سليم

بيها مش معقول يعني يا سليم هتفضل حابسها كده العمر كله 
دلف الي المكان الذي يجلس به كلآ من خالد ويوسف رفاقه ثم هتف بجمود 
نعم عايزين ايه
طب اقعد يا فادي مش هنتكلم واحنا واقفين يعني 
قالها يوسف بلطف ليقول فادي 
مش طايق اقعد معاكم اتصلتوا عايزين تقابلوني واهو جيت نعم 
احنا فاهمين ان الي حصل لبنت عمك صعب بس يعني حازم طلعك منها وانت مش عليك اي حاجه
انتو شايفين كده وحياتها الي ادمرت بسببكم دي ايه !!
لا مش بسببنا في حاجه انت لازم تعرفها 
قالها يوسف ليقول خالد بتحذير 
يوسف
نظر اليه يوسف قائلا 

ايه علي اقل يعرف ان احنا ملناش دعوه
انطقوا في ايه !
قالها فادي بانفعال ليقول يوسف 
ليله عيدالميلاد محدش مننا قرب لنيره غير حازم هو اصلا خرجنا من الاوضه ولما عمل العمله السوده دي دخلنا وقالنا نعرفك ان احنا كنا معاه
نعم !!
قالها فادي بدهشه اجابه يوسف 
اااه انتو لما لقيتوا حازم اختفي ومحدش يعرف يوصله خوفتوا ابلغ عنكم قولتوا تعملوا الفيلم ده
قالها فادي بانفعال ليجيبه خالد 
والله انت حر تصدق متصدقش براحتك بس ده الي حصل
هتف يوسف 
من يوم كتب الكتاب وانا احساس الذنب هيموتتي بنت عمك ملهاش ذنب تشيل الليله كلها كده وهي مظلومه
ابتسم فادي ساخرآ علي جملته تلك ولم يعلق بشئ ليقول خالد 
هو حازم ليه عمل كل ده اصلا استفاد ايه يعني ! فكرت فيها يمين شمال مش لاقي سبب
كان بينتقم مني البيه ما هو اصل حازم يبقي اخو الست ندا
ندا مين !
ندا شوقي
ليقول يوسف بدهشه 
الي كانت بتجيلك الشقه !!!!!
ايوه وبعدين هتمنعي الاكل كتير يعني !
قالها سليم وهو يجلس بجانب نيره علي الفراش لتجيبه هي 
اه ملكش دعوه بيا انا حر
مش
رهقولك خلاص يا نيره كلي وانا هخليكي تنزلي الجامعه شغل الدلع بتاع بابا وماما مفيش هنا
ضغطت علي شفتيها بضيق هاتفه 
متقولش
نظرت الي تلك الدبله التي في يديه وهتفت 
هي اشرقت عادي كده عارفه انك بتيجي عندي ومتجوزين ولسه معاك 
امال هتسيبني يعني علشان حتت عيله زيك !
حركت كتفيها هاتفه 
علي اقل تغير عليك مني لكن دي ما شالله الډم معډوم عنها
ضحك سليم وهو يقول 
تغير منك انتي !
انت ليه مش شايفني حلوه ليه مش عايز تحبني 
قالتها هي ليقول سليم 
يووه دي هترجع لشغل المراهقه تاني
لا مش مراهقه انا بحبك حاولت وبحاول اكرهك مش قادره ضيعت نفسي ودخلت حازم حياتي علشان انساك وبردو مقدرتش مش شايفني ليه يا سليم اشرقت تفرق ايه عني بتحبها ليه وانا لا
نهض من جانبها وهتف 
الاكل في المطبخ وقت ما تجوعي كلي واوعي تفتكري لما تمنعي الاكل هنفذلك الي انتي عايزاه
تمسكت بيديه وقالت 
جرب تحبني يا سليم يمكن ربنا عمل كل ده علشان تتجوزني ونبقي مع بعض
جذب يديه منها پعنف قائلا بعصبيه 
ريحي نفسك يا ماما انا عمري ما هبصلك لاني بحب اشرقت بحبهااا فاهمه دي قلبي مشغول بواحده غيرك ومش شايفك اساسا
الساعه الثالثه صباحآ 
تتقلب في الفراش تحاول النوم كلما اغمضت عينيها رنت في اذنيها زفرت بقوه ثم نهضت من مكانها واتجهت الي الشرفه 
نظرت الي الشرفه الخاصه بفرح وجدتها فارغه تنهدت بضيق ثم نظرت الي الطريق امامها 
انا لما اكبر هتجوزك 
الولد هو الي بيتجوز البنت يا نيرو
طب خلاص اتجوزتي لما اكبر
ابتسم وهو يقول 
حاضر اكبري انتي بس وهاتي درجات حلوه في المدرسه وانا هتجوزك
انا بحبك كتيير جداا جداا اكبر من البحر بكتييير
ضحك وهو ضمھا هو اليه قائلا 
كل الحب ده ليا انا لوحدي
فاقت من شرودها علي تلك الذكري ثم قامت بمحو دموعها التي تسقط 
وصل الي انفها رائحه دخان سجائر التفتت حولها لتجد شخص ما يقف في الشرفه ينفث سيجارته ويتابعها بعينيه 
نيره صح !
