رواية عشقي لصعيدي الجزء الاول

زياد دخل وقعد
لقي ريهام طلعت من المطبخ
ريهام بهدوء: اجبلك تفطر
زياد اتلف وبصلها، زي ما هي في لبسها الأسود و ملامحه الباهته
زياد هز راسه بهدوء بمعني هاتي
وريهام دخلت المطبخ وطلعت حطت صنيه قدامه
زياد بدأ ياكل وهو كل شويه يرفع عيونه عليها
زياد: فطرتي؟!!
ريهام: ايوه
زياد هز راسه ورجع ياكل تاني
بليل خالد دخل وتقي في ايده في فستان سوريه هادي و مكياج خفيف ومكنش في غير اهل خالد وتقي واهل البيت بس
ام وعد زغرطت بفرحه وقر.بت من تقي تقعدها
: تعالي يا حبيبتي اقعدي هنا، اقعد جنبها يا ابو يزيد
خالد قعد و تقي جنبه وستات بتبارك لتقي
خالد بصوت واطي همس لتقي
: دقيقه وراجع
خالد طلع ظبط كل حاجه مع جبل وزياد
خالد لزياد: مجبتهاش معاك ليه
زياد: مرضيتش تيجي
جبل بضحك: كدا يعريس شكلك هتفض.حنا حد يسيب عروسته كدا
خالد بصله بطرف عينه
ودخل جوه
خال بهدوء لتقي
 
: يلا…
يتبع….
خالد بهدوء: يلا
تقي بصت لخالتها بتوتر وقامت مع خالد
خالد قبل ما يطلع لمح وعد شايله يزيد وبيعيط
خالد: هتيه يا وعد
وعد: خليه يا عمي هو شويه وهيسكت
خالد: مش هيسكت غير معايا هتيه احسن
وعد اداته يزيد وهي بتبص لامه
خالد خُده وطلعوا هو وتقي
فوق
تقي قاعده علي السرير بعد ما غيرت هدومها وخالد شايل ابنه وبيتحرك بيه في الاوضه علشان ينام وكل شويه يرفع عيونه ويبص عليها
خالد بص على ابنه لقيه نام، دخل يوديه اوضته التانيه
خالد طلع لقي تقي بتبصله وماسكه ضحكتها بالعافيه بصلها بستغراب
تقي: نيمتوا
خالد رفع حاجبه: ايوه
تقي: بص وراك كدا… وانفجرت في الضحك
خالد بص لقي ابنه وراه وبيفرق في عنيه، عض على شفته السفليه بغض.ب خفيف وراح شاله
: تعاله يا ابن الكـ*ـلب هي ليلة ابوك مش معديه النهارده
تقي اتحركت من علي السرير شويه وهي بتشورله
: هتو ينام هنا
خالد: هيضايقك وسرير صغير