قصه أم بقلم عبير حسن سليم

ابعد عنى ابعد عنى ياحيوان

وتجرى على الباب لتفتحه فتجد ياسر امامها

عفاف ياسر ياسر الحقنى ياياسر

ياسر الحقك ايه ياست الستات وعامله نفسك شريف ه وانتى مقضياها فى بيوت الدعا رة

سايبه المصنع اللى الراجل استئمنك عليه وجايه هنا عشان مزاجك

عفلف لا والله ياياسر ده انا

ياسر اخرسي انا بلغت البوليس وهو جاى دلوقتى وحياخدوكى ياحلوة

عفاف يالهوى حرام عليكم بنتى لا والنبي وجلست فى الارض تقبل يده

لا والنبي متفضحنيش الله يخليك

الله يستر على بيتك يارب

انا والله عمرى ماعملت حاجه غلط ده انا طول عمرى ماشيه جمب الحيط

ياسر عشان تبقى تعرفى كويس تتدخللى فى اللى ملك يش فيه

عملالى نفسك المديرة اشربي بقى ياحلوة

عفاف هو انتوا اللى مدبرين لى المصېبه دى

ياسر هههههه امال انتى فاكرة ايه

عفاف حسبي الله ونعم الوكيل فيكم

ربنا ينتقم منكم يارب ويردهالكم فى ولادكم ويتفضحوا زى ماانتوا عاوزين تفضحونى

ياسر يصفعها على وجهها بشده متحيبيش سيرة عيلتى على لسانك انتى فاهمه

وبصي بقى ياست الحسن والجمال

لو عاوزة تخرجى من هنا تمضى على الورقه دى

يااما وربي لحفضحك ڤضيحة العمر وحتتسجنى وبتك حتتفضح

سمعتى قلت ايه

عفاف حاضر حاضر حعملك م اللى انتوا

عاوزين بس سيبونى امشي حرام عليكم

ابوس رجلك سيبنى امشى

يجلس ياسر واضعا قدم على اخرى ويمد يده لها بورقه خدى ياشاطرة امضى على دى

عفاف ايه دى امضي على ايه

ياسر حتمضى على انك سرقتى من الشركه مبلغ خمسين الف جنيه

عفاف ايه لا مستحيل انا عمرى مامديت ايدي على قرش حرام

ياسر يستكمل كلامه وحتمضي على استقالتك من المصنع

وحتمشي ولو دخلتى المصنع برجلك تانى

فى فيديو ياموزة ليكى مع اللى واقف قدامك ده حدخلك بيه السچن ده غيرالورقه اللى حتمضى عليها حدخلك بيها السچن

عفاف حرام عليك حرام عليك ربنا ينتقم منك حسبي الله ونعم الوكيل فيك

ربنا عالظلم والمفتري

بص انا حمشي ومش حتشوفوا وشي تانى بس سيبونى اخرج

والله ماحدخل المصنع تانى

ياسر هههههه هههههه لاياحلوة مفيش خروج غير بعد ماتمضى

تمضي عفاف على مايطلبه منها ثمنا لخروجها وعدم فضيحتها

ثم يتركها ترتدى ثيابها لتخرج من هذا المكان

تخرج عفاف لتكتشف انها لم تكن ببيت ډعارة انما هو مكان مهجور بعيد عن المدينه

كانت تائهه لاتدرى اين وجهتها التى ستتجه اليها

كانت تائهه لاتصدق ماحدث لها

اهى صاحبة العفه والشرف التى كانت اسما على مسمى يحدث لها هذا ولما ماالخطا الذى ارتكبته ليدبر لها هذه المكيده هى لم تؤذى احدا من قبل

