اسكربت حبي الاعمي
*سيف انا بعتذرلك عن الاسلوب اللي اتكلمت بيه معاك لان مكنش ينفع ألومك إنت على غلط غيرك بس لو سمحت إبعدوا عني بقا الله يخليكم سبوني في حالي كفاية أوي اللي شفتو من العيلة دي وكفاية لحد هنا وبالنسبة إنت غيره او لأ فده مش هيفرق معايا في حاجة لأن بالنسبالي كلكم زي بعض*
_ماشي يا هاجر إمشي وإتوجعي لوحدك وهو هنا مبسوط بحياته الجديدة
*المفروض مني اعمل إيه؟ هاا رد عليا؟ فوق يا سيف إنت كمان الوقت فات ومن زمان اوي هو خلاص بقى مع غيري وعتابي ليه مش هيفرق معاه في حاجة ابدا هو بالاساس مش شايف نفسه إنه غلطان إنت متخيل إن هو اللي عزمني وكمان كان عايزنا نبقى اصحاب والصراحة هنا إن انا مكنتش فارقة مع يوسف ولا هكون فارقة
معاه اصلا ، انا نفسي معتش عارفة هو ليه عمل معايا كدة ولا حتى بقيت عارفة انا كنت بالنسباله إيه ولا هو كان شايفني إزاي بس يوسف وجعني اوي وخان ثقتي ومشاعري اللي ادتهمله وامنته عليهم ومكنش هو لوحده اللي أذاني حتى عيلتكم كلها اللي دعمته في قراره ده من اكبرهم لاصغرهم ومسالوش حتى فيا ولا في اللي هيحصلي بعدها وبجد انا معتش طايقة اشوفه ولا طايقة اشوف اي حد من عيلته*
_هاجر إستني أنا مش هينفع أسيبك وإنتي منهارة كدة
*سيف إنتَ كدة بتأذيني أكتر، لو سمحت أنا عايزة أبقى لوحدي إنتَ ليه مش قادر تفهم ده، إنتو للدرجادي بتكرهوني للدرجادي مش عايزين تشفوني مرتاحة أبدًا؟*
_هاجر كل كلامك ده في الفاضي لأن أنا مش هسيبك تمشي وإنتِ بالحالة دي
"وكنت لسة هتكلم وهزعق عليه وأنا مش قادرة أسيطر على دموعي ولا تنفسي لقيته بيشدني لحضڼه فجأة
