حكاوى الادهم

راسها لا انا مش هنزل انتوا مش مصدقيني انا شوفته والله بيفضل يلاحقني
لكن فجاة وهي واقفة علي السور وساندة علي الحيط رجليها اتهزت 
وفي دقيقة كانت اتزحلقت ووقعت قلبي انقبض وانا شايف المنظر 
جريت بسرعة عليها وقدرت امسكها من اديها كانت پتبكي وتصرخ 
كنت بحاول اشدها لكن مكنتش قادر كنت ماسكها من ايد واحدة واديها التانية مكنتش عايزة تخليني امسكها
صړخت فيا بقولك سبني انا عايزة اموت
ومن كتر حركتها للاسف مقدرتش امسكها اكتر وفلتت مني غمضت عيني جامد وانا مش عايز اشوف المنظر ودموعي نزلت
بعد دقيقتين فتحتها لما حسيت بشئ غريب كنت عايز اصړخ او ارمي نفسي وراها 

كانت واقعة لكن حسيت ان ردت فيا الروح لما سمعت واحد
من الجيران تحت بيقول 
الحق يا ادهم المدام حنين لسه بتتنفس
انزل بسرعة ننقلها علي المستشفي 
نزلت بسرعة علي تحت وقربت منها لقيت ان جسمها واقع علي الرمل لكن كان للاسف الرمل مش كتير 
كنت مش قادر اتحرك من هول الصدمة لكن صوتهم فوقني يا ابني اتحرك بسرعة قبل ما ټموت واحمد ربنا ان ها وقعت من الدور الاول وكان في رملة وقعت عليها
هزيت راسي بسرعة واخدتها وفي اقل من خمس دقايق كنت وصلت بيها المستشفي واللي لحسن الحظ انها قريبة من المنطقة دي 
رجعت من الذكري السيئة دي علي خروج الدكتورة من عندها قربت منها وسالتها بلهفة طمنيني يا دكتورة هي بقيت عاملة اي دلوقتي
نزلت راسها وردت باسف للاسف اللي كنت خاېفة منه حصل المدام دخلت في غيبوبه الواقعة كانت قويه علي راسها واضح ان اتخبطت في شئ جامد غير كدا واضح انها مستسلمه لكدا
بصيت ليها پصدمه يعني اي طيب هتفوق منها امتي ارجوكي قولي اي حاجة تطمني عليها
رفعت راسها وردت بنبرة هادية كل دا لا يعلمه إلا الله كل اللي عليك ادعيلها كتير اتنهدت وكملت عشان حالتها محتاجة معجزة من عند الله
نهت كلامها وسابتني ومشيت قعدت علي الارض ومكنتش في ايدي شئ غير البكا واني ادعيلها
بعد خمس شهور 
كنت ضاميمها جامد وانا ببكي بطريقة عمر ما حد بكي زيها بكاء هستيري مكنتش مصدق انها واخيرا فاقت وبقيت كويسة وبين ايدي بقيت كويسة بعد خمس شهور من الدعاء والصدقات وعملت المستحيل عشانها
ملست علي شعري بحنان وهمست اهدي يا ادهم انا هنا جنبك والله
وانا لسه ببكي انا مش مصدق كنت حاس اني خلاص خسرتك انت مش عارفة انا كنت عامل ازاي من غيرك انا حياتي من غيرك ولا شئ
همست وانا مش هتخلي عنك
فجاة الباب اتفتح وسمعت صوت والدتها ووالدتي لكن مهتمتش
ضړبتني حماتي علي ظهري وهي بتتكلم بغيظ ابعد يا واد عن بنتي عايزة
لفيت وشي ليها وبصيت ليها ببرود دي مراتي ورجعت تاني لوضعي
بصت لينا بغيظ فحنين ضحكت عيونها دمعت ربنا يخليكم لبعض ويبعد عنكم كل مؤذي
دقيقة بالظبط وسمعنا خبط علي الباب خفيف ومفيش ثواني ولقينا الباب اتفتح
لفيت وشي للباب لكن في لحظة اتنفضت من مكاني
ووقفت وصړخت فيها بعصبية انت اي اللي جايبك هنا مش كفاية اللي عملتيه فيها ناوية تعملي اي تاني اطلعي برا
سيبها يا ادهم
لفيت علي صوتها الهادئ وبصيتلها بعصبية انت لسه مصدقة انها بتحبك لسه واثقة فيها برضه يا حنين بعد اللي حصلك
هزيت راسها يمين وشمال بهدوء لا انا بقيت عارفة حقيقتها بس اتنهدت وكملت بس سيبها تقول اللي عندها
قربت ميرا خطوتين وبدات تتكلم ح حنين انا عارفة اني غلطت في حقك كتير عارفة اني مستاهلش حبك ليا بس 
ميلت راسها لتحت