رواية العبقري الجزء الخامس والاخير

العبقري 💞
( الجزء الثلاثون )  
بقلمي مآآهي آآحمد

يامن اخدها مره واحده ولف بيها وحض.نها ومره واحده الصقر قرب منهم وبقي بيرفرف بجناحاته حوالين نايا وبرجليه كان بيديها خاتم الجواز بتاع يامن 
نايا مكانتش مصدقه من الفرحه ومسكت الخاتم وكانت فرحانه بي اوي وعنيها مدمعه من كتر الفرحه مسحت دموعها بأيديها وهي بتبص ليامن ومش مصدقه ان ده بيحصل ويامن مسك الخاتم من ايديها ولبسهولها وبقي يشوف الخاتم وهو في ايديها ورفع ايديها علي شڤايڤه وپاس بطن ايديها بكل حنيه وهو بيبص في عنيها  ونايا وقتها حضنته ومكانتش عايزه تطلع من حض.نه ابدا

الحب حلو بجد بس لما اللي قدامنا يحبنا ويخاف علينا من قلبه بجد

تيم كانت بتسوق بأقصي سرعه عندها مكانتش شايفه ولا سامعه حد غير صوره يامن قدامها وبس 
القائد كان ماسك في باب العربيه وقاعد جنبها وهو قلقان من سرعتها.. بتسوق العربيه بسرعه جدا لدرجه ان العربيه هتتقلب من سرعتها 
القائد : تييم .. تيم 

تيم :
القائد : ( وهو ماسك في باب العربيه ) بالراحه شويه ياتيم مش كده العربيه كده هتتقلب من سرعتها 
تيم : ( مركزه في السواقه وبس ومش معاه حرفيا لدرجه انها اصلا مش سمعاه ) 
القائد : لااااااا .. انتي اتجننتي بقي .. وقفي العربيه وقفيها بسرعه 
بقلمي ماهي احمد 
القائد اخر ما زهق راح حط ايده علي الدريكسيون وحط رجله علي رجل تيم وداس علي الفرامل .. العربيه عملت فرمله فظييعه ولفت ووقف العربيه علي جنب 
تيم : ( پغضب وڠيظ بصت للقائد ) انت اتجننت انت بتعمل ايييييييه ؟ 
القائد : ( بصوت عالي ) انتي اكيد اتج.ننتي .. انتي كنتي هتموتينا 
تيم : نزلت من العربيه ورزعت الباب بتاعها ووقفت في الصحرا حطت ايدها علي وشها وبقت تحاول تاخد نفسها واتنهدت
القائد : ( بحنيه وبصوت هادي ) في ايه ياتيم انتي مش تيم اللي اعرفها من ساعه ما رجعتي من عند يامن وانتي مش طبيعيه .. عايزه توصليله بأي شكل 
( تيم بصيتله باستغراب ) 
القائد : ماتبصليش كده .. انتي فاهمه انا اقصد ايه .. انا عارف وانتي عارفه كويس ان احنا محتاجين يامن ومن بدرى عايزينه يقع تحت ايدينا .. بس طريقتك .. طريقتك غريبه المره دي مش طبيعيه .. فيكي حاجه متغيره 
تيم :. ( ادت القائد ضهرها ) 
تيم : ( بتوتر ) ح .. حاا .. حاجه .. حاجه  متغيره .. حاجه متغيره زي ايه ؟ 
القائد : زي نبره التوتر اللي في صوتك اللي اول ما تيجي سيره يامن تظهر علي طول 
بقلمي ماهي احمد 
تيم : ( بصت للقائد بتحدي في عنيه وحطت ايدها في وسطها ) 
تيم : اسمعني كويس ياقائد مابحبش شغل اللف والدوران ده عندك حاجه قولها معندكش اسكت خالص مالووش لازمه تلميحك ده خش في الموضوع علي طول 
القائد : حبتيه ؟؟ 
تيم : اي .. اي ( ادت ضهرها للقائد ) اللي انت بتقوله ده .. احب ابن عدونا .. واللي رمي ابويا في السجن .. لولا ابوه وجده  مكانش بقي في سجون دلوقتي وكان زمانه عايش معانا لحد دلوقتي 
القائد : بالظبط كده وياريت تفكرى في الكلام ده كويس اوي وتفكرى نفسك بكلامك ده كل شويه اصل انا شامم ريحه مش تمام بس لو اتأكدت من اللي في دماغي ده صح هيبقي زيك زي نايا بالظبط وانتي عارفه لما القائد بيقلب بيبقي عامل ازاي 

