مريم
مش كفاية انك مخبي كل ده عليا و مقولتليش
أحمد مين
_الاكس بتاعي و متنكرش
ااه الاكس و بتقوليها
ف وشي عادي كده لا و يوم خطوبتنا ما شاء الله
_اعترف يا علي تعرفه منين ها و ليه قابلته و كنت بتضحك انت متفق معاه عليا ولا متراهنين عليا مثلا
اه ما انتي جمالك مقوي قلبك متراهنين علي أنجلينا احنا
_قول من غير لف ودوران
بصلي بنظرة زعل جاوبيني يا مريم انتي مش واثقة فيا
_الموضوع مش كده يا علي بس....
مبسش يا مريم انا مش هعرف احكيلك حاجة بعد اللي سمعته ده خلينا نكمل اليوم عادي و نبقي نتكلم بعدين
اتنهدت_طيب
كملنا تصوير بس ابتسامته كانت مزيفة و الفرحة اللي عينه اختفت انا ايه اللي قولته ده الخطوبة عدت بس نور و أكرم اخدوا بالهم اننا مش مرتاحين بعد ما خلصت خرجنا احنا الأربعة نقعد ف مكان
_هبقي اقولك بعدين خدي خطيبك و روحوا ترابيزة تانية
ماشي بس عدي الليلة مش تتخطبي و تفركشي ف نفس اليوم متضيعيش الواد من ايدك
_ادعيلي
قاعد باصص في الفون بيبص علي المكان و ف كل حتة ما عدا عيني!
_احم علي
بنظرة حزن نعمين يا ست مريم
_ممكن بلاش الطريقة دي انا متضايقة أكتر منك
_يعني انت كنت عارف
اه عارف عشان نور مش بتخبي علي خطيبها حاجة
كمل باستهزاء عكس ناس
قلت بعصبية_وهو يقولك ليه
ابتسم بسخرية وهو بيقلد كلامي انتي ناسية ان خطيب صاحبتك يبقي البيست ولا ايه و كمان هو عايز يصلح بينا كل الناس عايزانا لبعض إلا أنتي عايزة اي غلطة عشان نسيب بعض
صوتك يوطي و كلامك تاخدي بالك منه يا مريم احنا في مكان عام
_يوووه بقي
أولا انا مكنتش عايز أقولك عشان الموضوع مش مستاهل انه يتقال الوقح كان بيقولي انه لسه عايزك وانك لمه بعدتي عنه حس بقيمتك و مش عارف يرجع عشان انا قربت ف بيهددني انه هيأثر عليا ف شغلي بسبب علاقاته ف انا ضحكت علي غبائه و مكنتش هفكر ولو للحظة اني ابعد عنك بس كل ده طلع علي مفيش يا مريم انتي حتي معندكيش ذرة ثقة فيا
ده انا خطبتك عايزة اثبات ايه أكتر من كده
مستعد مستقبلي و شغلي اللي بحبه و بنيته من الصفر يتهد ولا أننا ننفصل بس اخدت ايه في المقابل
يلا نمشي يا مريم انا اصلا مكنتش عايز ابررلك حاجة لأنك واخدة قرارك من