لم تسئ الى احدا

لطالما كانت محبه للاخرين

كانت لاتستطيع السير تجر قدميها ولاتدرى ماذا ستفعل

يارب يارب انتقملى منهم يارب خدلى حقى منهم يارب

انتى القوى على كل ظالم يارب يارب

فى المساء

شهد اهدى ياحياة بطلى عياط بقى ان شاء الله دلوقتى تيجى بالسلامه

حياة پبكاء شديد خاېفه يكون حصلها حاجه ياشهد

انا مليش غيرها ياشهد يارب والنبي يارب رجعلى امى

ياحبيبتى ياماما رحتى فين يا حبيبتى

شهد مش يمكن تكون راحت عند حد من قرايبها ونست تقولك

حياة احنا ملناش حد ياشهد ماما اصلا مش من هنا وكل قرايبها ماتوا من زمان

انا مليش غير عم واحد وعلاقتنا بيه محدودة جدا

ماما قالتلى انه أخلاقه مش كويسه فبابا بعدنا عنه

وبعدين ماما عمرها ماراحت مكان من غير ماتقوللى

شهد طب حتكون راحت فين بس احنا سالنا عليها فى المصنع قالوا مش موجوده

وسالنا صاحبتها اللى اسمها ثريه قالت مشفتهاش من العصر تبقى راحت فين

حياة معرفش معرفش انا حتجنن خلاص

اه لو امى حصلها حاجه ياشهد انا اكيد حيجرالى حاجه انا مقدرش اعيش من غيرها دى كل دنيتى

وهنا يدق الباب فيدخل ابو شهد واخوها محمود وامها خديجه

حياة تجرى

عليهم بلهفه الحقنى ياعمى الله يخليك انا معرفش حد غيركم

تاخذها خديجه فى حضنها وتطبطب عليها

اهدى ياحياة وان شاء الله خير

والد شهد بالراحه ياحبيبتى احكى براحه انا والله اول ما شهد كلمتنى جبت محمود وجيت جرى

حياة وهى تبكى بمرارة ماما خرجت الصبح تروح المصنع زى كل يوم وانا وشهد روحنا الدرس ورجعنا على هنا وماما مرجعتش خالص من ساعة ماخرجت

شهد راحت معايا المصنع لقيت العمال اللى شغالين وقت اضافى فى المصنع سالتهم عن ماما قالولى مشفنهاش من بدرى

وسالت اللى اسمه ياسر اللى ماما كانت بتشتغل معاه قاللى انها مشت العصر

والنبي ياعمى ساعدنى شفلي ماما راحت فين انا حسه ان جرالها حاجه

خديجه لا ياحبيبتى متقوليش كده بعد الشړ عنها ان شاء الله حترجع بالسلامه

والد شهد مټخافيش ياحياة انا حنزل انا ومحمود ندوروا عليها فى كل الاقسام والمستشفيات وان شاء الله حنلاقيها

حياة يارب يارب خليك جمبي والنبي يارب

يارب رجعلى امى يارب

انتى فين ياماما انتي فين ياحبببتى

خديجه جيب العواقب سليمه يارب

يخرج محمود ووالده للبحث عن عفاف فى كل مكان

فى منزل عادل وعزة

عادل بت ياعزة بقولك ايه

عزة قول ياسيد الرجاله

عادل شوفيلى معاكى مييايا

عزة نعم عايز مية جنيه ليه ان شاء الله

عادل فى ايه يا عزة ممعاييش فلوس وعاوز انزل يرضيكى يعنى جوزك ينزل من البيت من

غير فلوس في جيبه

عزة وانت عاوز تنزل تروح فين ماتتلقح تقعد

عادل ياسلام عاوزانى افضل قاعد زى الولايا واللا ايه

عزة والله انا شايفه ان الولايا افيد منك على الاقل بيعرفوا يجيبوا القرش مش زيك ياعرة الرجاله

عادل عارفه ياعزة لو متلمتيش وحطيتى لسانك جوة بؤك والله لارنك علقھ

عزة لا والنبي شوف ازاى طب فكر بس تمد ايدك علية وانا والله لاصوت والم عليك الناس

عادل خلاص اخرسي جتك الارف فى شكلك

مش عاوزة منك حاجه

عزة احسن بردو

يااما نفسي ارتاح بقى من الشقا اللى انا فيه ده

ثم يرن تليفونها

عزة الو ايوة تمام حاضر بكرة من الضهر حكون عندك انتى تؤمرى ياست هانم

عادل شفتى بقى طلبت منك فلوس جالك شغل على طول عشان تعرفى ان وشي حلو عليكى

عزة تنظر له بقرف

بقولك ايه انا حنام ومسمعلكش صوت انت فاهم

بعد مرورعدة ايام

حياة وهى مڼهارة من البكاء يعنى خلاص ماما راحت منى يعنى خلاص مش حشوفها تانى

شهد وهى تطبطب على صاحبتها وتبكى معها فكم كانت تحب عفاف بشده

حياة ياحبيبتى الله يخليكى متعمليش فى نفسك كده ان شاء الله حتلاقيها

حياة حنلاقيها فين ياشهد ده احنا داخلين على اسبوع بندور عليها دورنا عليها فى كل مكان

