جواهر الجبل بقلم زهرة الربيع

كده وبعدين يعني الصراحه لما بفكر في الموضوع بلاقي ان انت غلطان من الاول البنت بس ترد جزء من كرامتها زعلت ليه دلوقتي مش انت اللي سبتها يوم فرحها
جبل اتنهد وقال قوم من جنبي يا حسن..كنت ناقصك انا انهارده حل عني
حسن قال...هو الحق بيزعل..بس عارف انا من زمان نفسي اسألك.. انت سبتها ليه الاول
جبل كان بيشرب جامد وارتبك لما سألو بعد عيونه عنو وقال...احم..عادي مش استايلي ... كانت مسترجله جينز وكاب ونضاراه زي نضارة طه حسين..وكانت البنات حوليا زي ما انت شايف كده..كنت شايفها دكر مع انها كانت مميزه قوي
حسن ابتسم وقال..وايه الي جد دلوقتي
جبل اخد نفس عميق بحزن وقال...بقت امز من اي موزه..بس من جوه كسرتها قوي...مش عارف اصلح الي حصل..وكرامتي مش جيباني اعتذر..ولا يتقال انها ذلاني بالفلوس...اخ من الي عملو جدي فيا لو كان عايش دلوقتي
حسن ضحك جامد وقال...اممم على فكره انا صاحبك وحافظك ومتأكد ان فيه حاجه بتمنعك غير الكرامه ..وعلى العموم خليك انت وكارامتك اشربو سوا..وخلي الي اسمو كريم ده يتجوزها..اصلا هو بيحبها من الاول...سواء زمان او دلوقتي مكانتش تفرق معاه ..بيضالو في القفص مزه حلوه ومليونيره
جبل بصلو پغضب وقال..انت حد مسلطك عليا قوم من جمبي انا قرفان لوحدي ومش ناقصك
حسن ضحك وقام وجبل فضل يفكر في جواهر ونظرات الڠضب الي كانت بتبصلو بيها والاسوء الموقف الي حطتو فيه وبقى يشرب كتير علشان ينسى
اخر الليل رجع وكان الكل نام لانهم متعودين على مزاجيتو ولانو لازم لما بيضايق يقضي الليل بره بقى يطوح وهو سکړان وجات عيونه على اوضة جواهر راحلها وهو متعصب وفتح البال ودخل
جواهر كانت نايمه بهدوء جبل قرب منها وبقى يبصلها شويه ورما الجاكت بتاعو وقعد على ركبو بقى قريب منها وبقى يتأمل ملامحها قال بهدوء...جواهر..جوجو
جواهر ابتسمت كانها في حلم جميل وقالت برقه..جبل...حبيبي
جواهر كانت فاكره نفسها بتحلم اما جبل ابتسم لما قالت كده ومشى ايده على شعرها ووشها
جواهر اول ما حست بلمسه ايديه اتأكدت انها مبتحلمش قامت مفزوعه ونطت لاخر السرير وقالت...جبل..انت بتعمل ايه هنا
جبل ابتسم وقال بسكر..جيت اشوفك...انتي ازاي جايلك قلب تنامي بعد الي عملتيه فيا وقال بدموع. هنت عليكي
جواهر خدت بالها من كلامو وشكلو عمره مابيبقى بالهدؤ والضعف ده معاها قالت بيأس..جبل انت سکړان صح..مش معقوله فاتو ٣ سنين وانت مبطلتش العاده الزباله دي
جبل ضحك بسخربه وقال...معلش..مهو مش كل الناس بتتغير بسهوله زيك
جواهر اتنهدت وقالت...اخرج با جبل قبل ما حد يصحى ويشوفك هنا يلا اطلع
جبل قرب منها وقال..ليه..خاېفه الحلو بتاعك يعرف ويغير ولا حاجه
جواهر كانت مش عارفه تتصرف معاه ابدا وقالت بضيق...يا جبل اخرج بلاش فضايح...متخلنيش الم البيت هنا وانت عارف والدك هيعمل فيك ايه
جبل ضحك جامد وقال..ايه...هيقطع عني المصروف...وضحك تاني وقال..لا معلش انسيت انتي دلوقتي الي هتقطعي المصروف
جواهر اتنهدت بيأس ولسه هتطلع تنادي حد من عيلتهم جبل مسك ايدها وهو لسه على السرير وشدها ليه وقال بهمس...وحشتك ...مش كده..لسه بتحبيني
جواهر بقت تبصلو بارتباك وكانت قربيه جدا منو قالت بهمس...لا
جبل ابتسم على ارتباكها وقال..متغيرتيش يا جوجو...لسه مش بتعرفي تكدبي
جواهر كان قلبها هيخرج من بين ضاوعها بس قالت بدموع...بس انا مش طيقاك ومش بحبك يا جبل ونزلت دموعها وقالت..انا بكرهك سمعت بكرهك
جبل ابتسم بدموع وقال..انا بكرهك قد كرهك ليا بالظبط..القلوب عند بعضها يا جوجو ..و سابها واخد الجاكت بتاعو وقال...بټحرقي نفسك پالنار الي بتحاولي تحرقيني بيها يا جواهر...بكره تصدقي كلامي
قال كده وخرج بره