قصه أم بقلم عبير حسن سليم

فى احدى الشقق التى تدل طابعها على البساطه حيث نجد فتاة تستيقظ من نومها على صوت امها الذى تعشقه وتتمنى ان يظل دائما فى الدنيا فهذا الصوت هو مصدر الامان والطمانينه لها

عفاف صباح الخير ياحياتى

حياة وهى ټحتضنها صباح الفل يااحلى ماما فى الدنيا

عفاف ياحبيبة ماما انتى ياللا ياقلبي معاد الدرس قرب ودلوقتى حنلاقى سيمفونيه فى الشارع لو مجهزتيش حالا

حياة هههههه اصدك البت شهد معلش ياماما انتى عارفاها شعنونه بس طيبه اوى والله

عفاف انتى حتقوليلي على شهد ياحياة ده انا اللى مربياها ياحبيبتى والله ربنا يعلم انا بحبها اد ايه

بس ياللا بقى زمانها جايه و انتى مش حتنزلى قبل ماتفطرى

عشان تعرفي تركزى كويس

حياة حاضر يافوفه ثوانى واكون جاهزة

تقوم حياة من على السرير وتجرى على الحمام للاستعداد للخروج لدروسها

حياة بقولك ياماما انا النهارده معنديش غير درس واحد بس

عفاف تمام ياحبيبتى

بصي انا النهارده حتاخر شويه فى الشغل ترجعى تذاكرى وعندك الاكل فى التلاجه تاكلى سامعه انتى اليومين دول مش عاجبانى

حياة حاضر يافوفه بس والنبي يامامتى وغلاوتى عندك متجهديش نفسك فى الشغل انا محتاجاكى انتى يافوفه

عفاف حبيبتى انا بجهد نفسي عشان خاطر بنتى حبيبتى

انا مستعده اسف التراب وامسح السلالم بس تحققى حلم ابوكى الله يرحمه وتدخلى كلية الطب وتبقى الدكتورة حياة احمد سعد

نفسي يبقى مرتاح فى تربته ولما اقابله اقوله انى حافظت على امانته اللى سابهالى ونفذت وصيته

حياة وهى ټحتضنها ياحبيبتى ياماما حاضر ياحبيبتى ان شاء الله ححقق حلمك وحلم بابا الله يرحمه وحكون الدكتورة حياة بس انا بخاف عليكى

ماما انا مليش غيرك فى الدنيا نفسي اوى ياماما اعوضك عن كل سنين الشقا

عفاف ياحبببتى مټخافيش علية انا كويسه

وبعدين كل حاجه فداكى ياحياتى

المهم اشوفك اسعد واحده فى الدنيا

وفجاه يسمعون الصوت

حياة حياة حياة

حياة يالهوى البت شهد بتنده حتفضحنى هههههه

ياللا ياماما سلام

عفاف مع السلامة ياحياتى خللى بالك من نفسك يا قلبي

وتتجه الى البلكونه وتتحدث الى شهد

ازيك يا شهد عامله ايه يا حبيبتى وازى ماما

شهد ازيك يامزتى عامله ايه ياقمر

عفاف مزتك اتلمى ياجذمه احنا فى الشارع

شهد اعملك ايه حد قالك تبقى حلوة كده انا مش عارفه البت حياة مش طالعه حلوة زيك ليه بس ياقمر انتى

عفاف ههههههه ېخرب عقلك ياشهد مجنونه وبعدين انا بنتى ست البنات

شهد طبعا انتى حتقوليلي مين يشهد للعروسه

فتنزل حياة اليهاوترمى قبلة لامها فى الهواء

وتاخذ شهد ويمشوا

شهد حياة بقولك ايه كنت عاوزة منك خدمه

حياة اتفضلى ياست شهد اطلبي

شهد كنت عاوزاكى تيجى معايا البيت واحنا مروحين تشرحيلى الدرس الاخير اللى اخدناه في الكيميا مش فاهماه خالص