مخليناش مكان مدورناش فيه

حتى الاقسام والمستشفيات وعند كل اللى نعرفهم ومفيش حاجه نافعه

اه ياماما ياحبيبتى ياماما ياترى انتى فين ياحبيبتى

انا مش عاوزة اعيش من غيرك

كانت تمسك صورة امها بيديها وتتحدث اليها كالمجنونه

كده بردو ياماما تمشي وتسيبينى وانتى عارفه انى مليش حد غيرك مش انتى كنتى بتقوليلى انى امانه عندك حد يسبب الامانه ويمشي

انا زعلانه منك اوى ياماما

لا لاياحبيبتى انا عمرى ماازعل منك انا حياتك حبيبتك وانا حياتى كلها فداكى ياامى ياست الكل

ياريتنى كنت انا اللى يجرالى حاجه وانتى لاء يااغلى الناس وحشتينى ياامى وحشتينى ياحبيبتى

اه ياشهد اه حموت ياشهد مش حقدر اعيش من غيرها ياشهد

يدق الجرس فتجرى شهد لتفتح الباب فهى لم تغادر صديقتها منذ غياب امها عنها

بابا تعالى اتفضل

يدخل والد شهد حياة عامله ايه يا حبيبتى

حياة خلاص ياعمى مغيش امل نلاقيها

ماما راحت خلاص

والد شهد والله يابنتى مافى مكان مدورناش فيه

ولا فى حس ولاخبر

حتى البوليس ملقاش اى حاجه فيها شك خصوصا لما قلنا ان ملهاش اعداء

والكل بيقول مفيش غيراحتمال واحد بس

حياة بلهفه احتمال ايه ياعمى قول. الله يخليك

فيتردد قبل التفوه بكلمه فهو يعلم وقع هذه الكلمه عليها

احتمال يعنى يكون تجار خطڤوها

وو

حياة بصړيخ شديد لا لا متكملش متكملش ارجوك ياعمى لا متقولش كده لا لا ماما عايشه انا حسه انها عايشه قلبي بيقوللى انها عايشه

ماما مش حتسيبنى ماما مش حتسيبنى

شهد بابا الحقنى يابابا حياة حتروح مننا

يجرى والد شهد لاحضار الطبيب الذى يعطيها حقنه مهدئه للاعصاب لتنام فهى لم يغمض لها جفن من يومين ويتم تعليق المحاليل لها حيث انها لم تتناول شيئا

محمود بابا حنعمل ايه مع حياة لو موصلناش لحاجه

والده والله مانا عارف حاجه

مش يمكن يابنى امها تظهر

محمود ده مر كذا يوم ومفيش اخبار وحياة بتقول ملهومش

حد ممكن تكون عنده وتروح عنده ليه من اساسه واحنا كلنا عارفين انها عمرها مابعدت عن حياة

دى كانت بتوديها الدروس بنفسها لحد مادخلت ثانوى

لا يابابا انا متاكد ان حصلها حاجة

ودلوقتى حياة مش حينفع تقعد لوحدهاكده

البنت صغيرة ومامتها كانت كل حياتها

ولازم حد يقعد معاها يخللى باله منها

هما ملهومش حد يابابا

والده والله يابنى انا مااعرف اختك هى اللى تعرف

كل حاجه عنهم وامك كمان لكن انا معنديش

فكرة

محمود شهد ياشهد تعالى عاوزك

شهد كانت تجلس بجوار تلك النائمه ودموعها لا تجف على اعز اصدقائها

فتخرج لمحمود

نعم يامحمود خير

والدها قوليلي ياشهد

حياة ليهاعم مش كده

شهد ايوة يابابا بس حياة قالتلي انه مش كويس وباباها جابهم هنا عشان يبعدهم عنه وعن مشاكله

