لم اكن ضعيفه البارات الثامن

من برودي..... انا بتكلم بجد مابهزرش 
بصتله بغل..... نعم ياخويا سمعني تاني مابتهزرش.... دي ليله سوده عليك لو دي مش نكته قال انزل اعيش مع امك تحت انت اټجننت!!! وبعدين انت نسيت ان كل حاجه بقت باسمي 
بصلي بعصبيه.... افهم ااي من كلامك دا
هزيت كتفي ببرود.... افهم الي تفهمه ... امم بقولك اي ياحمودي 

بصلي باستنكار فضحكت ببرود ينرفزه اكتر واكتر... اي رأيك نعمل اتفاقيه تفيدنا احنا الاتنين انت تطلقني وانا ارجعلك كل حاجه زي الاول. 
احمد بصلي بتفاجأ و
وقالي بتوتر..... وانا اي يثبتلي انك ماتضحكيش عليا ومتدينيش حاجه بعد ما اطلقك
غمضت عيني پقسوه من كلامه يعني مش فارق معاه غير الورق. 
فوقت من
سرحاني.... هجبلك المحامي لحد عندك ودلوقتي بس تطلقني
دخلت حماتي بفرحه شديده.... موافق طبعا 
احمد بصلها بقلق..... بس 
مابسش ياقلب امك عاجبك حالك كدا بتعاملك كانك بتشحت منها وهي اصلا املاكك
ضحكت جامد وانا بقوله.... اسمع كلام ماما ياحمودي هههه ثواني ارن على المحامي وبالمره اخليه يجيب المؤذون في ايده وهو جاي هههه.
مرت اجراءات الطلاق واول ماخلصنا زغرطت بكل قوتي.... اخيرا بقا
احمد بصلي بعصبيه من برودي وسابني ومشي وانا لمېت هدومي وروحت شقتي القديمه على قد ما انا حزينه اني هرجع يتيمه تاني بس اهم حاجه ابعد عنهم وعن قرفهم دا انا كنت في سجن ازاي بس كنت مستحمله القرف دا وساكته عليه 
بعد اسبوع اتأقلمت تاني زي ماكنت الاول والنهارده بالذات صاحيه من بدري بجهز عشان راحه فرح احمد وعروسه الندامه والله صعبانه عليا داخله على حجر عقارب الحمدلله اني بعدت عنهم 
فوني رن 
الو 
ايوا يارنا عامله اي
كشرت.... بخير طول مانا بعيده عنك انتي وابنك
هههه مش من قلبك دا انتي ھتموتي وترجعي لبني بس بعيدك جبتله ست ستك
ضحكت بكل صوتي.... انا هههه دا انا بجهز من الصبح عشان اجي الفرح النهارده اباركله 
صوتها اتقطع وكاني صډمتها بكلامي..... جايه يعني اي... معقول مش مدايقه 
ضحكت بشماته من حالتها..... انا ادايق ليه بس دا ربنا نجدها نوووسه 
كذابه انتي عمرك ماهتستحملي تشوفيه مع واحده تانيه بتقولي كدا بس من غيرتك وقفلت السكه في