حياة وقد تهلل وجهها بالفرحه ماشي يا ستى بس عدى الجمايل

شهد معلش ياحياة انا عارفه انى بتعبك معايا

حياة عيب عليكى ياشهد احنا اخوات وبعدين مانتى ياما شرحتيلى التاريخ

ربنا يخلينا لبعض انتى اختى وحبيبتى ياشهد

شهد حياة انتى كل حياتى ربنا يعلم انك مش صاحبتى انتى اختى

حياة عارفه ياشهد بس متقوليش حياتى تانى انا محدش يقوللى حياتى غير ماما بس

شهد ربنا يخليهالك يارب الشارع كله بيحلف بادبها مامتك دى مفيش زيها

بس هى حلوة اوى انتى مش حلوة زيها كده ليه

حياة وهى تلوى بوذها اخص عليكى ياشهد هو انا وحشه

شهد لا والله ابدا بالعكس انتى جميله كفاية الغمازة اللى تهبل دى واحلى حاجه انها فى خد واحد بس

بس بصراحه بصراحه مامتك حاجه تانيه

تعرفى انى سمعت ماما بتقول ان بعد ما باباكى ماټ كان فى رجاله كتير عاوزين يتجوزوها وهى مردتش عشان تربيكى ومتجيبلكيش جوز ام

حياة عارفه ياشهد وعشان كده انا نفسي احقق حلمها واعوضها عن تعبها وشقاها

شهد ان شاء الله ياحبيبتي انتى شاطرة ياحياة

ياللا احنا وصلنا زمان الميس دلوقتى عماله تصوت كالعاده

هههههه

فى احدى المصانع التى يمتلكها احد الاثرياء

عفاف ياعفاف

عفاف ايوة ياثريه خير فى حاجه

ثريه ايوة البشمهندس كامل عاوزك

عفاف حاضر

تدق على الباب فياذن لها كامل بالدخول

كامل تعالى ياام حياة عاوزك

عفاف اتفضل حضرتك خير

كامل بصي انا حسافر اسبوع شرم المدام والولاد نفسهم يغيروا جو

عفاف ربنا يخليك ليهم يارب

كامل ويخليلك حياة يارب

بصي انا دلوقتى عاوزك تباشري الشغل مع ياسر وانا مش موجود عشان اكون مطمن انتى عارفه انك اكتر حد بثق فيه هنا

عفاف والله ده شئ يشرفني طبعا بس انا مفهمش غير فى شغلى

والمصنع بسم الله ماشاء الله كبير ومش حقدر اباشر كل ده

كامل انتى حتتفرغى من شغلك اليومين دول وتفضى نفسك للى طلبته منك وبس واى حاجه تحصل تكلمينى وانا حقولك تعملى ايه تمام

عفاف حقولك ايه يابشمهندس حاضر وربنا يستر

كامل خلاص تحضري نفسك من بكرة للمهمه دى وتفرغى نفسك للمصنع طول اليوم ولما ارجع حيكون لك عندى مكافاه كبيرة عشان كمان تدفعى دروس حياة انا عارف الثانويه العامه دى غول فلوس

عفاف ربنا يخليك يا رب حضرتك مغرقنا بجمايلك

وتستاذن للذهاب لعملها

ثريه خير ياعفاف البشمهندس كان عاوزك فى ايه

عفاف تحكى لها مااراده منها

ثريه پحقد واشمعنى انتى يعنى اللى يطلب منك كده

عفاف معرفش والله اهو عندك روحى اساليه

ثريه اساله لا انا مقصدش بس قصدى ان ياسر حيزعل وحيحس ان البشمهندس كامل مش واثق فيه

وده شرانى وانا خاېفه عليكى منه

عفاف ربنا يعديها على خير

وتتجه لاداء عملها

بينما ثريه تحدث نفسها

بقى كده ياست عفاف عاوزة تبقى الريسه علينا اه طبعا ماهو عشان عندك شوية جمال تلاقيكى بلفتى عقل الراجل بيهم

وانا عارفه الرجاله دول كلهم جنس واطى وتلاقيكى انتى اللى طلبتى منه يخليكى الريسه علينا بس على مين والنبي مااخليكى تعمرى فيها ياست عفاف

