مريم

الأول اني انسان وحش صح 
خلي بقي الفكرة ف دماغك
نادي علي أكرم و نور عشان نمشي وانا مش قادرة امسك دموعي من العياط 
انا خسړت ثقته فيا و مبقاش شايفني زي الأول 
ركبنا في العربية وانا باصة ناحية الشباك 
مش هقدر ابص ف عينه و كل شوية دموعي تخوني و امسحها بسرعة
مد ايده بمنديل و هو مكشر و باصص قدامه 
وانا عمالة اشتم نفسي ف سري يعني حتي وهو زعلان مش عايزني اعيط
اليوم خلص بأسوء نهاية كنت اتوقعها
نورمسم مش هو ده اللي فيه العبر كلها قاعدة تندبي حظك عليه بقالك يومين بحالهم 
رديت عليها بصوت منبوح من العياط_انا غبية و أستاهل 

ف دي عندك حق 
_مش قادرة ارد عليكي معنديش طاقة 
طب واللي تحللك مشكلتك معاه ف دقيقة 
_و سايباني يومين يا كلبة
عشان تتعلمي الدرس انه مش

كل حاجه نشوفها بعنينا نصدقها ساعات بيبقي في كواليس منعرفهاش
_مش وقت حكم قوليلي اعمل ايه 
بصي يا ستي
أكرم يعيني عليك ده الحب بهدلك خالص
علي انا اللي جبته لنفسي
ضحك أهلا بيك في الكار هتنبسط معانا أوي
بطل رخامة بقي انا متضايق لوحدي 
ده عشان انت لسه جديد ف متشحتف حبتين انما لمه يبقي بينكوا سنين... 
قلبي هيجمد صح
تؤ تؤ هتتشحطف أكتر
قوم ياض من جمبي 
يابني انا اللي هشيل خشبتك مش هي
بس هي هتحزن عليا العمر كله انت آخرك يومين و هتشوف صاحب غيري 
ضحكفي دي عندك حق 
قال بضحك اه يا ندل 
استني بقي عشان نزلت استوري
طب اخفي السين
ايه الحركات دي ياعم هي أصلا منزلاها عشان انا اشوفها و عاملاها ليا انا بس
و عرفت ازاي 
عشان مش بتحب تنزل استوريز اصلا و يوم ما بتنزل بيبقي فرح و تقولي خش شوف
يا نهار ازرق
في ايه 
تعبانة يا أكرم مريم تعبانة انا لازم اروحلها
استني بس استني وريني كده
اوريك ايه انت مچنون 
ياعم عنترة اهدي علي نفسك خلاص مش لازم اشوف منزلة صورة ايد فيها كاني ولا صح 
عرفت ازاي
هه مش بقولك جديد في الكار 
انجز يا أكرم
المشكله اننا احنا الاتنين صحاب خاطبين اتنين صحاب ف الدايرة مقفولة الفكرة بقي ف ايه ان انا و نور لمه پنتخانق بتنزل الصورة دي و أول مرة نزلتها كنت عامل زيك كده و اټخضيت وبتاع بس لمه رحتلها الهانم قالتلي دي صورة من النت عشان تخش تكلمني طبعا اتخانقنا أكتر بس صالحتها ف الآخر و بقي سيم ما بينا أول ما تنزلها اعرف انها عايزاني اكلمها حتي لو مش متخاصمين
بابتسامةا ممم قولتلي
ضحك ناوي علي ايه
ابدا مش الهانم عايزاني اكلمها انا الأول هكلمها
انت ما صدقت
الصراحة اه
واقع واقع يعني مش هزار
اسم الله عليك ده انت مدلوق
يلا منهم لله
طب هطير انا بقي و شوفلك صاحب غيري
اعتبره حصل يا قلبي
حبيبي
بقاله نص ساعة و داخل علي ساعة شايف الاستوري و معبرنيش يا نور تخيلي
يابنتي يمكن...
_بت بت بيتصل اقفلي
ف
ثانية بعتيني
_الولا هيضيع يا بنت اللذينة اقفلييي
طيب سلام
احم احم نعمي صوتك يا مريم المفروض انك عيانة
_الو
مريومي الف سلامه عليكي يا حبيبتي انتي تعبانة مالك
_مفيش كنت زعلانة شوية و ضغطي وطي فجأة قوم ايه اغمي عليا بقي و رحت المستشفى
يا قلبي كل ده حصل وانا مش جمبك
_شفت بقي شفت عمايلك وانا لسه زعلانه و الدكتورة قالت غلط علي صحتك
طب ايه يرضيكي وانا اعمله
_اللي يرضيني اني....
ها سكتتي ليه
_انا مش هكذب عليك يا علي أنا مش تعبانة ولا حاجة دي صوره عاديه
حسيته ابتسم و قالو ايه كمان
_وانا غلطت لمه موثقتش فيك بس حط نفسك مكاني اتنين ملهمش علاقة ببعض اتقابلوا و كمان اللي زاد و غطي انك محكيتليش حاجة
عندك حق انا آسف اني مقولتش بس خفت اقولك تفكري ترجعيله خصوصا اني شفت ف عينه انه ناوي فعلا يرجعلك
_اهو شوف بقي مين اللي مش واثق في التاني 
ضحك طب ايه بقي اتعلمنا ايه احنا من العركة دي
_اتعلمنا اننا منخبيش عن بعض حاجة 
حلو و اي كمان 
_نثق ف بعض أكتر سيكا
هايل و ايه كمان 
الجرس بيرن ثواني خليك معايا 
فتحت الباب لقيته واقف ببوكيه ورد و كيسة كبيرة مليانة حاجات حلوة شيبسيات و شوكولاتات و الفون علي ودنه و لسه بيتكلم
مقولتليش و ايه كمان 
بصيتله بفرحة_مش عارفة الصراحة
اقولك أنا
نحب بعض أكتر كمان و كمان
تسمحيلي 
_اوك علي راحتك
و حين يصبح سوء الفهم مشكلة سوف أصنع من عينيك آلاف الحلول
روان_حسن
متنسوش تسيبوا رأيكم