اسكربت حبي الاعمي

ودخل هو بقى عشان يغير وانا بضحك على ردة فعله اللي بتدهشني دايماً وعلى عكسي كان خرج بسرعة ومأخدش نص الوقت اللي اخدته ولقيته مسك إيدي تاني وفي واحد إجه ناحيتنا والمكان اللي دلنا عليه كان عبارة عن صالة ومليانة من أحدث الدراجات النارية والعربيات كنت ببص حواليا بذهول وأنا عرفت وقتها إحنا ليه لابسين كدة وببساطة لأن المكان اللي قدامي ده كان عبارة عن حاجات خاصة بالسباق وده لبسهم الخاص وطبعاً كان لازم السترة تكون واقية، سيف قرب مني ولبسني خوذة ولبس هو كمان وانا وقتها كنت لسة مش مصدقة، سيف كالعادة قطڠ صمتي وصډمت ي بـ _مش يلا بقى ولا إيه _*
*‏وفعلا بعد حيرة مني أخترت أخيراً الدراجة النارية وركب هو الأول وانا ركبت وراه وحاسة إن قلبي هيطلع  من مكانه من الفرحة ومن المشاعر الغريبة اللي أول مرة احس بيها وبعد ما ركبنا الجراش إتفتح عشان نتحرر بچنونا في الوقت ده وننسى العالم كله كنت بشد أكتر وأكتر 

على حضني ليه بينما هو كان بيزيد من سرعته أكتر وأكتر ودي كانت أول مرة أعشق الچنون بس منه هو وبس، لقيته بيعلي صوته*
_تتجرأي وتتولي إنتِ مكاني 
*ضحكت على نبرته اللي كان باين فيها إنه بيتريق وكملت مناغشة، لو مستغني عن حياتك يبقى على بركة الله، ضحك على كلامي و زود سرعته اكتر وأنا ابتسمت على ضحكته، وبعد ما يُقارب ساعتين من الچنون كُنا رجعنا للمكان الأصل تاني وغيرنا وجبنا آيس كريم وفضلنا نتمشى من غير العربية وحكينا وقتها لبعض عن مشاعرنا في التجربة دي وعشان ونتعرف برضو على بعض أكتر*
_إيه رأيك اليوم راح في حتة تانية اهو 
*أنا أتوقعت كل حاجة إلا دي بجد، ده أحلى وأمتع چنون أشوفه أصلاً*
_أعتبره إعتراف صريح ومغازلة منك يعني 
*ضحكت على كلامه واختياره للألفاظ، أيوة يسيدي دي كانت مغازلة صريحة أوي اوي مني*
*ودي كانت نهاية مشوارنا بعد ما ربنا عوض قلبي خير وإدالي فرصة تانية عشان نتجوز بعدها علطول ونقضي أجمل أيام حياتنا وكل واحد فينا شايف إن التاني أعظم إنتصراته*
النهاية
‏للكاتبة /شهد أسامة ❤