دائي ودوائي
مره
ديما والله أسألى
أحلام سألته وبالمناسبه هو عايزك هناك
وقفت ديما وقالت لرنا طب تعالى يا رنا
احلام سيبى مدام رنا معايه سيف واقف مع رجاله كتير ومش هيعجب حمزه ان رنا تروح هناك
نظرت ديما الى رنا ولكن رنا طمأنتها وقالت روحى يا ديما انا هستناكى
دييما اوك مش هتأخر
ذهبت ديما وجلست أحلام امام رنا تطالعها بعيونها التى تحولت الى اللون الاخضر الغامق وقالت أستغربت اوى لما شفتك هنا
احلام باين اوى ان العالم ده مش بتاعك زى ماباين اوى الفرق بينك وبين حمزه
رنا يعنى أيه
احلام يعنى حمزه كان لازمه زوجه تكون واجه فى الحفلات مش زييك بتجرى تستخبى فى آخر القاعه
رنا بخفوت ديما هى الى جابتنى هنا
ضحكت احلام وقالت ديما طيبه تلاقيها بتحاول ماتحرجكيش بس معلش لازم حد ينبهك سامحينى لصراحتى ساعات الصراحه
قالت ذلك وقامت من مجلسها ولكنها تراجعت مره أخرى لتهمس فى أذن رنا المصدومه وقالت هو حمزه ما قالكيش انه ف يوم من الأيام كان عايز يتجوزنى فهمتى بئه الفرق الى بكلمك عليه
الحلقه الرابعة عشر
أحلام هو حمزه ماقالكيش انه ف يوم م الأيام كان عايز يتجوزنى فهمتى بئه الفرق الى بكلمك عليه
عادت ديما ووجدت رنا جالسه لاتتحرك ودموعها تترقرق فى عيونها وضعت ديما يديها على يد رنا وقالت رنا فى حاجه
رفعت رنا رأسها وقالت بصوت منخفض مفيش
سحبت رنا نفسا وقالت رنا بصى مش عايزه أعرف العقربه الى أسمها أحلام قالت لك ايه ضايقك بس لازم تعرفى انها وزعتنى عن قصد وسييف مش عايزنى ولا حاجه وده معناه حاجه واحده اوى انها كانت عايزه تقولك حاجه مش عايزانى اسمعها وده مش لانه سر ده لانها عارفه انى مش هسكتلها وهديها فوق دماغها
ديما رنا ماتخليهاش تعكنن علييكى الى عرفته انكم لسه عرسان جداد ودى أحلى ايام ف الجواز قبل الخلفه وشيل المسئوليه وقبل ما ربنا يرزقك بولد يطلع عينك زى أدهم أبنى كده
أبتسمت رنا أبتسامه صغيره بينما ديما بدأت فى الحديث عن أبنها الصغير ومواقفه الطفوليه المضحكه ورنا تحاول ان تشاركها الضحك رغم الغصه التى تشعر بها فى قلبها
أقتربت دنيا وسلمت على ديما مدام ديما أزيك
سلمت عليها ديما وقالت أزيك يا دنيا انا قلت انك مش جايه
دنيا لأ أزاى سيف مأكد عليه آجى والا كان هيزعل
وضعت ديما ساق فوق الأخرى وقالت بكل ثقه والله طب كويس هروح أناديهولك عشان تسلمى عليه
أستأذنت منهم ديما وقامت كانت رنا تنظر لها وكأنها المرأه الخارقه فكيف لها ان تكون بهذه الثقه بنفسها وكيف لم يضايقها كلمات وتلميحات دنيا ولكن سرعان ما نهرت نفسها على أفكارها فكيف لمرأه بجمال ديما ونظرات العشق التى يرمقها بها سيف زوجها ان تغير من أيا كان حتى لو كانت مرأه جميله وجريئه كدنيا
رنا بأرتباك اه معلش سرحت كنتى بتقولى ايه
دنيا پغضب بقولك ايه الى انتى عامله ده
رنا عملت ايه
دنيا انا قلت لحمزه يديكى التليفون امبارح عشان اوضب معاكى هتلبسى ايه مناسبه زى دى كان لازم تلبسى الفستان الأسود مش ده ده مش فرح دى حفل أفتتتاح
نظرت رنا الى فستانها وقبل ان ترد قالت دنيا وبعديين طرحتك دى مش نافعه خالص مع الموضوع انا قلت لك نتفق مع بسمه الديزاينر تصمملك طرح او حتى تنقيهالك وانتى قلتى انك هتتصرفى وادى النتيجه قماش الطرحه ماينفعش خالص لفستان سهره وبعدين فين الميكب بتاعك
أطرقت رنا برأسها وقالت مابحبش الميكب
دنيا نعم ياختى هو فى واحده مش بتحب الميكب
لأ انتى هتفقعيلى مرارتى فين حمزه
رنا معرفش انا كنت أعده مع ديما
دنيا طيب انا هقوم أشوفه
تركت دنيا رنا التى كانت فى حاله يرثى لها بعد كلمات أحلام ودنيا
لم تعلم كم ظلت مكانها واجمه لا تشعر بشئ من حولها ولا تسمع أى شئ الا ان تفاجئت بحمزه يجلس أمامها قائلا معلش ياحبيبى الكلام مع سيف خدنى
رنا بخفوت ولا يهمك مش هنمشى
حمزه عايزه تمشى
رنا لو انت حابب
حمزه ماشى ياله ياحبيبى
قامت رنا مع حمزه بعدما سلموا على سيف وديما وتبادلت هى وديما أرقام هواتفهم وخرجوا الى بهو الفندق ولكنهم تفاجئوا بصوت أنثوى يناديهم حمزه
الټفت حمزه ورنا الى أحلام وقال حمزه أحلام
تقدمت أحلام بدلال ووقفت أمام حمزه هتمشى من غير ماتسلم عليه ياحمزه
حمزه لأ أزاى هسلم أكيد بس لقيتك مشغوله مع بطل الرالى
ضحكت أحلام وقالت اه قصدك مراد بس انا مكنتش مشغوله معاه هو صديق مش أكتر
حمزه طب كويس
التفتت أحلام الى رنا وقالت عجبتك الحفله يا مدام رنا أكيد دى أول مره تحضرى حفله
زى كده
رنا بصوت منخفض اه أول مره
أحلام انا عارفه الجو ده غريب علييكى مفيش عندكم ف الصعيد الكلام ده
رد حمزه
