ورقه طلاق

انتي ارض بور يابابا انا حسه اني ادمرت
سميحه لحسن شوفت ربنا كريم ازي اهي بنتك حامل خلي هو بقي يتجوز ويعيش وبنتي هتعيش معانا هي وابنها او بنتها
ديمه بعدم تصديق مين دي اللي حامل لا ثواني انا مش فاهمه ماما انا بقالي ٥سنين بتعلاج واخر مره الدكتور قالي اني نسبه اني ابقي حامل قليله جدااا
سميحه بحب ايوه يانور عيني انتي حامل ربنا حب يعوضك

حسن امك عندهه حق دا تعويض من ربنا ليكي المهم يا ديمه قومي يلا يابنتي معانا عشان نروح انا عايزك تحكي ليا كل حاجه لما نروح
ديمه بحزن حاضر يابابا ماما معلش ساعديني اقوم
سميحه بتسند كد ديمه عيوني يابنتي يلا ننزل
بعد نص ساعه كانت ديمه قاعده ف الصاله بتبص لي أهلها مش عارفه تقول ليهم اي تقول علي الاهانه اللي كانت بتحصل ليها ولا عن أنها كانت ديما بتكذب لما تقول انها عايشه مرتاحه قطع تفكيره صوت أبوها
حسن ها يا ديمه قوليلي اي اللي حصل انا لازم افهم يابنتي
ديمه بحزن اقولك اي يابابا اقولك اني انكسرت حبيبي وعشره عمري اول حب ف حياتي كسرني ولا اقولك علي أمه واللي كانت بتعملوا عمرهه ماكانت بتحبني ديما كانت بتعمل معايا مشاكل ودائما كانت بتعمل بيني انا وحسام مشاكل كبيره طب اقولك اني بسبب حسام كان بداء يشك فيا اقول اي ولا اي يابابا انا حسه اني ھموت من التعب والحزن طب اقولك علي صحبتي اللي دخلتها بيتي واكلت معايا عيش وملح وكنت بعتبره اختي عملت كد انا حسه اني كل دا فيلم يابابا مش مصدقه أن اللي بيحصل دا حقيقه ازي بس من ساعات كان ف حضڼي يقولي بحبك دلوقتي اكون مطلقه وهو متجوز
حسنتعالي يابنتي ابوكي خليكي عارفه يابت انك عمرك ما هتتكسري انا معاكي وهفضل علي طول جنبك وربنا سند ليكي جوزك دا هيتعاقب من ربنا انتي بس تقولي حسبي الله ونعمه الوكيل وسيبي ربنا ياخد حقك منهم المهم يابنتي انا عايزك تنسي جوزك تنسي كل اللي حصل زمان وتعيشي بس لي ابنك او بنتك وتشوفي حياتك اوعي تضعفي طول مانتي معاكي ربنا وانا وأمك معاكي
سميحه كلام ابوكي صح يابنتي جوزك دا هيكون لي عاقب كبير من عند ربنا اما انتي تعملي زي ما ابوكي قال وتعالي هنا مين دي اللي انكسرت ولا عاش ولا كان اللي يكسر بنتي انا بنتي مش ضعيفه عشان واحد زي حسام دا يكسرك انسي بجد كل حاجه تخص الشخص واللي اسمها صحبتك دي انسي كل حاجه وابداء من جديد واحنا معاكي انا هقوم اجيب ليكي اورق الطلاق عشان تمضي عليها
ديمه بحزنماشي ياماما انا هدخل اوضتي دلوقتي وهاتي الورق دا امضي هناك
حسن لديمه بنتي استني انتي هتقولي لحسام انك حامل
ديمه لا يابابا انا مش عايزه حسام يدخل حياتي تاني انا هعرف اربي ابني أو بنتي لوحدي مش محتاجه حسام خلي بعيد عني
حسن بحزن علي حال بنته ماشي يابنتي ربنا معاكي انا معاكي ف اي قرار
ديمه وهي بتدخل اوضتهاباذن الله خير يابابا بعد اذنك هدخل ارتاح
دخلت اوضتي وانا حسه اني عايزه اصړخ من الۏجع اكيد مش هقدر انسا هنسا اي ولا اي هنسا حسام ولا اية ولا حماتي واللي عملتوا هنسا اي بس يارررب انا ضعيفه مش القويه اللي بيقولوا عليها دي انا

مش قد كل الۏجع دا انا انكسرت يارررب اه انكسرت انا عارفه