اسكربت نسمه والهوي
زيدان اتنهد: انا هقفل الورشه وجاى شكلك تعبانه
نسمه: انا كويسه والله
زيدان: سلام دلوقتى
في شقة زيدان
دخل وحط الاكل على الطربيزه وخبط على نسمه
نسمه: ادخل
زيدان دخل
: جبت الاكل احط في الصاله ولا اجيل هنا
نسمه اتعدلت
: لا قايمه هناكل برا
زيدان: تمام
طلع برا جهز الاكل على السفره وهى طلعت بعد ما خدت دش نسمه: اي الاكل دا كله كتير
نسمه قعدت وبدات تاكل
: عجبك
نسمه: الاكل... ايوه جميل... ونضيف
زيدان: انا وصيت عليه مخصوص علشان ميوجعش باقي بطنك
نسمه بخجل: ماشي
زيدان: احم... هو ليه تعبك كل شهر دا بنسبه ليكى عادي كل ما اقولك نروح عند الدكتور تقوليلي لا عادى
نسمه: هو دور برد عادى وبقوم كويسه
نسمه: زيدان
زيدان: ايوه
نسمه: انا دلوقتي اتاكدت انك في عمرك ما عرفت بنات بجد
زيدان ضحك: انتى كان عندك شك يعنى
نسمه: الصراحه كنت قربت اصدقهم
زيدان: طيب ما انتى قدامى بقالك واحد وعشرين سنه
نسمه: في ناس كدا بتخاف على حرمتها بس مبتخفش على حرمت غيرها
نسمه ضحكت: لا انا اقدر اقول حاجه دا انت البلد كلها بتحكى عليك وعلى اخلاقك اقدر انا اقول حاجه
زيدان: جدعه
الباب خبط
زيدان: دقيقه هقوم افتح
زيدان قام فتح
واحد من الى شغلين معاه في الورشه
: الحق يا معلم زيدان الحكومه ماليه الورشه والمنطقه
زيدان بقلق: متعرفش ليه يلا يا فواز
فواز: لا يا معلم
نسمه: في اي فواز كان بيقولك اي.
زيدان خد حاجته بلهفه
: لما ارجع هحكيلك مطلعيش برا الشقه وقفلي على نفسك
زيدان نزل بسرعه و نسمه راحت تقعد مع ام مراون
في الورشه
زيدان: خير يا باشا
الظابط: انت زيدان الحسينى
زيدان: ايوه
الظابط: انا فتشنا الورشه لقينه دا فيها
زيدان مسك الكيس بستغراب
: لقتوه فين دا
الظابط: على مكتبك في جيب الجاكت الى حاطه على الكرسي
