اسكربت حبي الاعمي
كل الوجع و الكلام اللي جوايا قومت ولميٹ كل الصور وكنت بردد خلاص هو معدش ليا خلاص هو اختارها هي، هو اختار يقضي معاها كل حاجة حلوة رسمناها مع بعض، خلاص هو قرر يشاركها هي كل ذكرة حلوة عشناها مع بعض هو مسابليش مكان واحد أهرب ليه من وجعه اللي سبهولي، هو دمر كل حاجة، بدات اطلع في هدومي وانا بختار هلبس إيه في فرحه، بعد ما كنت بختار فستان الفرح معاه بقيت دلوقتي بختار لبسي زيي زيهم بقيت بختار لبسي والميكب اللي هعمله وكل حاجة بس بإختلاف إني مش انا العروسة مش انا اللي هبقى معاه وقتها مش انا اللي هبصله بإنتصار إني خلاص لقيت حبي وكمان مش إيدي اللي هتبقى حاضنة إيده وقتها انا مش هبقى اي حاجة منهم انا بس هكون عبارة عن غريبة حاضرة فرحه، ياريتك فضلت هناك يا يوسف ياريت بس لو كنت فضلت هناك تفاصيلك وضحكتك واستايلك وبرفانك وكل حاجة فيك رجعتلي مليون ذكرة ومليون ۏ'چع ومليون اشتياق ليك بس انا مليش الحق المسك إنت معدتش ليا خلاص إنت
اختارت اللي تقسمها الحق ده بس للاسف مكنتش انا، مسحت دموعي ورجعت كل حاجة مكانها بإستثناء حاجة وحدة فضلت محتفظة بيها معرفش ايه السبب اللي يخليني احتفظ بيها برغم إني عارفة إنها مش ھتكون غير عبارة عن حاجة بتزيد من وجعي وبس وكانت الحاجة دي هي خاتم الخطوبة اللي يوم ما شيلته من إيدي هو كان شالني من قلبه ومن حياته ومن كل حاحة تخصه وانا مقدرتش اعمل زيه انا فضلت محتفظة بكل حاجة تخصه وكل تفصيلة كان بيحكهالي، انا كنت مفكرة إن خلاص قلبي قسى وإني لو شوفته مش هيفرق معايا بس النهاردة لما شوفته محصلش كدة خالص، بل بالعكس انا النهاردة لما شوفته مقدرتش افتكرله اي حاجة ۏحشة عملهالي ولا قدرت افتكر إنه سبني انا بس كل اللي اكتشفته وقتها إن قلبي كان مشتاق يشوفه اوي ومشتاق لكل تفصيلة فيه كان مشتاق يسمع صوته ومشتاق يحضنه، قلبي عارف إن كل دي احلام برغم إن لو كان حصل حاجة منها كانت هتبقى كفيلة تشيل كل الوجع ده حتى لو كانت هتشيله لوقت مؤقت