قالها بتساؤل لتجيبه هي 
اه عرفت منين 
فرح حكتلي عنك كتير وفرحانه اووي بيكي
ابتسمت نيره وقالت 
انت قريبها 
مش معقول قريبها وهكون قاعد عندهم في نص الليل يعني ! انا مازن اخوها
حركت راسها بتفهم ليقول هو 
علي فكره العياط وحش بليل يلا تصبحي علي خير 
قالها ورحل من امامها لتقول هي 
ده انت كنت واقف من بدري بقي ده ايه العيله الي مقضيه حياتها في البلكونات دي 
منذ ان ترك رفاقه وهو يقود سيارته بلا هدف 
بنتقم مني في نيره ليه!! كنت انتقمت مني نيره ايه علاقتها بكل ده !! وبعدين اختك كانت شمال اصلا ومتستاهلش كل ده
قال جملته الاخيره وهو يضرب دريكسيون بقوه
ضغط علي الفرامل عندما وجد سياره امامه ثم تحرك يسارآ ويمينآ ليصطدم بغصن الشجره ارتطمت راسه بالدريكسيون ثم فقد الوعي 
استيقظ من نومه علي رنين الهاتف الخاص به تناوله وقام بالرد ليصل اليه صوت شخص ما يخبره بحاډثه فادي 
اعتدل من الفراش بهلع وهتف 
وهو فين دلوقتي!
انهي المكالمه ونهض من الفراش لتقول ناديه 
في ايه يا شريف
فادي فادي يا ناديه عمل حاډثه ونقلوه المستشقي 
خرج الطبيب من الغرفه وهتف 
متقلقوش يا جماعه الاصابه بسيطه
تنهد سليم بارتياح وهتف 
ينفع ندخل نشوفه 
اه بس هو دلوقتي لسه تحت تاثير البنج ومش هيقدر يتكلم معاكم
دلف كلاهما الي الغرفه الموجود بها فادي وصل اليهم صوت همسات منه وهو ينادي علي نيره 
قطب سليم حاجبيه قائلا بتساؤل وهو يشير ناحيه فادي 
ايه النظام مش فاهم 
لتقول ناديه 
ياريني اعرف يا سليم
سامحيني يا نيره سامحيني انا السبب 
قالها فادي بصوت هامس وهو غارق في النوم 
وفي صباح يوم جديد
هتف فادي بتعب وهو ينظر الي والده ووالدته 
انا عايز اتكلم مع سليم لوحدنا
كلام ايه وانت تعبان كده !
قالها شريف ليقول فادي برجاء 
ارجوكم اطلعوا براه
خمس دقايق بس انا محتاج اتكلم مع سليم ارجوكم
لتقول ناديه 
يلا احنا يا شريف ونسيبه يتكلم مع اخوه
وبالفعل غادر كلاهما ليقول سليم 
في ايه يا فادي
نيره ملهاش ذنب يا سليم
تنهد سليم وهتف 
مش عارف ايه حكايتك انت وبنت عمك بقيتوا تعيدو وتزيدو في الكلام كتير ليه !
ما هو انت لازم تسمع انا مش هقدر استحمل تانيب الضمير اكتر من كده مش هقدر اشوفك بټعذب نيره وهي ملهاش ذنب في اي حاجه 
قالها فادي وهو ېصرخ به 
هتفت نيره الي عايده 
هو انتي معندكيش عيله عيال وكده يعني !
اجابتها عايده باستغراب 
لا عندي بس ليه السؤال الغريب ده !
حركت كتفيها الي اعلي وهي تقول 
يعني بشوف اصلك قاعده معايا ومش بتمشي خالص يعني عيالك دلوقتي قاعدين لوحدهم ازاي 
ابتسمت عايده واجابتها 
ولادي كلهم متجوزين يا ستي
وكل واحد منهم مشغول في دنيته تقدري تقولي كده نسيوا ان عندهم ام
ياااربي 
قالتها نيره بحزن ثم اكملت 
ملهمش حق عارفه يا طنط انا لو مامتي كانت عايشه كنت هفضل طول الوقت جمبها مش هروح اي مكان هقضي يومي كله وانا قاعده جمبها ياريتها كانت عايشه
قالت جملتها الاخيره بحسره واضحه انتبهت الي سليم الذي دلف الي الشقه توءآ لتقول هي بسخريه وهي تنظر الي سليم 
علي الاقل مكنتش هبقي ملطشه للي يسوي والي ميسواش
ويا تري انا اسوي ولا مسواش 
قالها سليم وهي يجلس بجانبها لتقول هي 
محدش جاب سيرتك كلام خاص بيني وبين طنط بتحشر نفسك ليه !
