اسكربت حبي الاعمي

_ده أنتي طلعتي مشكلة يهاجر، مكنتش اعرف إنك فرفوشة اوي كدة 
*عېپ عليك إحنا أساسها*
_قلبتي سرسجية ليه كدة؟ 
كان بيقولها وهو بيضحك وانا ضحكت على كلامه 
*إنت برضو طلعت فرفوش اهو، بس معلش سؤال هو إنت بتحبني*
_ده انا فرفوش أوي واعجبك، بصراحة كنت بحبك اوي وغيرت عليكي لما حبيتي يوسف بس قولت يلا هلاقي الاحسن 
*يا بن ال*
_بعدين سمعت لما يوسف سابك قولت يبقى انتي الاحسن ومكتوبالي بس لقيتك جاية عشان العريس ومأمنة نفسك قولت يلا بقا ملناش نصيب وقولت يلا هلا..... 
كان بيضحك وهو بيتكلم وانا ضحكت جامد وكملتله
*هتلاقي الاحسن منها صح*
_لماحة إنتي، بس بجد والله أنا بتمنالك الخير وإنك تلاقي اللي يعوضك عن الزفت يوسف 
حبيت اتريق عليه وضحكت لما افتكرت حاجة برضو فـ قولتله
*أستغفر الله إحنا لسة مصليين تقوم شاتم، آه صحيح إنت كان مالك*
_مالك فاصلة ضحك كدة؟ ومالي على إيه؟ 
*كنت قاعد تبصلي وتضحك لما كانوا جيرانكم هنا*
_ده انا كنت عيل نرم اوي ساعتها متفكرنيش، 

بصي يستي انا قرأت إن لما حد بيضحك بيبص للي بيحبه فكنت ببص عليكي كل شوية أشوفك هتبصيلي ولا لأ لقيتك بتبصيلي بس بضحكة سمجة كدة 
*أنا معدتش قادرة من الضحك بجد، ما أنا كنت ببتسملك كدة عشان مش عارفة إنت بتعمل إيه إنت كمان بس بصراحة مكنتش طيقاك*
فضلنا لغاية لما لقينا الساعة بقت 7 ونص 
_يااه معقول كل ده بنتكلم ومحسناش بالوقت
*عشان سوء الفهم اللي كان بينا وإننا مكناش بنتكلم عشان كدة طولنا اوي في الكلام*
_أنا محتاج قهوة دلوقتي عشان أنزل شغلي 
*مينفعش تخليك النهاردة وكدة تشوف سيف وعيلته وتتعرف عليهم وتصلح سوء الفهم بينك وبين سيف*
_انا مش بطيقوا خالص إنتي ناسية لما كنتي مرتبطة بيوسف كان بيحكلنا عنه إيه
كنت مټۏټړة اوي ومش عارفة اقول ايه خايفة يعرف إن دي خطة وإن احنا مش بنحب بعض بس رديت بثقة وإبتسامة مزيفين
*كفاية عليا أوي إنه صارحني بماضيه رغم إنه كان ممكن يعمل العكس وده حقه وغير كدة كمان هو إتغير وأنا