حياة وشهد بعد ان انهوا دروسهم

حياة ياااه انا جعت اوى

شهد ادينا حنروح اهو وناكل وبعدين نذاكر

حياة هو محمود اخوكى فى الكليه واللا فى البيت

شهد بمكر وبتسالى عن محمود ليه ياحياة

حياة بارتباك ايه لا ابدا بس يعنى

شهد هههههه عيب عليكى ياحياة ده انا اللى فقساكى اه ياستى فى البيت وعارف انك جية كمان

حياة انا عارفه انك بتحبي محمود ومتاكده من حبه ليكى

حياة بجد بجد ياشهد محمود بيحبنى طب قوليلي هو قالك عرفتى ازاى يعنى هو حكالك حاجه والنبي قوليلى

شهد هههههه هههههه

مجنونه وربنا اولا عاوزاكى تتقلى شويه بلاش تبقى خفيفه كده الرجاله بتحب البت التقيله

ثانيا بقى لاء طبعا مقالش حاجه محمود تقيل يابطتى انتى بس انا بقى عارفه ومتاكده

وبكرة تقولى شهد قالت

حياة يارب ياشهد

شهد ياااه ياحياة نفسي تبقى مرات اخويا

يصلون الى البيت ويدقون على الباب

خديجه ايوة يازفته يخرببيتك حتكسري الباب

خديجه حياة حبيبتى ازيك وتقبلها بشده

تعالى ياقلبى عامله ايه ومامتك اخبارها ايه

حياة الحمد لله والله ياطنط

خديجه طيب ادخلوا الاوضه ذاكروا وانا ححضر الغدا حالا

حياة طب نساعد حضرتك

خديجه شفتى ادب صاحبتك يامقصوفة الرقبه اللى عمرها ماطلعت منك وقلتيلي اساعدك ياماما

فياتى اليهم صوت من الداخل

وحتقولك اساعدك ليه وانتى مدلعاها بحجة الثانويه العامه اما نشوف حتعمل ايه فى الاخر

يكش تفلح بس وتبقى دكتورة انشالله حتى دكتورة بيطريه

شهد انت كده علطول تتريق عليه

طب ماشي بكرة تشوف شهد حتعمل ايه

حياة هههههه لا طبعا ده بيهزر معاكى وبعدين مالها بيطريه طب ياريت

شهد لا ياختى اخييى واكشف على القطط والكلاب

انا بقرف

خديجه بقولك ايه بلاقرف بلا بتاع والله ماحد قرفنى غيرك

فيضحك كل من حياة ومحمود

فيوجه كلامه لحياة التى تخفض راسها حرجا منه

ازيك يا حياة عامله ايه

حياة الحمد لله ازيك انت يامحمود

محمود الحمد لله والله انتى عارفه كلية الهندسة صعبه شويه وواخده كل وقتى بس انا عاوز اذاكر معاكم شويه

حياة بفرحه بجد

ياريت

محمود طبعا

بجد انا ببقى مبسوط وانا بشرحلك قصدى وانا بشرحلكم

تتظر خديجة وشهد لبعضهما ويضحكان

خديجه ربنا يسعدكم ياولادى يارب

بقولكم ايه تعالوا ساعدونى خلونى اخلص

شهد ياللا ياماما احسن عصافير بطنى بتصوصو

يجلس محمود على المائده بجوارحياة ويتحدث اليها

خديجه محمود. حياة مش عارفه تاكل منك سيب البت تاكل وبعد الاكل ابقوا اتكلموا براحتكم

بعد تناول الغداء يجلس محمود معهم ويراجع بعض الدروس لهم

وكان شديد الاعجاب بتفوق حياة وذكاءها الشديد الذى يبشر

بمستقبل رائع لها

فى المساء

تجلس حياة بجوار والدتها التى تحكى لها عن العمل الذى كلفها به البشمهندس

حياة هو انتى قلقانه ياماما

عفاف بصي بصراحه انا كنت حرفض بس لما قاللى على المكافاه فرحت قلت رزق حياة

حياة ماما ياحبيبتى مش عاوزاكى ترهقى نفسك او تحمللى نفسك فوق طاقتها عشانى انا اللى يهمنى انتى يافوفه