نيره فطرت يا عايده ولا لسه !
حركت راسها بالنفي قائله 
لا بقالها مده مانعه كل حاجه عايشه علي الميه
طيب روحي جهزي الفطار لينا
هتفت نيره 
جهزيه له هو انا مش هاكل اي حاجه
اشار سليم الي عايده براسه ان ترحل وبالفعل غادرت عايده ليقول سليم 
كل ده علشان تنزلي
الجامعه !
لم تجيبه بشئ تناولت جهاز تحكم التلفاز ثم قامت بالضغط علي الزار وتشغيله ليقول سليم 
هعمل معاكي ديل ايه رايك !
نظرت له باستفهام ليقول هو 
هنزلك الجامعه وهبطل اقفل عليكي بس بشرط
ايوه اتفضل اتشرط اتفضل 
قالتها بخنق ليقول هو 
تطلعي الحب وكلام ده من دماغك تركزي في مستقبلك بس وتشوفيني ابن عمك الكبير وبس شوفيني اي حاجه انتي عايزاها ماعدا الحب والهبل ده ابوس ايدك يا شيخه طلعيني انا والحب
من دماغك
وايه كمان !
بس مفيش حاجه تانيه قولتي ايه !
موافقه بس انا عايزه ارجع الفيلا تاني مش حابه قعدتي هنا
هرجعك الفيلا حاضر بس مش دلوقتي
اقبلت عليهم عايده ثم وضعت صنيه الطعام علي الطاوله ليقول سليم 
اظن كده نفطر سوا صح !
ابتسمت له نيره ثم حركت راسها بنعم 
هتف الي فرح التي تقف في الشرفه 
معرفش فجاه اتغير كده وقالي
انه مش هيحبسني تاني واني انزل الجامعه احضر
جميل انا دعيتلك كتير والله ان ربنا يهدي اخوكي عليكي
ابتسمت لها نيره ثم قالت 
سليم اداني فلوس وقالي انزل اشتري بيهم لبس للجامعه واي حاجه انا محتاجها ينفع تيجي معايا !
اه طبعا من عنيا اديني ربع ساعه كده ابلغ ماما واجهز
حركت نيره راسها بالموافقه 
ثم دلفت الي الداخل وبدات في تبديل ملابسها نظرت الي هيئتها في المراه وهتفت 
زفرت بقوه ثم بدلت ثيابها تلك وارتدت شئ اخر 
انتبهت الي رنين جرس الباب تناولت حقيبتها واتجهت الي الخارج لتجد عايده قامت بفتح الباب الي فرح 
خلصتي ولا لسه !
قالتها فرح بتساؤل لتجيبها نيره 
خلصت تمام
متتاخريش يا نيره علشان استاذ سليم ميزعلش منك ويرجع يقفل عليكي تاني 
قالتها عايده بتنبيه لتقول نيره 
حاضر
غادر الفتيات الشقه لتقول فرح 
بصي اخويا هيوصلنا بالعربيه بتاعته وبعدين هيمشي
طب ما نروح لوحدنا ليه اخوكي !
هو صمم ولو كنت رفضت مكنش هيوافق يخرجني معلش يا نيره علشان خاطري
طيب يا ستي حاضر
اتجه كلاهما الي السياره استقل الفتيات المقعد الخلفي ليقول مازن 
عايزين تروحوا فين الاول !
المول يا مازن وصلنا المول وامشي شوف حالك
ادار محرك السياره هاتفآ 
هستناكم في العربيه لحد ما تخلصوا علشان اوصلكم
احنا هنعرف نروح لوحدنا 
قالتها نيره باندفاع ليقول مازن وهو يحرك راسه باستغراب مزيف 
بتقولي ايه مش سامع 
بقول احنا هنعرف نروح لوحدنا سمعتها كده 
قالتها نيره بصوت مرتفع ليقول مازن 
ااه اه سمعت بس معلش مش هينفع انا دايما رجلي علي رجل اختي
كشرت وجهها بعدم رضا لتقول فرح بهمس لنيره 
وحياتك دايما بتحايل عليه يوصلني وهو ولا بيعبرني
سليم انا بكلمك ارجوك رد