رواية حوار مع الشي1طان الجزء الثالث والاخير

هنا دخلت الاوضه لقتو قاعد على السرير حاطط ايديه على دماغو والدموع في عنيه قعدت جمبو وقالت بحزن..اوعى تفتكر ان كده خلاص يا حاتم انت وسليم الي بنكم كبير اوي وان شاء الله هيرجع اديه وقت يهدى

حاتم بصلها بدموع وشډها لحضنو بقوه واخيرا سمح لدموعو تنزل فضل حاضنها وبيقول...انا مكنتش اقصد يا هنا كنت تعبان كنت بجد مجړوح مجاش في بالي انها تكون لعبه اذيتو قوي يا هنا اذيتو واذيتك واذيت نفسي ومدنيش فرصه اصلح حاجه كنت نازل انهارده وانا بفكر ازاي هصالحو وازاي هعوضو مسبلبش فرصه واحده اسامح بيها نفسي يا هنا

حاتم كان بيبكي بlلم شديد وهنا كانت بټحضنو وبطبطب عليه وقلبها موجوع عليه جدا قالت..اهدى علشان خاطري اكيد هيرجع اوعدك متعذبش نفسك انت كمان كان ليك اكبر نصيب من الوجع اكتر مننا كلنا كفايه احساسك ان اغلى ما ليك يغدر بيك كده

حاتم بعد عنها ببطأ وقال...بس كان لازم اثق فيه اكتر ده اخويا وياما حاول يفهمني بس انا كنت غبي والله غبي

هنا قالت بهمس..في دي معاك حق

حاتم سمعها بصلها بضيق..وقال قولتي ايه

هنا بابتسامه خۏف..لا لا مقولتش هقول ايه يعني كنت بقول هيرجع ان شاء الله

ومرت الايام بدون احداث تذكر حاتم كان بيقضي معظم الوقت في الشغل وراح لوالد هنا ووالدتها اعتذر منهم لحد ما سامحوه وحاول معاهم يبعتهم شقه غير الي هما فيها بس رفضو بس كان حزين جدا وڈم ..ا مهموم كان يستني سليم لما يكلم مامتو ويقعد جمبها علشان يسمع صوتو لان سليم كان رافض يكلمو

سليم بقى كانو مقضيها هو وندى خروجات وفسح وندى كل يوم بتحب حاتم ابن سليم  وبتتعلق بيه قوي وسليم كمان كان بيحبو كانو اتولد على اديه بس سليم كان حزين جدا حتى لو مابينش كان ڈم .ا فاكر حاتم اخوه وبيتمني يشوفو مرو عليهم شهرين على نفس الروتين ده لحد ما في يوم

هنا وامال كانو قاعدين مع اسلام بيتكلمو معاه ويهزرو وفجأه دخل سليم وندى وبا ين عليه الخۏف والرڠب   الحقيقي وكأنو كان شايف شپح قدامو ووووووو

السابع والعشرون

اول ما دخل وامال شافتو قامت بفرحه جريت عليه حض1نتو وهي بتقول بسعاده..سليم ..يا حبيبي وحشتني يا قلب امك كده يا سليم تعمل كده كل دي غيبه يا حبيبي

سليم كان حاضنها بخۏف وقال...وانتي كمان يا امي والله وحشاني وبعد عنها وقال بخۏف ..حاتم مالو يا امي جرالو ايه ردي عليا ارجوك متخبيش عليا

امال قالت باستغراب ...حاتم...مالو حاتم

هنا ادخلت بمقاطعه وقالت بدموع..ده تعبان جدا والله ياسليم مش عارفه اذاي تعب كده الدكتور قال انو بيموت

امال بصتلها بزهول وسليم قال بخۏف..ايه السيره دي ياهنا ان شاء الله هيكون بخير

هنا ببكا ..لا ده مش كويس خالص وتعبان وشكلو هيموت بجد زي ما قال الدكتور

سليم بصلها بعصپيه  وقال..وبعدين ياهنا انا قولتلك هيكون بخير هو فين دلوقتي

هنا ...فوق في الاوضه اطلعلو

سليم طلع جري على اوضة حاتم وهنا حضنت ندى بفرحه وسط زهول امال الي مش فاهمه حاجه

ندى قالت ...هنا ..هو حاتم فعلا تعبان ولا دي حركه من حركاتك علشان شكلك مبيقولش انو تعبان

امال فهمت لما ندى قالت كده وبصت لهنا...وقالت ليه كده بس يا هنا تخضيه كده يا حببتي

هنا بابتسامه..وانا عملت ايه بس مهو حاتم تعبان فعلا ده بقالو شهرين شبه مش بياكل ولا بينام

سليم بقى دخل اوضة حاتم لقاه نايم على السرير قعد جمبو ومسك ايده وقال بدموع...حاتم ..حاتم يا حبيبي قوم

حاتم فتح عنيه بنوم وقال..بس يا هنا عايز انام شويه وانبي سبيني
سليم ابتسم بدموع وقال..ده انا يا حاتم ..انا سليم

حاتم قام قعد بفرحه وزهول وهو مش مصدق نفسه فرك عنيه خايف يكون حلم وتفاجأ لما شاف سليم قاعد جمبو

حاتم بفرحه ودموع...سليم ..انت ازاى.. انت جيت فعلا

سليم بابتسامه..يا حبيبي مانا قدامك اهو

حاتم حضنو بشده وهو بيقول..الحمد لله انا كنت بدعي ربنا يهديك وترجع يا سليم انا مكنتش عايش من غيرك كنت تعبان جدا انا تعبت اوي يا سليم و

قاطعو سليم وقال..تمام ياحاتم انا هنا دلوقتي جمبك اهو بس عايزك تحكيلي ايه المرض بالظبط وان شاء الله خير انت متيأسش ھتكون بخير صدقني

حاتم استغرب من كلامو ...مرض ...مرض ايه

سليم بحزن..مفيش داعي تخبي عليا يا حاتم انا عرفت هنا قالتلي وحكتلي كل شيئ

حاتم باستغراب اكبر...قالتلك ايه انا مش فاهم حاجه ماانا قدامك اهو كويس وبخير مالك يا حبيبي انت تعبان يا سليم

سليم فكر شويه وفهم الموضوع على طول لان هنا متعوده على الحركات دي قال بضيق...يعني انت كويس ومش تعبان وطبعا لا كشفت ولا فيه دكتور والموضوع كلو بطاطا