كاميليا بقلم سوليه نصار

هو مبيحبكيش !خلاص سيبيه في حاله يا كاميليا وشوفي حالك العريس جاي بكرة وانتي هتقابليه
قولت لا يا ماما مش هرتبط بحد وانا بحب حد تاني وبعدين مين العريس ده اللي انتي متمسكة بيه اوووي كده 
جمال ابن المعلم سلطان 
نعم!!! ملقتيش الا جمال اتجوزه ده عنده أربعين سنة 
وانتي عندك سبعة وعشرين مش فرق جامد يعني 
اټصدمت كاميليا وقالت 
بجد انتي امي ولا واحدة عايزة ترميني كده وخلاص !!!جمال ده سمعته زي الزفت واحد بيشرب وبتاع بنات هو انا حمل تقيل للدرجادي عايزة ترميني لأي حد 
ربعت امها ايديها وقالت 

الراجل مرتاح ماديا وبعدين ده كان وهو صغير دلوقتي الراجل اتعدل بس انتي عارفة الناس مش بتسكت ولو فيه حاجات وحشة فيه تصلحيها انتي اللي هتبقي مراته!!
اصلح اصلح ايه ده مفيش امل فيه يا ماما دهواحد مش مضبوط الشارع كله ماسك في سيرته تقومي تجوزيه ليا أنا أنا بجد مش مصدقاكي انتي لو عدوتي مش هتعملي فيا كده علي الاقل جوزيني واحد محترم أنا مش هصلح حد أنا هستني نصيبي اللي هيكون احسن من كده بكتير 
ضحكت والدتها بسخرية وقالت 
ايه مستنية حبيب القلب يا بت ده رفضك خلاص وانتي مش في باله لو بيحبك كان جالك بعد ما البنت دي سابته لكن هو مش بيفكر فيكي وانتي بتكبري مش بتصغري مش هنستني أمير طول العمر 
خلص الكلام هتقابلي جمال يعني هتقابليه 
بعدين سابتها ومشيت
دخلت كاميليا اوضتها وبقت ټعيط مسكت صورة باباها وقالت 
ياريتك كنت عايش يا بابا ماما بتقسي عليا اووي بتعاقبني عشان مقدرتش الفت انتباه امير وعايزة تجوزني واحد حيوان زي ده 
نامت كاميليا علي السرير وفضلت ټعيط
فيه عريس اتقدم لكامي 
قالتها امي فجأة لأبويا بس انا كنت عارف ان الكلام متوجهلي أنا عملت نفسي مطنش وانا بقرأ الكتاب حاولت مفكرش كتير وحاولت افرح ليها واتمني أن اللي يتجوزها يصونها لأنها طيبة وتستاهل فرحت أنها هتشوف حياتها خلاص ومش هتوقفها علي اي حد كنت عارف ان كاميليا قوية وهتقدر تتخطي مشاعرها ليا أنا بجد بتمنالها السعادة أو يمكن ده اللي كنت بحاول أقنع بيه نفسي 
بصتلي امي بغيظ وقالت 
مش عايز تعرف مين العريس !
المهم أنها مرتاحة ليه يا ماما أنا اعرفه ليه 
ابتسمت وقالت 
دي طايرة من الفرحة يا حبيبي العريس يبقي جمال سلطان اللي ساكن في حارتهم
قومت بعصبية وقولت 
نعم !!!مستحيل اخليها تتجوز البني ادم ده !!!!
يتبع
الفصل الرابع
وانت مالك !
قالتها امي ببرود بصتلها وكنت هتجنن وقولت 
ماما ده انسان مش كويس ابدا ازاي أمها ترميها الرمية السودا دي ازاي 
ملكش دعوة انت رفضتها 
ضحكت بذهول وقولت 
تقوموا تعاقبوها هي هي ذنبها ايه بس بعدين كاميليا حلوة والف واحد يتمناها ملقتوش الا الراجل ده بجد حرام عليكم 
هي موافقة عليه يا أمير نعمل ايه يعني 
بعدين امي نهت الحوار ومشيت من قدامي ازاي يعملوا كده كله عارف سمعة جمال انسان مش كويس وهيمررها في عيشتها ازاي هي توافق عليه يا تري اللي قولته قبل كده خلاها توافق وخلاص عشان تقنعني أنها نسيتني كنت متضايق من نفسي ومنها متضايق منها أنها وافقت علي حد بالشكل ده ومن نفسي لاني جرحتها للدرجة دي 
تاني يوم 
كانت كاميليا في اوضتها پتبكي العريس جه بقاله مده وهي رافضة تطلع دخلت امها بعصبية وقالت 
والله يا كاميليا لو مطلعتيش دلوقتي لأجيبك من شعرك وامسح بكرامتك الارض اكتر ما هي ممسوحة اطلعي يا بت 
بكت وهي بترد 
ابوس ايديكي يا ماما أنا هنسي امير ومش هشوفه تاني بس ابوس ايديكي مش عايزة اتجوز جمال ابوس ايديكي مترمنيش الرمية دي 
شدتها امها من ايديها وقالت 
يالا يا بت بلاش دلع امسحي دموعك ويالا اطلعي 
طلعت امها فملقيتش كاميليا اي حل تاني مسحت دموعها وطلعت 
طول القاعدة وجمال بيبصلها بصات غريبة خالص بصات ړعبتها اوووي مكنتش مرتاحة وقلبها بيدق جامد 
فجأة امها سابتهم لوحدهم بصت كاميليا لجمال اللي قرب منها وقالت بسرعة 
انا مش عايزة اتجوزك 
بصلها پصدمة فقالت پخوف 
اسمعني لو سمحت امي مخلياني اقابلك بالڠصب وعايزة تجوزني ليك بالڠصب وانت اكيد مش هترضي بكده صح 
ضحك وقال 
لا أنا راضي عادي أنا عارف انك مبتحبنيش ورغم كده راضي اتجوزك عادي فأنا مش هرفضك 
اټصدمت كاميليا من وقاحته وبكده هي ادبست رسمي 
وافقت ام