيان ..
ربنا أوحى لسيدنا موسي إنه يصمم على قومه إنهم يجاهدوا معاه ..
فبدأ يفكرهم بنعم ربنا ..قالهم
إفتكروا إن ربنا بعت لكم منكم أنبياء وخلاكم زي الملوك في حرية تصرفكم في نفسكم ..
وإذ قال موسى لقومه يا قوم اذكروا نعمة الله عليكم إذ جعل فيكم أنبياء وجعلكم ملوكا وآتاكم ما لم يؤت أحدا من العالمين
حاول يقنعهم إنهم يقاتلوا معاه وقالهم أن اللي هيعترض عن الأمر هيبقى جزاؤه الخسارة في الدنيا والآخرة..
يا قوم ادخلوا الأرض المقدسة التي كتب الله لكم ولا ترتدوا على أدباركم فتنقلبوا خاسرين
قالوله
يا موسي احنا خايفين من القتال وإن فيها قوم أقوياء جبارين
يا موسي احنا مش هندخلها طول ما أهلها فيها ..
فلو أهلها خرجوا منها لأي سبب من الأسباب اللي ملهاش علاقة بينا ..
ساعتها عندنا إستعداد ندخلها ..
قالوا يا موسى إن فيها قوما جبارين وإنا لن ندخلها حتى يخرجوا منها