عفاف ان شاء الله خير وتعدى ان شاء الله

بقولك ايه انا قايمه انام بقى عشان بكرة اشوف الدنيا حتمشي ازاى

تصبحى على خير يا حبيبتى

حياة وانتى من اهل الخير ياماما

تذهب عفاف للنوم بينما حياة تفكر بمن تعلق قلبها به

وكل يوم حبه يكبر فى قلبها فهى لم تعشق غيره وتتمناه زوجا لها

الليل يمر علينا باسراره واحلامه واماله وكل منا يسعى لتحقيق مايتمناه

يمر الليل سريعا وتعلن الشمس عن قدوم يوم جديد يحمل الامل والتفاؤل

تذهب عفاف الى عملها وتباشر العمل كما كلفها البشمهندس كامل

ببنما هذا الوضع لاينول رضا الجميع فالبعض متضايق منها ويسال لما هى التى خصها بهذا العمل الذى يدل على قربها منه

ياسر بصى بقى انتى تخليكى فى شغلك وبس انتى فاهمه

عفاف لا مش فاهمه

دلوقتى انا البشمهندس كلفنى اباشر معاك الشغل وانا حعمل اللى امرنى بيه

ياسر تمام اوى

خلاص اتفضلى اعملى اللى نفسك فيه ياست عفاف

تخرج عفاف من مكتبه بينما تدخل اليه ثريه

ثريه مالك يااستاذ ياسر ايه اللي مضايقك

ياسر بقى انا اللى طول عمرى ايده اليمين جايب الست عفاف عشان قال ايه تساعدنى

بس وربي ماحعدى الموضوع ده على خير

ثريه اكيد هى اللى وسوست له عشان يخليها معاك انا عارفاها دى ميه من تحت تبن

عامله نفسها غلبانه ومسكينه وهى حية

ياسر مش علية مش على ياسر

وانا حخليها تقول حقى برقبتى عشان تبقى تعرف تحشر نفسها في اللى ملهاش فيه

وانتى اللى جيبتيه لنفسك

ولما تتقرصي متبقيش تلومى غير نفسك

فى احدى الاماكن رديئة المستوى نجد رجلا يتحدث الى زوجته

انتى ياعزة انتى ياست هانم مش ناويه تقومى بقى تحضريلنا الفطار واللا حتفضلى نايمه للعصر زى كل يوم

عزة ييه بقى كل يوم تعمللى الغاغه دى عالصبح ماتقوم تطفح نفسك اعملك سندوتش وانت ساكت

عادل وانتى يبقى لزمتك ايه لما انا اللى احضر لنفسي الفطار

عزة هههههه لزمتى ايه مبلاش بقى افتحلك عالصبح

لزمتى انى انا اللى فاتحالك البيت ياحبيبي

لزمتى انى انا اللى بشتغل وبصرف عليك

وان لولايه كان زماننا موتنا من الجوع

عادل ييه هو انتى كل شويه تعايرينى وتفكرينى انك انتى اللى بتصرفى علية

انا من بكرة حروح ادور على شغل بدل كلامك اللى زى السم ده والاسطوانه المشروخه اللى كل شويه تسمعيهالى

عزة تدور على شغل

انت بتضحك على نفسك واللا علية

شغل ايه ياابوشغل هو انت عمرك عمرت فى شغلانه كل شغلانه متعمرش

فيها اسبوع على بعضه ويطردوك طبعا هو فى حد يشغل بلطجى عنده يبوظلهم الشغل ويعمل مشاكل كل شويه

واديك اهوه قاعدلى زى خيبيتها

لاء وكمان ليك عين تتشرط وتتامر ده انت اكل شارب نايم ببلاش ولا كانها لوكانده

وبتاخد منى مصروف ولا كانى خلفتك

عادل ماخلاص بقى وزتى قومى بقى انا جعان الله يخرببيت فقرك

عزة اللى يسمع كده يقول انى ححضر المحمر والمشمر

واللا حنعمل زى ولاد الزوات ونفطر فى الجنينه بلا خيبه عليك وعلى عيشتك السوده

انا مش عارفه كان عقلي فين لما اتنيلت ووافقت اتجوزك كنت فاكراك حتهنينى اتارينى وقعت ومحدش سما علية