والدها ايوة يابنتى بس دلوقتى هو اولى بيها حياة قاصر وكمان محتاجه حد يصرف عليها

وعلى تعليمها ويخللى باله منها

لحد ماربنا يرجع امها بالسلامه

شهد تفتكر حترجع يابابا

والدها ربنا كبير ياشهد وقادر على كل شئ

المهم دلوقتى سيبيها نايمه والصباح رباح وربنا يكتب الخير من عنده

ياتى الصباح الذى نتمنى ان يكون بداية يوم ملئ بالامال والتفاؤل ولكن مع حياة الوضع مختلف تماما

تفتح عينيها ببطء شديد لترى شهد نائمه بجوارها

حياة شهد شهد

شهد حياة انتي صحيتى ياحبيبتى صباح الخير

حياة مفيش خير طول ماماما مش موجوده

يرن جرس الباب

تقفذ حياة سريعا تجاه الباب لعلها تجد امها القادمه

محمود

محمود صباح الخير يا حياة

حياة وقد انهى امالها فقد ظنته امها تعالى يامحمود اتفضل

محمود انا جايبلكم فطار عشان تفطروا

حياة شهد تعالى

ياشهد افطرى

وجلس بعيدا

محمود حياة انتى مش حتاكلى

حياة انا مليش نفس لاى حاجه يامحمود

ومش حاكل غير لما امى ترجع

محمود حياة انا عاوزك تبقى اقوى من كده لازم تفوقى وتبقى قويه عشان لما مامتك ترجع تلاقيكى حققتى حلمها

حياة تفتكر حترجع يامحمود

محمود ان شاء الله حترجع واحنا معاكى ياحياة

بقولك ياحياة كنا عاوزين نعرف عنوان عمك

حياة ليه

محمود لازم يكون جمبك اوياخدك تعيشى معاه

حياة لاء انا مش حسيب بيت بابا

وكمان ماما قالتلى انه مش كويس

محمود بصي ياحياة انتي مش حينفع تقعدى لوحدك ولازم يكون حد معاكى

حياة مانتوا معايا يامحمود

محمود طبعا احنا معاكى ياحياة

بس اللى لازم تفهميه اننا مش حينفع مثلا نقيم معاكى

لازم حد يقيم معاكى كمان عشان مصاريفك ياحياة

حياة وقد تفهمت الموقف

معاك حق يامحمود بس انا معرفش عنوانه بالظبط بس اعرف المنطقه اللى ساكنين فيها

محمود تمام قوليلي وانا وبابا حنروح نسأل عليه لحد مانوصله

فى شقة عادل وعزة

دق على الباب

عزة انت يابنى ادم مش سامع الباب بيخبط ماتقوم تفتح

عادل ياربي مين اللى جاى دلوقتى تلاقيه بتاع الميا واللا النور

عزة ماتقوم ياراجل تفتح انت ناوى تشلنى

عادل حاضر حاضر ياللى عالباب

يفتح عادل الباب ليجد أمامه رجلين

مين حضراتكم

فى المصنع

كامل يعنى ايه ياياسر عفاف اختفت

ياسر منعرفش ياكامل بيه هى اخر مرة جت عادى ومشت العصر حتى قلتلها تقعد شويه صممت تمشي وبعد كده لقينا بنتها بتسال وتقول انها مرجعتش

كامل ومحدش فى المصنع شافها

ياسر لا حضرتك محدش يعرف عنها حاجه

كامل وهو يخبط كف على الاخر لا حول ولا قوة الا بالله العلي العظيم

حيكون حصلها ايه دى غلبانه وبنتها المسكينه حتعمل ايه من غيرها دى ملهاش غير امها وكمان فى الثانويه العامه

انا لازم اتصرف واعرف ايه اللى حصلها

فيتصل على احد ضباط الشرطه ويطلب منه البحث عن عفاف فى كل مكان والاهتمام بالموضوع

عزة تتحدث الى محمود ووالده يانهار ابيض طبعا حنروح لها ونقعد معاها ونحطها فى عينينا لحد ماامها ترجع بالسلامه باخبر دى عفاف دى غاليه عندى اوى

