اسكربت كامل بقلم زهره الربيع
صح دي حاجه بيني وبين الحيوان اخوك انت ملكش فيها
ادهم قرب منها وقال بس انا حابب اعرف علشان احاول اعمل زيه بما انك مش عيزاني اقربلك فحابب اعرف بس قدر يجيب هدوء الاعصاب ده منين وهو شايفك قدامو طول النهار كده
نجمه بلعت ريقها وفضلت تبصلو شويه وقالت بقولك ايه احترم نفسك واطلع حالا يلا
ادهم اخد هدوم ومشي ناحية الحمام وبصلها وقال بغمز انا بحكم خبرتي الست لما تقول اطلع بتبقى تقصد ادخل وخد راحتك
نجمه اتسعت عنيها من وقاحتو وقالت انت انت ساڤل
ادهم ابتسم وقال وانتي قمر وخسر الي اتورط وفي القمر فرط
قال كده ودخل الحمام وسابها باصه لطيفه باستغراب
بعد شويه ادهم خرج من الحمام لقاها نامت على السرير بيأس اتنهد وقال احم نمتي
نجمه مبصتش عليه وقالت بجمود مش هنام غير لما تخرج تروح اوضتك
ادهم اتنهد وقال شوفي يا نجمه انتي بقيتي مراتي وحقي افضل معاكي ومش هخرج استحميلي الوضع ده بقى لحد ما الاقي حل للورطه دي هحاول اتكلم مع بابا وانشاء الله خير
نجمه قعدت پغضب وقالت يعني ايه هنفضل في اوضه واحده لحد ماسيادتك تسترجل وتقدر تكلمو
ادهم قال پخنقه اتلمي يا نجمه واتكلمي كويس انا مقدر الي انتي فيه ومش عايز ازعلك
ادهم كان متفاجأ من عصبيتها وبقت تتقدم عليه جامد ورجع خطوات لورا بس فاجأها بشده لما قال عايزه تزعلي بجد حاضر انتي بس تؤمري
نجمه كانت مستغربه يقصد ايه بس فهمت قصده لما فاجأها وقرب منها في لحظه كانت بنسبالو حياه
بعد عنها هيه كانت عنيها مفتوحين على اخرهم من الصدمه هيطلعو من مكانهم كانها اتجمدت مكانها فضلت بصالو بزهول ومش بتنطق
ادهم ابتسم ابتسامه جميله وقال في اي وقت تحبي تزعلي قوليلي وقرب اكتر وقال بهمس زعلك جميل قويييييي
نجمه وشها احمر جدا من الكسوف وراحت نامت على السرير وسحبت عليها الغطا وهيه مش عارفه تبصلو ولا حتى تنتناقش معاه
في صباح يوم جديد قامت من النوم وكان ادهم لسه نايم بصتلو شويه وافتكرت الي حصل اليله الي فاتت اتنهدت بضيق وقامت جهزت هدومها ودخلت الحمام
بعد شويه خرجت وهيه بتنشف شعرها لقت ادهم قاعد على الكنبه وبيشرب سېجاره وحاطط ايده على رقبتو بالم
نجمه بقت تبعد عيونها عنو وقالت بحرج احم رقبتك بټوجعك
ادهم اتفاجأ انها بتسأل عليه قال بهدوء مش قوي شويه وهتفك متقلقيش
ادهم بصلها بزهول ونجمه قالت انا بس مش عايز تحصلك حاجه وابقى انا السبب لو مش قادر تنام عندك نام على السرير وانا هنام على الارض او على الكنبه
ادهم ضحك وقال لا كتر خيرك والله انا تمام متشغليش بالك
نجمه قالت بضيق كمان بما اننا هنفضل هنا سوا ياريت لما تشرب سجاير تشربها بره الاوضه وبعدين حد يشرب سجاير على الصبح كده
ادهم قال مهو كمان محدش بينكد على الصبح كده برضو
نجمه بصتلو وقالت انكد ههه انت مصدق اننا متجوزين بجد ولا ايه
ادهم اتنهد وقال مش مصدق ابدا دي امنيه عمري ما اتخيلت هتحقق
نجمه اتسعت هنيها بدهشه من جملتو وقالت انت انت قولت ايه
ادهم ارتبك وقال احم ولا حاجه انسي
ودخل الحمام وقال پغضب من نفسو ايه الهبل الي بتقوله ده انت ايه حكايتك مش عارف تظبط نفسك قدامها ليه
عند فتحي كان بيشرب قهوتو برواق وجيه خالد وقعد قصاده بضيق
فتحي بصلو بسخريه وقال مالك شايل طاجن ستك ليه
خالد بصلو بضيق وقال وبتسأل كمان مش كفايه الموقف الي حطتني فيه قدامها وقدام ادهم كمان تروح تحكي للمأذون انها ملهاش عده واني ملمستهاش
فتحي ضحك وقال ويهمك في ايه المأذون وبعدين عمره ما كان هيكتب الا لو قولتلو الحقيقه ده شرع مش هنلعب فيه
خالد نفخ بضيق وفتحي قال انت الي عملت في نفسك كل ده لما روحت اتجوزتها من ورايا وانت عارف ان نجمه لادهم بس انت ټموت وتاخد الي ليه مش هتبطل حقد عليه
خالد قال پخنقه انت عارف اني اتجوزتها علشان فلوسها وورثها من ابوها وامها مش علشان پحقد علي القمور بتاعك واديك خربتها يارب تبقى مبسوط وسابو ومشي
فتحي ابتسم براحه وفضل يشرب فهوتو ببرود
عند ادهم طلع من الحمام