عادل جتك نيله وانتى ست فقر انا مش عاوز منك حاجه انا سايبلك البيت وماشي عشان ترتاحى

عزة بالسلامه ياحبيبي بس حتروح فين ان شاء الله

هو انت مكان غير هنا

عادل انتى صدقتى واللا ايه ده انا بهزر هو فى حد بردو يسيب بيته ومراته اللى بېموت فى دباديبها

عزة البيت قصدك القمقم اللى عايشين فيه ده

انا الرطوبه كلت جسمى نفسي اعيش فى شقه حلوة تدخلها الشمس فى وسط ناس عدله مش معيشنى فى وسط ناس زباله

كل يوم خناقات وقتل وقرف

نفسي اتستت وابقى هانم ويتصرف علية

انا مش عارفه انت مطلعتش زى اخوك ليه

كان راجل ولا كل الرجاله كان مستت مراته ومهنيها لاء وايه جاب لهم شقه حلوة شرحه وبرحه والشمس فيها طول اليوم

عادل اخويا كان جايب الشقه بالقسط وانتى عارفه انه كان بيشتغل بالاجرة واليوم اللى يقعد فيه ميلقيش الاكل هو وبته ومراته

لكن مراته ست جدعه وقفت جمبه لحد ماخلص اقساط الشقه

مش كل شويه تعايره زيك

عزة اه يااخويا ويادوب خلص الاقساط واتكل على الله

والست هانم هى وبتها عايشين مبرطعين فى الشقه اللى ترد الروح واحنا متلقحين هنا

عادل وانا اعمل ايه يعنى قلتلك اتجوزها ونعيش كلنا فى الشقه وانتى اللى رفضتي

عزة لا والنبي شوف ازاى انت بتستعبطنى ياعادل انت فاكر انى دقه عصافير ومش عارفه انك رحتلها وعرضت عليها الجواز وهى اللى رفضت

عادل اه يا اختى رفضت واهى عايشه هو وبتها براحتهم وهى بتشتغل وبتصرف على بتها وقال ايه عايزاها تبقى دكتورة

عزة دى بتستعر مننا ومش عاوزانا نقرب منهم

عادل بصراحه معاها حق مااحنا مش منظر يردو

عزة اتكلم عن نفسك ياحبيبى انا أشرف اى حد مفيش حاجة مقلله منى غير جوازى منك

عادل تصدقى بالله انى نفسي اتسدت وسايبلك البيت وماشي

عزة احسن بردو

بس استنى عندك وتفتح الدرج وتعطيه مبلغا من المال

خد هاتلنا غدا وانت راجع انا مليش نفس النهارده اعمل اكل

عادل ماشي ياوزتى تحبي اجيبلك اكل ايه

عزة اى حاجه المهم معملش اكل

وياللا بقى اتوكل شوف نفسك رايح فين وتضع راسها على المخده لتستكمل نومها

فى شرم الشيخ يجرى كامل مكالمه مع عفاف

كامل طمنينى ياعفاف الشغل عامل ايه

عفاف تمام كله تمام يابشمهندس

بس كان فى حاجه عاوزة اقول لحضرتك عليها

كامل خير ياعفاف قولى

عفاف اصلي كنت حاسه يعنى ان ياسر

وهنا تدخل زوجة كامل عليه

معلش ياعفاف انا حقفل معاكى دلوقتى وحكلمك كمان شويه

عفاف طيب حاضر يابشمهندس

زوجة كامل ايه ياحبيبي انت سيبتنا عشان تكلم عفاف

كامل بطمن عالمصنع ياحبيبتى

زوجته وهو يعنى مينفعش تطمن عليه غير من الست عفاف دى

كامل مالك ياناهد بتتكلمى كده ليه

ناهد بصراحه مش عاجبنى الوضع ده

كامل وضع ايه ياناهد اللى مش عاجبك ماتتكلمى

ناهد حساك مدى عفاف دى اكبر من حجمها ايه فهمها هى فى ادارة المصنع هو مش ياسر المسئول

واللا ايه الحكاية بالظبط متفهمنى

كامل افهمك ايه انتى شكلك اتجننتى

ناهد لا متجننتش ياكامل انا