يشكرهم محمود ووالده على حسن الضيافه وينصرفان

بينما عادل بتحدث إليها

ايه اللى خلاكى تتسحبي من لسانك وتقوللى الكلام ده

واحنا مالنا بيها حنصرف عليها منين دى بيقولولك ثانويه عامه

ومصاريفها كتير

عزة حتفضل طول عمرك عبيط وغبي يابنى ادم افهم وفتح مخك معايا

دلوقتى البت امها محدش عارف هى راحت فين واكيد مش راجعه يعنى الشقه حتبقى شقتنا ونقب على وش الدنيا

اما بالنسبه للمصاريف مين قالك اننا حنصرف عليها

عادل مش فاهم

عزة حفهمك يامنيل

فى الشارع يتحدث محمود الى والده

مش عارف يابابا بس انا مش مرتاح للناس دى شكلهم غريب واللا الشقه اللى ساكنين فيها عامله شبه الجحر

والده حنعمل ايه بس يامحمود مفيش فى ايدنا حاجه تانيه

المهم نطمن ان فى حد معاها وواخد باله منها

فى المساء تجلس حياة وهى لاتدرى ماذا سيحدث معها وماذا سيخبئ لها القدر

تجد طرقا على الباب فتتجه لفتحه فترى امامها عمها عادل وزوجته هى لم تراهم كثيرا ولكنها تعلم شكلهم جيدا

حياة عمى

عادل حياة بنت اخويا حبيبتى

حياة اهلا وسهلا بيكم

عزة معلش ياحبيبتى عاوزة اغير هدومى وارص حاجتى انا وعمك فين بقى الاوضه بتاعتنا

حياة باندفاع شديد وهى تجدها تحاول اقټحام غرفة امها

لا دى اوضة ماما محدش حيقعد فيها وكانت تبكى بشده

عزة بلؤم حقك علية ياحبيبتى ولا يهمك بس انا مش شايفه غير اوضتين احنا حنام فين بقى

حياة انا حسيبلكم اوضتى خدوا راحتكم والريسيبشن واسع انا حقعد فيه وحبقى انام فى اوضة ماما

عزة وهى تمضغ العلكه بمنتهى الاستفزاز وماله ياحبيبتى ميضرش

تضع حياة راسها على وسادتها وهى تدعو الله ان يعيد لها امها الغاليه

واخذت تتحدث إلى صورة امها

انا مش حستسلم ياماما يا حبيبتى للكلام اللي قالوه

قلبي بيقوللى انك عايشه ولازم ترحعى تلاقينى مستنياكى

انا من بكرة حروح الدروس وحذاكر واحقق حلمك وحلم بابا

تصبحى على خير ياحبيبتي

وتأخذ الصورة فى حضنها وتنام

تخترق اشعة الشمس غرفة حياة لتعلن عن ميلاد يوم جديد ولكن ماذا سيحمل معه هذا اليوم

تقوم حياة من نومها لعزمها على استكمال ماعاهدت نفسها عليه

تعد نفسها للذهاب الى دروسها لتحصيل مافاتها فى الفترة الماضيه

تخرج من غرفتها لتشم رائحه لم تعهدها من قبل فتسال نفسها ماهذه الرائحه لتجد عمها عادل وهو يقوم بالټدخين

حياة صباح الخير ياعمى

عادل صباح النور

خير لابسه كده ورايحه على فين عالصبح

حياة عندى درس ياعمى

عزه روحى ياحبيبتى يارب تنجحى واشوفك دكتورة اد الدنيا حتتاخرى ياحياة

حياة انا عندى درس واحد حخلصه وبعد كده حروح عند شهد اذاكر معاها شويه وارجع

عزة طيب ياحبيبتى بالسلامه

تخرج حياة من المنزل دون ان تاكل شيئا فتتذكر والدتها

عندما كانت تصر على اطعامها قبل الخروج فتنزل الدموع من عينيها ولكن عيناها تلتقى بعين من يعشقه القلب ويتمناه الفؤاد

محمود صباح الخير