روايه بقلم شيماء صبحي

وفجاه لقيت عربيه اجرة ماشيه شاورتلها بفرحه تاكسي تاكسي ! 
وقفت العربيه ولقيت السواق بيبتسملي علي فين يا انسه 
لو سمحت وديني علي العنوان دا!!
تمام يا انسه اتفضلي 
ركبت العربيه بعد ماكنت خلاص فقدت الامل اني الاقي حد يوصلني برفع عيني ابص للسواق ولفت نظري كيس ابيض مليان توت بصتلوا باستغراب وسألته 
هو التوت دا بتاعك يا فندم!!
بصلي السواق وبص للكيس بدهشه اي دا هو جه امتي دا اول مره اخد بالي 
بصيتلو باستغراب وقولت معقول يعني يكون حد نساه 
ضحك السواق وافتكر الشاب الي بعته للعنوان دا وحط الكيس فيه وقال اه يا بنتي دي تلاقي زبون نساه ولا حاجه 
بصيتلو بدهشه علي الصدفه الغريبه دي ولقيتيه بيقولي! 
انا مبحبوش ولا حد في اولادي بيحبه لو تعرفي حد بيحبو خدية وادهولوا 
بصيتلو باستغراب وقلت انت بتتكلم بجد
ضحك وقالي! ايوا يابنتي مستغربه ليه ولقيتو مد ايديه بالكيس وقال 
خدي يا بنتي شكلو من نصيبك 
كنت متفاجأه جدا من اللي حصل وبحاول استوعب الموضوع وبعدين مديت ايدي اخذت الكيس منو وابتسمت وانا بقول يا حظك يا مياده والله ! 
عدي وقت

كبير ووصلت اخيرا لبيت اختي مياده وخرجت وانا ببص للعماره وانا بدور في شنطتي ادور علي فلوس وبصيت پصدمة لما لقيت ان الفلوس متكفيش لسا بدور وشي علشان استاذن السواق يستني علي اما اطلع فوق اجيب فلوس واجي ملقتش حد وبصيت بدهشه من الموقف قعدت ادور بعيني علي كل الشوارع الي موجوده ومفيش اي أثر للعربيه! 
رفعت الكيس الي في ايدي وبصيت بدهشه معقوله يكون الشاب دا هو الي عمل كدا!! 
ضحكت وطلعت لشقه اختي ودخلت وكانت مياده اختي بتاكل فاكهه وبتتفرج علي التلفزيون قولت وانا بهزر كالعادة واخيرا يا بت يا دودو جبتلك التوت الي نفسك فيه 
ضحكت مياده وقربت مني بفرحه وشدت الكيس من ايدي واخدت منو توت واكلته وقالت بفرحة متصدقيش يارنا كان نفسي فيه قد ايه 
شديت الكيس من ايديها وانا بضحك مهو حلو بس لازم يتغسل يلا اقعدي ارتاحي وانا هروح اغسلة! 
ورحت دخلت المطبخ وغسلت التوت وخرجت اتفضلي ياست دودو التوت الي طلع عيني علي ما جبته 
بصتلي مياده وقالت الا صحيح يا رورو جبتيه ازاي 
قولت وانا بضحك من علي الشجرة 
فتحت مياده عينيها من الصدمة وقالت بدهشه شجرة طلعتي علي الشجرة يا رنا علشاني 
قربت منها وانا بضحك اكيد علشان حبيب خالتو طبعا 
ضړبتني مياده في بطني بضحك طب يلا يا اختي قومي زي الشاطره كدا اغسلي المواعين علشان جوزي لما يجي ميبقاش ورايا حاجه وافضالو 
وغمزتلي بصيتلها وضحت بخجل! انا مش فاهمه هوا مستحملك علي ايه ربنا يكون في عونه 
دخلت وانا بضحك وبدات اغسل المواعين وانا بغني ومندمجه وبعد ما خلصت خرجت لقيت مياده اختي في تاسع نومه متستغربوش هيا فعلا كانت في تاسع