تيم :. ( رفعت حاجبها اليمين ) خلاص خلصت ( ضر.بت بأيديها علي كتف القائد )يلا نكمل طريقنا بقي وشيل الاوهام دي من دماغك عشان كل اللي بتقوله ده مالووش اي اساس من الصحه 
تيم ركبت العربيه ورفعت اللاسلكي اللي في العربيه وبقت تكلم الجبالي 
تيم : الو .. الوو 
الجبالي رفع اللاسلكي وهو بيضحك لانه اول مره يمسك حاجه زي كده 
تيم : وصلتوا لحد فين 
الجباالي : لسه قدامنا نص نهار كمان علي ما نوصل ارض الھلاك 
تيم : اول ما توصلوا ما تتحركوووش الا بأوامر مني 
القائد ركب جنب تيم وتيم ساقت العربيه ولفت الدريكسيون بسرعه  وطلعت علي الطريق مره تانيه

( في نفس الوقت ) 
نايا مسكت ايد يامن وماشيين علي البحر وبيتمشوا والهوا كان بيطير شعرها لورا 
بقلمي ماهي احمد 
نايا : تفتكر اللي بيحصل ده بيحصلنا بجد يعني احنا ممكن نبقي سوا ومع بعض علي طول يا يامن 
يامن : احنا خلاص يانايا بقينا سوا 
نايا : خايفه السعاده اللي انا فيها دي تروح مني في غمضه عين .. انا عمرى ما تعودت اني اكون مبسوطه في يوم 
يامن : خا.يفه من ايه .. قوليلي بصراحه 
نايا : خ.ايفه اصحي في يوم مالاقيكش جنبي .. خايفه تضيع مني .. 
يامن ( بص في الارض وهو ماسك ايد نايا ومشبك صوابعه بصوابعها وماشي جنبها ) 
يامن : ( بتنهيده ) فهمتك يانايا 
نايا : ( وقفت قدامه وبصت في عنيه ) انا ماليش في الدنيا غيرك .. مش عايزاك تروح مني تعالي نبعد يا يامن .. نبعد عن كل حاجه واي حاجه ممكن تأذينا في يوم 
اوعدني من النهارده هنبعد عن الجبالي وعن تيم والقائد نعيش بعيد لوحدنا .. انا مابقيتش عايزه من الدنيا غيرك 
بقلمي ماهي احمد 
يامن : انا لا يمكن اسيب حق اهلي.. هاخد حقهم مهما حصل ممكن وقتها ارتاح 
نايا : وبعدين ولو جرالك حاجه 
يامن : ( بابتسامه مسك ايد نايا وحط ايدها علي قلبه وبص في عنيها  ) 
يامن : مش هيجرالي حاجه طول ما انتي جوايا انتي عوض ربنا ليا .. انتي ماتعرفيش انا شوفت اي من صغري عشت حياه مش حابب افتكر منها حاجه بس في نفس الوقت مش هينفع اسيب اللي قت.ل اهلي قدامي يفلت منها ويعيش حياته عادي
ساعديني .. ساعديني اني اعرف هو مين ووقتها بس هبعد عن كل حاجه انتي عايزاها  وهسيب الدنيا كلها وهبقي معاكي اتفقنا يانايا 
نايا : ( هزت راسها من فوق لتحت بابتسامه خفيفه)
نايا : اتفقنا ☺️
نايا مسكت صوابعها وبقت تبص للخاتم وهي مبسوطه اوي 
يامن : ( بص للخاتم وبعد كده بصلها ) عاجبك 
نايا : اوي .. اوي ..
يامن : ده خاتم امي والدي ادهولها يوم ما تقدملها ومش عايزك تقلعي الخاتم ده الا لما تديه لمرات ابننا اتفقنا 
نايا بقت تبتسم وهي مبسوطه جدا ومره واحده